सरकार

img
पार्टीमा सुधारको खाँचो छ :वरिष्ठ नेता पौडेल

नेपाली काङ्ग्रेसका वरिष्ठ नेता रामचन्द्र पौडेलले पार्टीभित्र सुधारको खाँचो रहेको बताउनुभएको छ । राष्ट्रिय जागरण अभियानको क्रममा नेपाली काङ्ग्रेस क्षेत्र नं १ तनहुँले आज बन्दीपुरको डुम्रेमा आयोजना गरेको क्षेत्रीय भेलामा वरिष्ठ नेता पौडेलले पार्टीकै नेताहरुको कार्यशैली सुध्रन नसके पार्टी बलियो हुन नसक्ने बताउनुभयो ।

by RSS | May 17
img
छाती पुनःस्थापना केन्द्रको शिलान्यास

भक्तपुर नगरपालिकाका–९ च्याम्हासिंहमा छाती पुनःस्थापना केन्द्र स्थापना गर्ने भएको छ । केन्द्रको नवनिर्मित भवनको आज नगरपालिकाका प्रमुख सुनिल प्रजापतिले शिलान्यास गर्नुभयो । शिलान्यास कार्यक्रममा उहाँले भक्तपुर नगरमा श्वासप्रश्वास (दम) सम्बन्धी रोगका बिरामीलाई फिजियोथेरापी विधिमार्फत् उपचार गर्ने पहिलो छाती रोग पुनःस्थापना केन्द्र भक्तपुरमा सञ्चालन हुनु गौरवको कुरा भएको बताउनुभयो ।

by RSS | May 17
img
प्रदेश नं ३ : दुई विधेयक पारित

प्रदेश नम्बर नं ३ को प्रदेशसभाको बैठकले प्रदेशमा बीउबिजनको व्यवस्था गर्न बनेको विधेयक २०७६ र प्रदेशमा कृषि व्यवसाय प्रवर्द्धन गर्न बनेको विधेयक २०७६ लाई सर्वसम्मतिबाट गरेको छ । आज बसेको प्रदेशसभा बैठकमा कृषि भूमि व्यवस्था तथा सहकारीमन्त्री दावा दोर्जे लामाले ती दुवै विधेयक पारित गरियोस् भनी प्रस्ताव राख्नुभएको थियो ।

by RSS | May 17
img
‘कूल बजेटको दश प्रतिशत स्वास्थ्यमा’

उपप्रधान, स्वास्थ्य तथा जनसङ्ख्यामन्त्री उपेन्द्र यादवले आगामी आर्थिक वर्षमा सरकारले विशेष प्राथमिकताका साथ स्वास्थ्य क्षेत्रमा बजेट विनियोजन गर्ने प्रतिबद्धता व्यक्त गर्नुभएको छ । महाराजगञ्जस्थित कान्तिबाल अस्पतालमा आज आयोजित मेडिकल उपकरण हस्तान्तरण समारोहमा उपप्रधानमन्त्री यादवले आगामी आवको कूल बजेटमध्येबाट दश प्रतिशत बजेट स्वास्थ्य सेवालाई विनियोजन गर्न आफूले सक्दो पहल गर्ने बताउनुभयो ।

by RSS | May 17
img
माथिल्लो त्रिशूलीको विद्युत् राष्ट्रिय प्रणालीमा जोडियो

लामो समय विवाद र प्राकृतिक प्रकोपका कारण समस्यामा परेको माथिल्लो त्रिशूली थ्री ए जलविद्युत् आयोजनाको विद्युत् आजदेखि राष्ट्रिय प्रसारण प्रणालीमा जोडिएको छ । आयोजनाको पहिलो युनिटबाट ३० मेगावाट विद्युत् राष्ट्रिय प्रणालीमा जोडिई आयोजना पूर्णरुपमा सम्पन्न भएको हो ।

by RSS | May 17
img
‘व्यावहारिक शिक्षा बेरोजगार अन्त्यको आधार’

राष्ट्रियसभाका अध्यक्ष गणेशप्रसाद तिमिल्सिनाले विद्यार्थीका इच्छाअनुसारको व्यावहारिक शिक्षा हासिल गर्न दिनुपर्ने बताउनुभएको छ । बागलुङको काठेखोला गाउँपालिका–७ रेशमास्थित रेश नुन्थला माध्यमिक विद्यालयले सञ्चालन गरेको शैक्षिक महोत्सवलाई सम्बोधन गर्दै तिमिल्सिनाले बालबालिकालाई करकापमा होइन इच्छाअनुसारको व्यावहारिक शिक्षा प्रदान गर्न सकेमात्र भोलिका दिनमा स्वरोजगार बन्न सक्ने बताउनुभयो ।

by RSS | May 17
img
आगलागीपीडितलाई प्रदेशसभा सदस्यको सहयोग

आगलागीपीडित पाल्पा बगनासकाली गाउँपालिका–१ चिर्तुङधाराका विष्णुबहादुर दिशाको परिवारलाई प्रदेश नं ५ का प्रदेशसभा सदस्य सांसद वीरबहादुर रानाले सहयोग गर्नुभएको छ । रानाले पीडितकै घरमा पुगेर पीडित परिवारलाई खाद्यान्न सामग्री, लत्ताकपडा, नगद सहयोग गर्नुभएको हो । सो सामग्री लिएर पीडितको घर पुग्नुभएका सदस्य रानाले विपत् कतिबेला आइलाग्छ भन्ने कुरा यकिन नहुने हुँदा विपत् आइपर्‍यो भनेर नआत्तिन आग्रह गर्नुभयो ।

by RSS | May 17
img
मिडिया काउन्सिलसम्बन्धी विधेयक सच्याउनुपर्ने माग

संसद्मा दर्ता भएको मिडिया काउन्सिलसम्बन्धी विधेयक सच्याउनुपर्ने माग गरिएको छ । नेपाल मानवअधिकार सङ्गठनले बिहीबार पत्रकार सम्मेलन गरी विधेयकमा रहेका कतिपय प्रावधानले मिडियामाथि सरकारले अङ्कुश लगाउन खोजेको देखिएको भन्दै सच्याउनुपर्ने माग गरेको हो ।

by RSS | May 17
img
स्थानीय निकायका उपप्रमुखको सहभागितामा इजलास सञ्चालन

स्थानीय सरकार गठन भएको दुई वर्षपछि नारायण नगरपालिकाले इजलास निर्माण गरेर न्यायिक समितिको काम औपचारिकरूपमा थालनी गरेको छ । दैलेखका ११ स्थानीय तहमध्ये पहिलोपटक नारायण नगरपालिकाले इजलास निर्माण गरेर औपचारिकरूपमा शुरु गरेको छ । यसअघि न्याय समितिले इजलासविना नै आएका उजुरीको अधिकार क्षेत्रभित्र रहेर छलफल गर्दै सहमतिका आधारमा काम गर्दै आएको थियो ।

by RSS | May 17
img
गैर कानुनी काम गर्नेदेखि सावधान !

कसैले चलेको कम्पनीको नाम लिएर कुनै काम गरिदिन्छु भन्यो भने तपाईंमा तत्कालै विश्वास गर्ने बानी त छैन ? यदी यस्तो गर्नुभएको भए सावधान हुनुहोस् र कुनै कम्पनीको कर्मचारी बनेर सेवा उपलब्ध गराउँछु भन्ने मान्छे यकिन नगरी उसलाई काम नदिनुहोस् । त्यस्ता व्यक्ति सम्बन्धित कम्पनीको कर्मचारी हो या होइन पहिले प्रष्ट भएर मात्र काम लगाउनुहोस् । नत्र ठगिन सक्नुहुन्छ ।

by RSS | May 16
img
किसानले बिनाझञ्झट ऋण पाउनुपर्छ : मन्त्री ढुङ्गेल

प्रदेश नं ३ का आर्थिक मामिला तथा योजनामन्त्री कैलाशप्रसाद ढुङ्गेलले बैंक तथा वित्तीय संस्थाले किसानलाई सहज र पारदर्शी रुपमा ऋण उपलब्ध गराउनुपर्ने बताउनुभएको छ । प्रदेश ३ को प्रदेश नीति तथा योजना आयोगद्वारा आयोजित कृषिको वित्तीय स्रोत व्यवस्थापन तथा विक्तीय हस्तान्तरण कार्यत्रममा उहाँले भन्नुभयो, “वास्तविक किसानले सहजरुपमा ऋण पाउन सक्नुपर्दछ ।”

by RSS | May 16
img
भारतीय लगानीकर्तालाई नेपालमा लगानी गर्न अर्थमन्त्रीको आग्रह

अर्थमन्त्री डा युवराज खतिवडाले नेपालमा निर्धक्क भएर लगानी गर्न भारतीय उद्योगी तथा व्यवसायीलाई आग्रह गर्नुभएको छ । ‘नेपाल–इण्डिया फ्रेन्चाइज इन्भेस्टमेन्ट एक्सो एण्ड कन्क्लेभ’को आज यहाँ उद्घाटन गर्नुहुँदै उहाँले वर्तमान सरकारले लगानीको वातावरण बनाएको, नीतिगत सुधारसमेत गरेको तथा उच्च प्रतिफल र सुरक्षाकोसमेत प्रबन्ध गरेकाले लगानीका लागि नेपाल सुगम गन्तव्य भएको बताउनुभयो ।

by RSS | May 16
img
समृद्धिका लागि कला, साहित्य बलशाली : उप्रधानमन्त्री

उपप्रधानमन्त्री एवं रक्षामन्त्री ईश्वर पोखरेलले ‘समृद्ध नेपाल र सुखी नेपाली’ बनाउने राष्ट्रिय कार्यभारलाई सार्थक तुल्याउन कला र साहित्य क्षेत्रको महत्वपूर्ण भूमिका हुने बताउनुभएको छ ।

by RSS | May 16
img
पुरातत्व विभागलाई महानगरको पत्राचार

काठमाडौँ महानगरपालिकाले स्वयम्भू क्षेत्रको गरिमा बचाइराख्न र नयाँ संरचना निर्माण कार्य स्वीकृत नगर्न पुरातत्व विभागलाई पत्राचार गरेको छ । यस क्षेत्रमा कुनै पनि संरचना बनाउनैपर्ने भएको वडा कार्यालयसँग समन्वय र सिफारिशमा मात्र प्रक्रिया अगाडि बढाउन भनिएको छ । कामपाको वडा नं १५ ले पुरातत्व विभागलाई पत्राचार गरेको हो ।

by RSS | May 16
img
कचनकवलको काँचुली फेर्ने गुरुयोजना

सरकारको सय गन्तव्य सूचीमा समेटिएको नेपालको सबैभन्दा होचो स्थान ‘कचनकवल’लाई आगामी पाँच वर्षभित्र नयाँ आकर्षकस्वरुप दिने गरी गुरुयोजना निर्माण गरिएको छ । आन्तरिक तथा बाह्य पर्यटक आउने सम्भावना उच्च रहे पनि पर्यटकीय आकर्षणका पूर्वाधार केही नभएका कारण नेपालकै प्रख्यात स्थान कचनकवल प्राय सुनसान जस्तै देखिन्छ ।

by RSS | May 16
img
बिचौलियाबाट जनताले दुःख पाए

गाउँका मानिस प्रहरी कहाँ नजाने मानसिकताको फाइदा बिचौलियाले लिने गरेको देखिएको छ । प्रदेश नं २ मा बिचौलिया प्रहरी कार्यालय धाउने प्रवृत्ति दिनप्रतिदिन बढ्दै गएको जनाइएको छ । जिल्ला प्रहरी कार्यालय धनुषाको नवनिर्मित ब्यारेक भवन उद्घाटन कार्यक्रममा सो जानकारी दिइएको हो । बिचौलियाका कारण दुःख परेको मानिसले न्याय पाउनमा जटिलताको समस्या व्यहोर्नु परिरहेकोतर्फ ध्यानाकर्षण गराइएको छ ।

by RSS | May 16
img
विनियोजन विधेयक प्रस्तुत

प्रदेश नं ३ को प्रदेशसभाको आज बसेको बैठकमा प्रदेश सरकारको आगामी आर्थिक वर्ष २०७६/७७ का लागि आर्थिक मामिला तथा योजनामन्त्री कैलाशप्रसाद ढुङ्गेलले विनियोजित बजेटको सिद्धान्त र प्राथमिकताको विधेयक पूर्ण छलफलका लागि प्रस्तुत गर्नुभयो । उहाँले सो विधेयकमा विकासको नाममा अनुदान छर्ने प्रवृत्तिलाई निरुत्साहित गरी प्रदेशसभाका सदस्यको अगुवाइमा योजनाको कार्यान्वयन, अनुगमन एवम् मुल्याङ्कनलाई वैज्ञानिक र व्यावहारिक बनाइने छ भन्नुभयो ।

by RSS | May 16
img
राष्ट्रियतामा गम्भीर बन्न अध्यक्ष केसीको आग्रह

राष्ट्रिय जनमोर्चाका अध्यक्ष चित्रबहादुर केसीले राष्ट्रियताका सवालमा सरकार गम्भिर बन्नुपर्ने बताउनुझएको छ । अनेरास्ववियु (छैटौंँ) ले आज ५४औंँ विद्यार्थी दिवसको अवसरमा आयोजना गरेको ‘राष्ट्रियतामाथिको सङ्कट र विद्यार्थी आन्दोलन’ विषयक अन्तर्क्रिया कार्यत्रममा उहाँले मुलुकमा कम्युनिष्ट पार्टीको शासन भएको बेला राष्ट्रियताका सवालमा कसैसँग झुक्न नहुने बताउनुभयो । मुलुकको राष्ट्रियता कमजोर बनाउने प्रयास गरिएकाले सरकार सचेत रहनुपर्ने अध्यक्ष केसीको भनाइ थियो ।

by RSS | May 16
img
‘ऐन चाँडो ल्याउ’

स्थानीय उद्योग तथा व्यवसायलाई संरक्षण गर्ने उद्देश्यले ‘सेफगार्ड एन्टी डम्पिङ तथा काउन्टरभेलिङ’ सम्बन्धी ऐन चाँडो ल्याउनपर्नेमा जोड दिइएको छ ।

by RSS | May 16
img
लघु बिमा विस्तार गर्नुपर्नेमा अर्थमन्क्रीको जोड

अर्थमन्त्री डा युवराज खतिवडाले लघु बिमा कार्यत्रमलाई विस्तार गर्नुपर्नेमा जोड दिनुभएको छ । आज राजधानीमा आयोजित बिमा समितिको ५१औँ वार्षिकोत्सवमा मन्त्री खतिवडाले वित्तिय उपकरणलाई उत्पादनसँग जोड्नुपर्ने बताउनुभयो । लघु बिमालाई प्रोत्साहन गर्नु जरुरी रहेको मन्त्री खतिवडाको भनाइ थियो । “बैंक र बिमा कम्पनीबीच प्याकेजमा डिल गर्ने काम गर्न हुँदैन्”, उहाँले भन्नुभयो ।

by RSS | May 16