सरकार

img
राजदूत पाण्डेलाई बु्रनाइको जिम्मेवारी

राष्ट्रपति विद्यादेवी भण्डारीले मलेसियाका लागि नेपाली आवासीय राजदूत उदयराज पाण्डेलाई ब्रुनाइ दारुसलामका लागि समेत गैह्रआवासीय राजदूतमा नियुक्त गर्नुभएको छ । नेपालको संविधानको धारा २८२ (१) बमोजिम मन्त्रिपरिषद्को सिफारिशमा पाण्डेलाई आज नियुक्त गरिएको राष्ट्रपतिको कार्यालयले जनाएको छ ।

by RSS | May 15
img
भन्सारको सुरक्षाः त्रिपालको बास

कैलालीको टीकापुर नगरपालिका–९ खक्रौलास्थित सत्ती भन्सार कार्यालयको सुरक्षार्थ खटिएका सशस्त्र प्रहरीको सीमा अवलोकन युनिट (बिओपी) का सुरक्षाकर्मी त्रिपालमुनि बस्दै आएका छन् । पुस÷माघ महीनाको कठ्याङ्ग्रिने जाडो होस् वा चैत÷वैशाख महीनाको टन्टलापुर घाम नै किन नहोस्, उनीहरुको दिनचर्या त्रिपालमुनि नै बित्दै आएको छ । छोटी भन्सार कार्यालयबाट मूल भन्सारमा परिणत भएपछि त्यसको सुरक्षाका लागि सशस्त्र प्रहरी खटिएको हो ।

by RSS | May 15
img
संसद्मा विधेयक पेश भएको छैन :मन्त्री बाँस्कोटा

सञ्चार तथा सूचना प्रविधिमन्त्री गोकुलप्रसाद बाँस्कोटाले संसद्मा पेश भएको भनिएको प्रेससम्बन्धी विधेयक नभएको बताउनुभएको छ । हेटौँडामा डिजास्टर रिकभरी केन्द्रको उद्घाटनमा उहाँले उक्त विधेयक छलफलका लागि मात्र तयार गरिएको स्पष्ट पार्नुभयो । मन्त्री बाँस्कोटाले पत्रकारलाई कागले कान लग्यो भन्दैमा कागको पछाडि नदर्गुन आग्रह गर्नुभयो ।

by RSS | May 15
img
एन्फाको वरिष्ठ उपाध्यक्षमा नेम्वाङ

अखिल नेपाल फुटबल सङ्घ (एन्फा) को वरिष्ठ उपाध्यक्षमा पंकज विक्रम नेम्वाङ सर्वसम्मत चयन हुनुभएको छ । एन्फा कार्यसमितिको आज बसेको बैठकले वरिष्ठ उपाध्यक्षमा उहाँलाई सर्वसम्मत चयन गरेको हो । केन्द्रीय कार्यसमितिको निर्वाचन भएको एक वर्षपछि एन्फाले वरिष्ठ उपाध्यक्ष पाएको छ । एन्फा विधानअनुसार चार उपाध्यक्षमध्ये एक वरिष्ठ तोक्ने प्रावधानअनुसार नेम्वाङ चुनिनुभएको हो ।

by RSS | May 15
img
प्रम ओलीबाट नेपालमा लगानीका लागि कम्बोडियाली लगानीकर्तासँग आग्रह

प्रधानमन्त्री केपी शर्मा ओलीले नेपालमा उपयुक्त लगानी वातावरणका लागि नीतिगत स्थिरता, स्पष्ट नियामक ढाँचा, विधि र प्रक्रियामा सरलता, बजारको उपलब्धता र पहुँच तथा आकर्षक प्रोत्साहनजस्ता प्रावधान रहेको बताउनुभएको छ । नेपाल–कम्बोडिया व्यवसाय मञ्चलाई आज यहाँ सम्बोधन गर्दै उहाँले नेपालमा राजनीतिक स्थिरता प्राप्त भएकाले नीतिमा स्थायित्व र एकरुपता भएको स्पष्ट गर्नुभयो ।

by RSS | May 15
img
प्रधानमन्त्री ओली बुधबार स्वदेश फर्किने

प्रधानमन्त्री केपी शर्मा ओली भियतनाम र कम्बोडियाको एकसाता लामो औपचारिक भ्रमण सम्पन्न गरी बुधबार स्वदेश फर्कंदै हुनुहुन्छ । समाजवादी गणतन्त्र भियतनामका प्रधानमन्त्री गुएन सुआन फुक र कम्बोडियाका प्रधानमन्त्री सम्देह अक्का मोह सेना पडेइ टेको हुन सेनको मैत्रीपूर्ण निमन्त्रणामा गत वैशाख २६ गते त्यसतर्फ प्रस्थान गर्नुभएको प्रधानमन्त्री भोलि स्वदेश फर्कनुहुने प्रधानमन्त्रीका प्रेस सल्लाहकार डा कुन्दन अर्यालले जानकारी दिनुभयो ।

by RSS | May 15
img
मिडिया काउन्सिल सम्बन्धी विधेयक फिर्ता लिन आग्रह– नागरिक समाज

नागरिक समाजका अगुवाले सरकारले सङ्घीय संसद्मा दर्ता गराएको तीन वटा विधेयकप्रति आपति जनाउँदै त्यसलाई तत्काल फिर्ता लिन सरकारसंग आग्रह गरेका छन् ।

by RSS | May 15
img
मिडिया काउन्सिल विधेयकको विरोध

नेपाल पत्रकार महासङ्घ कास्कीले सरकारले हालै संसद्मा पेश गरेको मिडिया काउन्सिल विधेयकको विरोध गरेको छ । विधेयकका सम्बन्धमा छलफल गर्न महासङ्घ कास्कीद्वारा आज यहाँ आयोजित अन्तरक्रियामा स्वतन्त्र प्रेसविरुद्ध विधेयक आएको भन्दै महासङ्घ केन्द्रको निर्णयअनुरुप विरोध कार्यक्रम सञ्चालन गर्ने महासङ्घ कास्कीका अध्यक्ष दीपेन्द्र श्रेष्ठले बताउनुभयो ।

by RSS | May 15
img
‘महानगर निर्माणमा सामाजिक संस्थासँगको सहकार्य जरुरी’

काठमाडौँ महानगरपालिकाका प्रमुख विद्यासुन्दर शाक्यले समृद्ध महानगर निर्माणका लागि सामाजिक संस्थासँग सहकार्य गरिने बताउनुभएको छ । थापाथली जनकल्याण परिवारको ३०औँ वार्षिकोत्सव तथा पुरस्कार वितरण समारोहमा उहाँले सुन्दर महानगर, समृद्ध महानगर निर्माणका लागि सामाजिक संस्थासँग सहकार्य गरेर अगाडि बढ्ने बताउनुभयो । “राम्रो काम गर्ने सामाजिक संस्थासँग सहकार्य गरेर काठमाडौँ महानगरपालिका अगाडि बढ्छ”, उहाँले भन्नुभयो ।

by RSS | May 15
img
स्थायी राजधानी तोक्ने विषयमा प्रस्ताव प्रस्तुत

प्रदेश नं ३ को प्रदेशसभाको आज बसेको बैठकमा प्रदेशको स्थायी राजधानी यथाशीघ्र तोक्न कार्यविधि ल्याउने विषयमा सत्तारुढ नेपाल कम्युनिष्ट पार्टी (नेकपा) का संसदीय दलका प्रमुख सचेतक रामेश्वर फुँयालले प्रस्ताव पेश गर्नुभएको छ । उक्त प्रस्तावमाथि नेपाली काङ्ग्रेस संसदीय दलका प्रमुख सचेतक राधा घलेले सर्मथन गर्नुभएको थियो ।

by RSS | May 15
img
नेपाल विश्वको धार्मिक केन्द्र हो : उपराष्ट्रपति पुन

उपराष्ट्रपति नन्दबहादुर पुनले नेपाल विश्वकोे धार्मिक अस्थाको केन्द्र भएकोे बताउनुभएको छ । ‘यदुवंशी उत्थान समाज नेपाल’ले हरिपुर नगरपालिका–४ स्थित हरैयामा निर्माण गर्न लागेको कृष्ण मन्दिरको आज शिलान्याश गर्दै उहाँले हिन्दू धर्मावलम्बीका लागि आस्थाको केन्द्र जानकी मन्दिर, पशुपतिनाथ र मुक्तिनाथ रहेको छ भने बौद्ध धर्मावलम्बीका लागि शान्तिका अग्रदूत गौतम बुद्धको जन्मस्थल लुम्बनी पनि नेपालमै रहेको बताउनुभयो ।

by RSS | May 15
img
त्रिपक्षीय समझदारी गरिने

सरकारले सङ्घ, प्रदेश र स्थानीय तहबाट कार्यान्वयनमा ल्याइएको प्रधानमन्त्री रोजगार कार्यक्रमको सञ्चालनमा पारस्परिक सहयोग, सहकार्य र समन्वय कायम गर्न तीनै तहका सरकारबीच त्रिपक्षीय समझदारी गर्ने भएको छ । रोजगार कार्यक्रमलाई प्रभावकारी रुपमा कार्यान्वयन तथा कार्यक्रमप्रति प्रदेश र स्थानीय तहको अपनत्व महसुस गराउन तीन तहका सरकारबीच समझदारी गर्न लागिएको श्रम, रोजगार तथा सामाजिक सुरक्षा मन्त्रालयले जनाएको छ ।

by RSS | May 15
img
विवरण अद्यावधिक गर्न समय थप

वैदेशिक रोजगार विभागले इजाजत प्राप्त मेनपावर कम्पनीको सम्पूर्ण विवरण अद्यावधिक गर्न अन्तिम पटक समय थप गरेको छ । विभागले इजाजत प्राप्त मेनपावर कम्पनीलाई यही वैशाख २३ देखि २९ गतेसम्म आफ्नो कम्पनीको विवरण वैदेशिक रोजगार सूचना व्यवस्थापन प्रणालीमा अद्यावधिक गर्न निर्देशन दिएको थियो । तोकिएको समयावधिभित्र विवरण अद्यावधिक गर्न नसकेका मेनवापर कम्पनीको आग्रहमा विभागले पुनःम्याद थप गरेको हो ।

by RSS | May 15
img
बुधबारदेखि एकल बिन्दु सेवा केन्द्र सञ्चालनमा आउने

निजी क्षेत्रले लामो समयदेखि माग गर्दै आएको एकल बिन्दु सेवा केन्द्र बुधबारदेखि सञ्चालनमा आउने भएको छ । उद्योग दर्ता, प्रवेशाज्ञालगायत विभिन्न आठ प्रकारका सेवा एकै स्थानबाट उपलब्ध गराउने लक्ष्यका साथ सरकारले उद्योग विभागको परिसरमा सो केन्द्र स्थापना गरेको छ ।

by RSS | May 15
img
पूर्वतयारीबारे छलफल

राष्ट्रिय परिचयपत्र तथा पञ्जीकरण विभागको आयोजनामा आज सौराहामा विभिन्न सङ्घसंस्थाका प्रतिनिधिसँग अन्तक्र्रिया कार्यक्रम सम्पन्न भएको छ । कार्यक्रममा परिचयपत्र वितरणको पूर्वतयारी र वितरणका विषयमा सरोकारवालासँग छलफल गरिएको थियो । सो अवसरमा विभागका महानिर्देशक दिपक काफ्लेले कार्यपत्र प्रस्तुत गर्नुहुँदै परिचयपत्रका विषयमा बारम्बार सोधिने प्रश्न, विभागले परिचयपत्र वितरणका क्रममा गरेका तयारी, भावी कार्यक्रम लगायतका विषयमा प्रकाश पार्नुभएको थियो ।

by RSS | May 15
img
कम्युन बस्तीमा पहिलो पटक सरकारी सेवा र अधिकारी

कम्युनको अभ्यास गरेर दुनियाँलाई सन्देश दिएको जुनिचाँदे गाउँपालिकामा पहिलो पटक सरकारी अधिकारी गएर बृहत् शिविर सञ्चालन गरिएको छ । गाउँपालिकाको प्रशासकीय केन्द्र लुहादह र जुनी बस्तीमा पहिलो पटक बृहत् शिविर सञ्चालन गरिएको हो । प्रजिअ ललितकुमार बस्नेतलगायतको सरकारी टोली लुहादह, जुनिचाँदेलगायतका ठाउँ पुगेर सञ्चालन भएको शिविरमा ६४२ ले नागरिकता लिएका छन् ।

by RSS | May 15
img
सोवा रिग्पा उपचारलाई प्राथमिकता दिइनेछ–राज्यमन्त्री यादव

स्वास्थ्थ राज्यमन्त्री डा सुरेन्द्रकुमार यादवले शताब्दीऔँअघिदेखि प्रचलनमा रहेको नेपालको मौलिक सोवा रिग्पा उपचार पद्दतिलाई पनि प्राथमिकतामा राख्ने गरी नयाँ स्वास्थ्य नीति ल्याइने बताउनुभएको छ ।

by RSS | May 15
img
गण्डकीमा बजेटको पूर्वतयारी

गण्डकी प्रदेश सरकारले आगामी आर्थिक वर्षका लागि नीति तथा कार्यक्रम र बजेटको पूर्वतयारी थालेको छ । प्रदेशका विभिन्न स्थानीय तहसँग छलफल तथा अन्तक्र्रिया गर्दै बजेटका आधार र प्राथमिकताको निर्धारण गर्न शुरु गरेको हो । अर्थव्यवस्था तथा विकास समितिले प्रदेशका सबै जिल्लामा रहेका स्थानीय तहलाई पायक पर्ने जिल्ला सदरमुकाममा जम्मा गरेर पूर्व बजेट छलफल कार्यक्रम सञ्चालन गरिरहेको छ ।

by RSS | May 15
img
गृहमन्त्री र अमेरिकी उपसहायकमन्त्री भेटवार्ता

गृहमन्त्री रामबहादुर थापा र अमेरिकी विदेश मन्त्रालयका दक्षिण तथा मध्य एशिया मामिलाका कार्यवाहक उपसहायकमन्त्री डेभिड जे रेञ्जबीच आज भेटवार्ता भएको छ । गृह मन्त्रालयमा भएको सो भेटवार्तामा नेपाल–अमेरिका सम्बन्ध, आपसी सहयोग र सहकार्यका क्षेत्रमा केन्द्रित रहेर छलफल भएको थियो ।

by RSS | May 15
img
प्रम ओलीबाट विन विन मोनुमेण्ट भ्रमण

प्रधानमन्त्री केपी शर्मा ओलीले आज यहाँस्थित विन–विन–मोनुमेण्ट भ्रमण गर्नुभएको छ । चोरी चान्भर जिल्लामा रहेको सो स्मारक सन् १९९८ डिसेम्बर २९ मा कम्बोडियाको गृहयुद्ध समाप्त भएको बारे सम्बन्धित छ । सो क्षेत्रमै मारोडोक डेको नेशनल स्पोर्टस कम्प्लेक्स रहेको छ जहाँ सन् २०२३ मा दक्षिणपूर्वी एशियाली खेलकूद हुने र चाँडै नोम पेन्ह सेटलाइट टाउन बन्ने कम्बोडियाका अधिकारीले बताएका छन् ।

by RSS | May 15