राजनीति

img
समाजवादमा पुग्न हतारो नगरौँ : मुख्यमन्त्री गुरुङ

नेपाल कम्युनिष्ट पार्टी(नेकपा)का १५७ जिल्ला सदस्यले आज सपथ लिएका छन् । सपथ लिनेहरुमा साविक नेकपा एमालेका ८७ र माओवादी केन्द्रका ६३ छन् । उनीहरुलाई गण्डकी प्रदेश इन्चार्ज एवं मुख्यमन्त्री पृथ्वीसुब्बा गुरुङले सपथ गराउनुभएको थियो । सपथ ग्रहण कार्यक्रममा उहाँले नेकपाको अन्तिम लक्ष्य समाजवादसम्म पुग्ने भएपनि त्यसका लागि अहिल्यै हतारो गर्न नहुने बताउनुभयो ।

by RSS | May 13
img
काङ्ग्रेसले जनताको विश्वास जित्नुपर्छ : वरिष्ठ नेता पौड्याल

नेपाली काङ्ग्रेसका वरिष्ठ नेता रामचन्द्र पौड्यालले जनताले विश्वास जित्नेगरी पार्टी निर्माण गर्नुपर्नेमा जोड दिनुभएको छ । नेपाल महिला सङ्घको मोरङको दुुईदिने प्रशिक्षण कार्यक्रमको आज विराटनगरमा उद्घाटन गर्नुुहँुुदै उहाँले काङ्ग्रेसप्रति जनताका विश्वास जोडिएकाले समयसापेक्षरुपमा परिवर्तन गर्नुपर्ने आवश्यक्ता औँल्याउनुभयो । वरिष्ठ नेता पौड्यालले पार्टीलाई सङ्गठित बनाउन काङ्ग्रेस पार्टीको महाधिवेशन समयमा हुुनुुपर्ने अन्यथा सङ्गठन कमजोर हुने बताउनुभयो ।

by RSS | May 13
img
प्राध्यापक सङ्घको महाधिवेशन

नेपाल प्राध्यापक सङ्घको १६औँ राष्ट्रिय महाधिवेशन आगामी जेठ ९, १० र ११ गते काठमाडौँमा हुने भएको छ । सङ्घको हालै सम्पन्न पूर्ण बैठकले महाधिवेशनको मिति तय गर्दै आवश्यक तयारी अन्तिम चरणमा पुगेको सङ्घद्वारा जारी विज्ञप्तिमा उल्लेख छ ।

by RSS | May 12
img
पार्टीको एकलौटी निर्णयमा प्रदेश राजधानी घोषणा हँुदैन : ओनसरी

पूर्वसभामुख तथा नेपाल कम्युनिस्ट पार्टी(नेकपा)प्रदेश नं ५ का अध्यक्ष ओनसरी घर्तीले पार्टीको एकलौटी निर्णयमा प्रदेशको राजधानी घोषणा नगर्ने बताउनुभएको छ । प्रदेश राजधानीको निर्णायक अधिकार जनतामै रहेको स्पष्ट पार्दै उहाँले प्रदेशका जनता र सबै दलको सुझावका आधारमा राजधानी र नामकरणको टुङ्गो लगाउने बताउनुभयो ।

by RSS | May 12
img
नयाँशक्तिका केन्द्रीय सदस्यसहित ४० नेकपामा प्रवेश

पूर्व नयाँशक्ति पार्टीका केन्द्रीय परिषद् सदस्यसहित ४० कार्यकर्ता नेपाल कम्युनिष्ट पार्टी (नेकपा) मा प्रवेश गरेका छन् । केन्द्रीय परिषद् सदस्य दिनेश तमुसहित जिल्ला पार्टी सदस्य सुमेन्द्र श्रेष्ठ, नरेश नराल, रवि राना, धनबहादुर तामाङ, सनक उपकोटीलगायत नेता÷कार्यकर्ता पार्टी परित्याग गरी शनिबार नेकपामा प्रवेश गरेका हुन् ।

by RSS | May 12
img
कर्णालीको वर्षे अधिवेशन जेठ १० गते

कर्णाली प्रदेशसभाको वर्षे अधिवेशनको पहिलो बैठक जेठ १० गते दिउँसो ३ बजे आह्वान गरिएको छ । मुख्यमन्त्री महेन्द्रबहादुर शाहीको सिफारिसमा प्रदेश प्रमुख दुर्गाकेशर खनालले अधिवेशन आव्हान गर्नुभएको हो । वैशाख २४ गतेको मन्त्रिपरिषद् बैठकले प्रदेशसभाको चौथो अधिवेशन जेठ १० गते आह्वान गर्न प्रदेश प्रमुखलाई सिफारिस गर्ने निर्णय गरेको थियो ।

by RSS | May 12
img
‘नयाँ विधेयक अमान्य’

नेपाली काङ्ग्रेसका सहमहामन्त्री डा प्रकाशशरण महतले प्रेस तथा अभिव्यक्ति स्वतन्त्रतामा हनन पु¥याउने गरेर निर्माण गर्न लागिएको नयाँ विधेयक मान्य नहुने बताउनुभएको छ । नेपाल प्रेस युनियन नुवाकोट शाखाको आयोजनामा आज विदुरमा आयोजित पत्रकार सम्मेलनमा डा महतले प्रेस र अभिव्यक्ति स्वन्तन्त्रता नागरिकको नैसर्गिक अधिकार भएकाले यसलाई कमजोर बनाउने गरेर सरकारले नयाँ व्यवस्था गर्न लागेकोप्रति असहमति जनाउनुभयो ।

by RSS | May 12
img
विप्लव समूहका विद्यार्थी नेता पक्राउ

प्रहरीले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका विद्यार्थी नेता चिरञ्जीवी ढकाललाई आज काठमाडौँको अनामनगरबाट पक्राउ गरेको छ । उक्त समूहको विद्यार्थी सङ्गठन अखिल क्रान्तिकारीका केन्द्रीय अध्यक्ष ढकाललाई आज अनामनगरमा भएको एक कार्यक्रममा सरिक भएका बेला पक्राउ गरिएको महानगरीय प्रहरी परिसर काठमाडौँका प्रवक्ता होबिन्द्र बोगटीले जानकारी दिनुभयो ।

by RSS | May 10
img
प्रतिनिधि परिचालन गर्दै काङ्ग्रेस

नेपाली काङ्ग्रेस कास्कीले पार्टीले शुरु गरेको राष्ट्रिय जागरण अभियान सफल पार्न जिल्लाका ७२ वटै इकाइमा प्रतिनिधि परिचालन गर्ने भएको छ । जिल्लामा एक महीनासम्म सञ्चालन गर्ने अभियानका सन्दर्भमा केन्द्रीय प्रतिनिधि एवं केन्द्रीय सदस्य अर्जुन जोशीको उपस्थितिमा आज बसेको जिल्ला समितिका पदाधिकारी, क्षेत्रीय एवं नगरसमितिका सभापतिको बैठकले एक महीने अभियानलाई प्रभावकारिताका साथ टोल÷टोलमा पु¥याउने निर्णय गरेको हो ।

by RSS | May 10
img
काङ्ग्रेसद्वारा दुःख व्यक्त

नेपाली काङ्ग्रेसले पर्वत पार्टीका पूर्व सचिव सोमलाल आचार्यको निधनमा दुःख व्यक्त गरेको छ । पार्टी केन्द्रीय कार्यालयका मुख्यसचिव कृष्णप्रसाद पौडेलले आज एक विज्ञप्ति जारी गरी गत वैशाख २५ गते निधन हुनुभएका आचार्यप्रति दुःख व्यक्त गर्नुभएको हो । आचार्यले नेपालको लोकतान्त्रिक आन्दोलनमा सक्रियतापूर्वक सहभागी हुुनुभएका आचार्य २०४६ सालको ऐतिहासिक जनआन्दोलनमा जेल पर्नुभएको थियो ।

by RSS | May 10
img
सुदूरपश्चिम प्रदेशसभाको अधिवेशन जेठ १ मा

सुदूरपश्चिम प्रदेश सरकारले प्रदेशसभाको चौथो अधिवेशन आउने जेठ १ गते दिउँसो ३ बजे आह्वान गर्न प्रदेश प्रमुखलाई सिफारिश गर्ने निर्णय गरेको छ । आज बसेको मन्त्रिपरिषद्को बैठकले प्रदेश विशेष अनुदानसम्बन्धी कार्यविधि २०७५ लाई संशोधन गर्ने निर्णयसमेत गरेको भौतिक पूर्वाधार विकासमन्त्री पठानसिं बोहराले जानकारी दिनुभयो । बैठकमा योजना तर्जुमालगायतका विषयमा समेत छलफल भएको जनाइएको छ ।

by RSS | May 10
img
संशोधित विधानले पार्टीलाई सशक्त बनाउँछ : महामन्त्री खड्का

नेपाली काङ्ग्रेसका महामन्त्री पूर्णबहादुर खड्काले पार्टीको संशोधित विधानले पार्टीलाई थप सशक्त बनाउने बताउनुभएको छ । नेपाली काङ्ग्रेसले बुधबारदेखि शुरु गरेको राष्ट्रिय जागरण अभियानअन्तर्गत आज पोखरामा आयोजित कार्यकर्ता भेटघाट एवम् अन्तरक्रिया कार्यक्रममा उहाँले विधानले समावेशिता, समानुपातिक प्रतिनिधित्व लगायतका विषयलाई थप प्रभावकारी बनाएको स्पष्ट पार्नुभयो ।

by RSS | May 09
img
सङ्घीयता कार्यान्वयनमा सत्ता र विपक्षसँगै हिड्नुपर्छ : नेता सिटौला

नेपाली काङ्ग्रेसका केन्द्रीय सदस्य कृष्ण सिटौलाले जनताको बलिदानले सङ्घीय गणतन्त्र स्थापना भएको बताउनुभएको छ । नेपाल दलित सङ्घ मोरङको पाँचौँ जिल्ला अधिवेशनको आज उद्घाटन गर्दै नेता सिटौलाले मुलुकको विकास र जनताको आर्थिक समृद्धका लागि सङ्घीयता कार्यान्वयनका लागि सत्ता र विपक्षसँगै हिँडनुपर्नेमा जोड दिनुभयो ।

by RSS | May 09
img
विप्लव समूहका सदस्य पक्राउ

नेत्रविक्रम चन्द ‘विप्लव’ समूहका पोलिटब्यूरो सदस्य भरत बमलाई बाँकेमा विस्फोटक पदार्थसहित प्रहरीले आज पक्राउ गरेको छ । कोहलपुर–नेपालगञ्ज सडकखण्डमा पर्ने जानकी गाउँपालिका–६ गनापुरबाट पोलिटब्युरो सदस्य बमलाई पक्राउ गरिएको बाँकेका प्रहरी उपरीक्षक अरुण घिमिरेले जानकारी दिनुभयो । जिल्ला प्रहरी कार्यालय र इलाका प्रहरी कार्यालय कोहलपुरबाट खटिएको टोलीले बमलाई पक्राउ गरेको हो ।

by RSS | May 09
img
जनजागरण अभियान सत्ताका लागि होइन : नेता रिजाल

नेपाली काङ्ग्रेसका केन्द्रीय सदस्य डा मीनेन्द्र रिजालले काङ्ग्रेसले आजदेखि शुरु गरेको देशव्यापी जनजागरण अभियान सत्ता प्राप्तिका लागि नभई जागरणका लागि भएको बताउनुभएको छ । जनजागरण अभियानअन्तर्गत आज भक्तपुरको दूधपाटीमा आयोजित कार्यक्रममा उहाँले काङ्ग्रेस पाँच वर्ष प्रतिपक्षमै बस्ने बताउनुभयो ।

by RSS | May 09
img
राष्ट्रिय जागरण अभियान : वैकल्पिक शक्तिको हैसियत बनाउनुपर्ने

नेपाली काङ्ग्रेसका वरिष्ठ नेता रामचन्द्र पौडेलले काङ्गे्रसलाई जनताको चाहनाअनुसार वैकल्पिक शक्तिका रूपमा उभ्याउन हैसियत बनाउनुपर्ने खाँचो औँल्याउनुभएको छ । राष्ट्रिय जागरण अभियानअन्तर्गत आज जनकपुरधाममा आयोजित सभामा नेता पौडेलले सरकारका काम जनअपेक्षाअनुरुप नभएको भन्दै गर्दै पार्टीले सशक्त विरोध गर्नुपर्ने बताउनुभयो । केन्द्रीय सदस्य बलबहादुर केसीले सरकारले संविधान, सङ्घीयतालाई कागजको खोस्टोमा परिणत गर्न खोजेको आरोप लगाउनुभयो ।

by RSS | May 09
img
सधैँका लागि शान्ति प्रक्रिया टु्ङ्गिएर विश्वमा नमूना बनोस् : अध्यक्ष

नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले विभिन्न कारणले सत्यनिरुपण तथा मेलमिलाप र बेपत्ता छानविनसम्बन्धीका विषय टुङ्गिन बाँकी रहेकाले चाँडै नै बाँकी काम पूरा गरी विश्वमै उदाहरणीय बनाउनुपर्ने बताउनुभएको छ । पूर्वप्रधानमन्त्रीसमेत रहनुभएका अध्यक्ष दाहालले शान्ति प्रक्रियाका केही कुरा पूरा गर्न बाँकी रहेको उल्लेख गर्दै आफैँले शुरु गरेको शान्ति प्रक्रिया पूरा गर्न सहयोगी हातको खाँचो रहेको औँल्याउनुभयो ।

by RSS | May 09
img
पार्टी एकता एक कदम अगाडि : अध्यक्ष दाहाल

नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले बाँकी रहेका पार्टी एकताको काम अन्तिम चरणमा पुगेको बताउनुभएको छ । तत्कालीन नयाँ शक्ति नेपालका केन्द्रीय सदस्य सीमा विकलाई आज पार्टी मुख्यालय धुम्बाहारीमा पार्टी प्रवेश गराउँदै उहाँले बाँकी रहेका पार्टी एकताको काम अन्तिम चरणमा पुगेको बताउनुभयो ।

by RSS | May 09
img
कुनै प्रकारका तानाशाही व्यवस्था काङ्ग्रेसलाई मान्य हुँदैन : सभापति देउवा

नेपाली काङ्ग्रेसका सभापति शेरबहादुर देउवाले कुनै प्रकारको तानाशाही व्यवस्था काङ्ग्रेसलाई मान्य नहुने बताउनुभएको छ । नेपाली काङ्ग्रेस काठमाडौँ जिल्ला समितिले शुरु गरेको ‘हिमाल, पहाड, तराई–मधेश’ अभियानको आज शुभारम्भ गर्दै उहाँले राणा शासन र राजा फालेका काङ्ग्रेसलाई कुनै प्रकारका तानाशाही व्यवस्था मान्य हुन नसक्ने बताउनुभएको हो ।

by RSS | May 08
img
देशलाई स्वच्छ राजनीतिक दिशा दिन्छौँः पौडेल

नेपाली काङ्ग्रेसका वरिष्ठ नेता रामचन्द्र पौडेलले पार्टीलाई सुधार गर्ने र देशलाई सही बाटामा हिँडाउन अहिले जागरण अभियान चलाइएको बताउनुभएको छ । नेपाल प्रेस युनियन सिन्धुलीले आज सिन्धुलीमाढीमा गरेको पत्रकार भेटघाट कार्यक्रममा उहाँले पार्टीभित्रका विवाद पूरै समाधान नभए पनि यसलाई सही बाटामा हिँडाउन पनि सबै एक भएर लाग्ने र जागरण अभियान सफल बनाइने बताउनुभयो ।

by RSS | May 08