mobile

राप्रपाको घोषणा पत्र सार्वजानिक नेपाल बन्द नगर्ने प्रतिवद्धता

By R. sharma on Nov 07,2017 - 22:05

सुन्दर, सबल, समतामुलक एवं समृद्ध मुलुक निर्माण गर्ने प्रतिवद्धतासहित राष्ट्रिय प्रजातन्त्र पार्टीले प्रतिनिधिसभा र प्रदेश सभा निर्वाचनको घोषणापत्र सार्वजनिक गरेको छ । राप्रपाले सनातन हिन्दुराष्ट्र, राजसंस्था सहितको लोकतन्त्र,सुदृढ स्थानीय स्वायत्त शासन प्रणाली र आर्थिक उदारवादलाई चार प्रमुख वैचारिक आधार स्तम्भको रुपमा प्रस्तुत गरेको छ ।

संविधानको सफल कार्यान्वयनका लागि संविधानको परिधिभित्र रहेर लोकतान्त्रिक विधि र प्रक्रियाबाट नेपाली जनताको आर्थिक ,सामाजिक एवं राजनितिक रुपान्तरण गर्ने लक्ष्य पनि घोषणापत्रमा सार्वजनिक गरिएको छ । घोषणापत्रमा राप्रपाले अबको आवश्यकता आर्थिक समृद्धि रहेको पनि जनाएको छ । घोषणापत्र सार्वजनिक गर्नुहुदै राप्रपा अध्यक्ष कमल थापाले आफ्नो पार्टी आम नेपालीले विश्वास गर्न सक्ने वैकल्पिक शक्तिको रुपमा राप्रपा रहेको बताउनुभयो । पारदर्शी, जवाफदेही र भ्रष्टाचारमुक्त प्रशासन बनाउने, नेपाल बन्द कहिल्यै नगर्ने,पुर्वाधारमा निर्माणमा जोड दिने लगायतका योजनालाई राप्रपाले घोषणापत्रमा समावेश गरेको छ ।। 

ट्याग -  राप्रपा निर्वाचन , घोषणा पत्र

SUGGESTED ARTICLES

img
बास्तोलाको निधनप्रति दुःख व्यक्त

पूर्वसांसद मञ्च नेपालले नेपाली काङ्ग्रेसका नेता एवं पूर्वमन्त्री चक्रप्रसाद बास्तोलाको निधनप्रति गहिरो दुःख व्यक्त गरेको छ । प्रजातन्त्र पुनःस्थापनाका अथक योद्धा स्व बास्तोलाको दिवङ्गत आत्माको चिरशान्तिको कामना गर्दै मञ्चले शोक सन्तप्त परिवारप्रति हार्दिक समवेदना प्रकट गरेको छ । संस्थाका अध्यक्ष ओमकारप्रसाद श्रेष्ठले आज जारी गर्नुभएको समवेदना सन्देशमा यस दुःखद् घडीमा मञ्च उहाँप्रति गहिरो श्रद्धाञ्जलि अर्पण गर्दछ भनिएको छ । 


by RSS | Oct 15

img