mobile

तामाङ चलचित्र ‘म्लाङ प्वाँहार’को डिभिडी सार्वजनिक

By RSS on Nov 12,2017 - 16:06

तामाङ भाषाको चलचित्र ‘म्लाङ प्वाँहार’ (कालो अरिङ्गाल)को डिभिडी आज सार्वजनिक गरिएको छ । रु २५ लाखको लागतमा बनेको उक्त चलचित्रमा समाजका गरिब, निमुखा, विपन्न र उत्पीडनमा परेका वर्गमाथि पूँजीपति वर्गले गरेको अन्याय, अत्याचार, शोषण र राजनीतिक विकृतिविरुद्ध व्यङ्ग्य गरिएको चलचित्रका निर्माता बिकु थोकरले जानकारी दिनुभयो । 

कार्यक्रममा लामा गुरु लाक्पा दोर्जे तामाङले डिभिडी सार्वजनिक गर्दै अर्थ अभावका कारण तामाङ चलचित्र निर्माण हुन नसकेको अवस्थामा यो चलचित्रले आर्थिक लाभ पनि गर्न सफल भएको बताउनुभयो । 

चलचित्रका नायकमा जगे लोप्चन, नायिकामा सुनिता लुङ्बा, खलनायकमा थोकर, नृत्यमा सिर्जना तामाङ, सुष्मा मुक्तान, सफल दोङलगायत कलाकारको भूमिका छ । चलचित्रको निर्माण थोकर फिल्म्स प्रालि र निर्देशन शंकर महर्जनले गरेको बताइएको छ । 

चलचित्रमा संगीत विशाल कल्ताङ र विशाल थिङ तथा रचना कुमार श्याङ्वाको रहेको छ । चलचित्रको कथा ऋतुराज पाख्रिनले लेख्नुभएको छ । चलचित्रको नृत्य निर्देशन अजय श्याङतानले गर्नुभएको छ । 

देशका १४ जिल्लाका ३५ ठाउँमा प्रदर्शन गरिएको उक्त चलचित्रबाट आम्दानी भएको रु ३५ लाखमध्ये रु १५ लाख गुम्बा र मन्दिर निर्माणमा सहयोग पुर्याउनाका साथै मिर्गौला तथा अर्बुद रोगीका उपचारमा समेत खर्च गरिएको निर्माता थोकरले जानकारी दिनुभयो । रासस

ट्याग -  तामाङ भाषाको चलचित्र ‘म्लाङ प्वाँहार’ (कालो अरिङ्गाल)को डिभिडी आज सार्वजनिक

SUGGESTED ARTICLES

img
राष्ट्रिय अन्तरिक्ष चित्रकला प्रतियोगिता हुँदै

नेपाल एस्ट्रोनोमिकल सोसाइटीले राष्ट्रिय अन्तरिक्ष चित्रकला प्रतियोगिता आयोजना गर्ने भएको छ । प्रतियोगितामा भाग लिन चाहने कक्षा ८ सम्मका विद्यार्थीले अन्तरिक्षको भाव झल्कने चित्र बनाई सोसाइटीको वेबसाइटमा राखिएको आवेदन फाराम भरेर पठाउनुपर्ने छ । चित्र यही असोज १ गतेदेखि १५ सम्म सोसाइटीको वेबसाइटमा पठाइसक्नुपर्ने अध्यक्ष सुरेश भट्टराईले बताउनुभयो । विद्यार्थीले पठाएका चित्रमध्ये निर्णायकबाट २० वटा छनोट


by RSS | Sep 19

img