mobile

रुपन्देहीमा काँगे्रस र राप्रपा (प्र) को चुनावी मोर्चा

By RSS on Nov 14,2017 - 10:33

आसन्न प्रतिनिधिसभा र प्रदेशसभाको निर्वाचनमा संयुक्त लोकतान्त्रिक गठबन्धन बनाएका नेपाली काँगे्रस र राष्ट्रिय प्रजातन्त्र पार्टी (प्रजातान्त्रिक) ले रुपन्देहीमा पनि संयुक्त चुनावी मोर्चा बनाएका छन् । 

निर्वाचनको तयारीका लागि यी दुवै पार्टीले निर्वाचन परिचालन कमिटी निर्माण गर्ने र संयुक्त निर्वाचन अभियान सञ्चालन गरेका छन् । 

नेपाली काँग्रेस र राष्ट्रिय प्रजातन्त्र पार्टी (प्रजातान्त्रिक) ले रुपन्देहीमा प्रतिनिधिसभामा क्षेत्र नं ३ मा राप्रपा प्रजातान्त्रिकका वरिष्ठ उपाध्यक्ष तथा वर्तमान स्वास्थ्य मन्त्री दीपक बोहरालाई नेपाली काँग्रेसले समर्थन गरेको छ भने अन्य चार निर्वाचन क्षेत्रमा नेपाली काँग्रेसका उम्मेदवारलाई राप्रपा प्रजातान्त्रिकले समर्थन गरेर निर्वाचनमा गएका छन् । 

यस्तै, निर्वाचनको तयारीका क्रममा जिल्लाको क्षेत्र नं १ मा नेपाली काँगे्रस क्षेत्रीय सभापति हिराबहादुर खत्रीको संयोजकत्वमा दुवै पार्टीको पा“च हजार १०१ सदस्यीय संयुक्त निर्वाचन परिचालन समिति गठन गर्ने निर्णय गरेको छ । 

यसको सहसंयोजकमा सीताराम सिंह र सचिवमा वैजनाथ सहनी रहनुभएको छ । त्यसैगरी, नेपाली काँगे्रस जिल्ला सदस्य वासुदेव रिमालको संयोजकत्वमा दुई हजार ५०० सदस्यीय प्रदेश सभा ‘क’ तर्फ निर्वाचन प्रचारप्रसार समिति गठन गर्ने निर्णय गरेको छ । यसको सहसंयोजकमा वीरबहादुर क्षेत्री रहनुभएको छ । 

कार्यक्रम नेपाली काँगे्रस क्षेत्रीय सभापति हिराबहादुर खत्रीको सभापतित्व, खानेपानी तथा सरसफाइ राज्यमन्त्री अब्दुल रज्जाकको प्रमुख आतिथ्यतामा सोमबार सम्पन्न भएको थियो । सोही अवसरमा मन्त्री रज्जाकले लोकतान्त्रिक गठबन्धनलाई जिताउन सबै एक हुने बेला आएको बताउनुभयो । 

बैठकमा राष्ट्रिय प्रजातन्त्र पार्टी (प्रजातान्त्रिक)का केन्द्रीय सदस्य एवं क्षेत्र नं १ का प्रदेशसभा उम्मेदवार ताहिर अली, पूर्व राज्यमन्त्री दुर्योधनसिंह चौधरीलगायतले आ–आफ्ना भनाइ राख्नुभएको थियो । 

यसैगरी, नेपाली काँग्रेस क्षेत्र नं ५ का प्रतिनिधिसभाका उम्मेदवार भरतकुमार शाहले नेपाली काँग्रेसको जितलाई कसैले रोक्न नसक्ने बताउनुभएको छ । 

निर्वाचन क्षेत्रमा निर्वाचन केन्द्रित प्रचारप्रसार कार्यक्रममा पूर्व अर्थ राज्यमन्त्री शाहले विकास निर्माणका अधुरा काम पूरा गर्नकालागि आफूले उम्मेदवारी दिएको बताउनुभयो । रासस

ट्याग -  लोकतान्त्रिक गठबन्धन

SUGGESTED ARTICLES

img
पुनःनिर्माण छिटो गर्नुपर्छ : मन्त्री अधिकारी

संस्कृति, पर्यटन तथा नागरिक उड्डयानमन्त्री रवीन्द्रप्रसाद अधिकारीले भूकम्पले भत्किएका सम्पदाको पुनःनिर्माण छिटोभन्दा छिटो गर्नुपर्ने बताउनुभएको छ । आज पुरातत्व विभाग स्मारका संरक्षण तथा दरबार हेरचाह कार्यालय भक्तपुरले विश्व सम्पदा सूचीमा सूचीकृत चाँगुनारायण मन्दिरमा आयोजना गरेको क्षमा पूजा कार्यक्रममा उहाँले सम्पदा पुनःनिर्माण गर्दा संयुक्त राष्ट्र संघको शैक्षिक, वैज्ञानिक तथा सांस्कृतिक संगठन (युनेस्को) र पुरातत्वको मापदण्डअनुसार निर्माण हुनुपर्ने बताउनुभयो । 


by RSS | Today, 05:54 PM

img