mobile

म्याग्दीकी पुन धौलागिरिमा निर्वाचित एक्ली महिला सांसद

By RSS on Dec 13,2017 - 12:24

हालै सम्पन्न प्रतिनिधि र प्रदेशसभा चुनावमा म्याग्दीकी नरदेवी पुन धौलागिरि क्षेत्रबाट प्रत्यक्ष निर्वाचित हुने एक्ली महिला सांसद बन्नुभएको छ । म्याग्दीको प्रदेशसभा क्षेत्र (ख)मा विजयी हुनुभएकी एमालेकी नेता पुन धौलागिरि क्षेत्रमा पर्ने म्याग्दी, बागलुङ, मुस्ताङ र पर्वतबाट पहिलो हुने निर्वाचन प्रणाली (प्रत्यक्ष)तर्फ निर्वाचित एक्ली सांसद बन्नुभएको हो । 

दस हजार ८६८ मत प्राप्त गरेर विजयी हुनुभएकी पुनले नेपाली काँग्रेसका अमलाल फगामीलाई दुई हजार ८७८ मतान्तरले पराजित गर्नुभएको हो । धौलागिरि, मालिका र मंगला गाउँपालिका समेटिएको ३२ हजार ५४५ जना मतदाता रहेको प्रदेशसभा क्षेत्र (ख) मा १९ हजार ७७४ मत खसेकामा काँग्रेसका उम्मेदवार फगामीले सात हजार ९९० मत प्राप्त गर्नुभयो । 

प्रदेश नं ४ मा पर्ने धौलागिरिमा प्रत्यक्षतर्फ पुनसहित दुईजना मात्र महिला उम्मेदवार बन्नुभएको थियो । बागलुङको प्रतिनिधिसभा क्षेत्र नं १ मा नेपाली काँग्रेसबाट उम्मेदवार बन्नुभएकी सहकारी तथा गरिबी निवारण राज्यमन्त्री चम्पादेवी खड्का एमालेका सूर्य पाठकसँग पराजित हुनुभयो । 

दोस्रो संविधानसभामा एमालेका तर्फबाट समानुपातिक सांसद बन्नुभएकी ४७ वर्षीय पुन नेकपा (एमाले)का अध्यक्ष केपी ओली प्रधानमन्त्री हुँदा पशुपक्षी विकास राज्यमन्त्री बन्नुभएको थियो । अर्थशास्त्र र समाजशास्त्रमा स्नाकोत्तर गर्नुभएकी पुन म्याग्दीकोे शिक्षित र अगुवा महिला मानिनुहुन्छ । 

उहाँ विसं २०५६ को संसदीय चुनावमा काँग्रेसका नारायणसिं पुन र २०६४ को पहिलो संविधानसभा चुनावमा माओवादीका गोविन्द पौडेलसँग पराजित हुनुभएको थियो । एमालेका पूर्वजिल्ला उपसचिव रहनुभएकी पुन हाल अखिल नेपाल महिला संघको केन्द्रीय सदस्य हुनुहुन्छ । रासस

ट्याग -  म्याग्दीकी नरदेवी पुन धौलागिरि क्षेत्रबाट प्रत्यक्ष निर्वाचित हुने एक्ली महिला सांसद

SUGGESTED ARTICLES

img
संविधान कार्यान्वयनका लागि कानून निर्माण आवश्यक : सभामुख महरा

सभामुख कृष्णबहादुर महराले संविधान कार्यान्वयनका लागि कानून निर्माण आवश्यक रहेको बताउनुभएको छ । जनसंख्या तथा विकासका लागि सांसदहरुको राष्ट्रिय मञ्चले आज यहाँ आयोजना गरेको ‘संविधान कार्यान्वयन संघ र प्रदेशबीचको अन्तरसम्बन्ध र दिगो विकास’ सम्बन्धी अन्तक्र्रियामा उहाँले संविधान कार्यान्वयनका लागि संघीय संसद्ले धेरै कानूनहरु बनाउनुपर्ने दायित्व रहेको बताउनुभयो । “संविधान कार्यान्वयनका लागि कानून निर्माण मुख्य विषय हो, अहिले केही कानूनहरु


by RSS | Jul 20

img