mobile

सोलारबाट बिजुली, स्थानीयवासी हर्षित

By RSS on Dec 29,2017 - 11:14

मोरङको मिक्लाजुङ गाउँपालिका–१ रमितेखोलामा सोलारबाट बिजुली उत्पादन शुरु भएपछि स्थानीयवासी हर्षित भएका छन् । 

यससँगै सुगम जिल्ला मोरङको अति नै दुर्गम र विकट क्षेत्रका रुपमा चिनिने रमितेखोलाका बासिन्दाको उज्यालोका लागि टुकी र मैनबत्ती बाल्नुपर्ने बाध्यता हटेको छ । पहिलो पटक २४ घण्टा नै बिजुली उपभोग गर्न पाउँदा स्थानीयवासी दंग परेका छन् । स्थानीयवासीले सोलार मिनीग्रिड निर्माण उपभोक्ता समिति गठन गरेर सोलारबाट बिजुली उत्पादन गर्न थालेका हुन् । 

समितिका अध्यक्ष पर्वत राईका अनुसार सोलारबाट ३० किलोवाट बिजुली उत्पादन गरेर उपभोक्तालाई वितरण गरिएको छ । राईका अनुसार रु एक करोड ६० लाखको लागतमा सोलारबाट बिजुली उत्पादन भएको हो । 

विद्युत् उत्पादनका लागि एशियाली विकास बैंक (एडिबी)को ९० प्रतिशत, उपभोक्ता, वडा कार्यालय र जिल्ला समन्वय समितिको १० प्रतिशत लगानी लागेको उहाँको भनाइ छ । 

बिजुलीबाट ६५ परिवार लाभान्वित भएका छन् । त्यसबाहेक विद्यालय, वडा कार्यालय, तीनवटा सहकारी, स्वास्थ्य चौकी समेतमा विद्युत् सेवा पुर्याइएको छ । राईका अनुसार सोलार प्यानलबाट ब्याट्रीमा पुगेको पावरलाई इन्भर्टरले एसी (अल्टरनेटिभ करेन्ट) बनाएर प्रवाह गर्छ । रासस

ट्याग -  सोलारबाट बिजुली उत्पादन शुरु भएपछि स्थानीयवासी हर्षित

SUGGESTED ARTICLES

img
चीनी इन्टरनेट सेवा सुरु

हिमपात र पहिरोका कारण अनिश्चित बनेको चीनबाट इन्टरनेट ब्यान्डविथ ल्याउने प्रक्रिया सकिएको छ । नेपाल र चीन दुवैतर्फ अप्टिकल जडान सम्पन्न भएर परीक्षणका क्रममा रहेको र यो सेवा असोज महिनाभित्रै सञ्चालनमा ल्याइसक्ने जनाएता पनि माघ देखी व्यावसायिक रूपमै भित्रिएको छ । नेपाल-चीन सीमाको साथ केरुङ नजिकैको जिलोंग गेटवे माध्यमबाट इन्टरनेट ब्याडविथ आपूर्तिको लागि मार्ग प्रशस्त गरेका छन् ।


by Anu Rana | Jan 16

img