mobile

पत्ताल भूमेश्वरका लागि फेसबुकबाटै दुई लाख संकलन

By RSS on Jan 03,2018 - 16:38

प्रसिद्ध धार्मिक तथा पर्यटकीयस्थल पत्ताल भूमेश्वरको विकासका लागि प्रवासमा रहेका बैतडीका युवा जुटेका छन् । रोजगारीको सिलसिलामा देश बाहिर रहेका यहाँका युवाले पत्ताल भूमेश्वरको विकास र संवद्र्धनका लागि सामाजिक सञ्जाल (फेसबुक)मार्फत रु दुई लाखभन्दा बढी रकम संकलन गरेका छन् । 

सुर्नया गाउँपालिका–२ मा रहेको नेपालकैै गहिरो पत्ताल भूमेश्वर गुफा रहेको तथा धार्मिक तथा पर्यटकीय क्षेत्रको संरक्षण तथा प्रसारप्रसारका लागि मलेसिया, कतार तथा भारतमा रहेका युवाले ‘पत्ताल भूमेश्वर युवा जागरण मञ्च प्रवासको अनलाइन अभियान’मार्फत उक्त रकम संकलन गरेका हुन् । 

उक्त अभियानका सहकोषाध्यक्ष वीरबहादुर विष्टका अनुसार हालसम्म रु दुई लाख दुई हजार संकलन भएको छ । उक्त संकलित रकमले पत्ताल भूमेश्वरको प्रवेशद्वारमा मूलगेट र अन्य विकासका लागि खर्च गरिनेछ । धार्मिक तथा पर्यटकीय क्षेत्रको विकासका लागि फेसबुक, सामाजिक सञ्जाल तथा अनलाइन अभियानमा सहयोग गर्न सबैमा अनुरोधसमेत गरेको छ । 

“पत्ताल भूमेश्वर क्षेत्रको विकास गरी आन्तरिक तथा बाह्य पर्यटक भित्र्याएर पर्यटकीय हव बनाउन हामी जुटेका छौँ,” उहाँले भन्नुभयो । पर्यटकीयस्थलको सम्बन्धित निकायले संरक्षण, विकास, प्रवद्र्धन र प्रचारप्रसार गर्न स्थानीय तह तथा सम्बन्धित निकायले पहल नगर्दा प्रवासमा रहेका युवा एकजुट भएका हुन् ।रासस

ट्याग -  सामाजिक सञ्जाल (फेसबुक)मार्फत रु दुई लाखभन्दा बढी रकम संकलन

SUGGESTED ARTICLES

img
गूगलले आफ्नो सोशल नेटवर्क बग बन्द गर्ने घोषणा गऱ्यो

गूगलले उसको सोसियल मिडिया प्लेटफर्म बन्द गरेको छ । सन् २०११ मा फेसबूकसँग प्रतिस्पर्धा गर्न ल्याइएको गूगलप्लसले सोचेअनुरूपको प्रतिफल नदिए सँगइ अमेरिकाको विशाल इन्टरनेट कम्पनी गूगलले उपभोक्ताद्वारा प्रयोग गरिने आफ्नो अनलाइन सोशल नेटवर्क बग बन्द गर्ने घोषणा गरेको छ।


by Anu Rana | Oct 10

img