mobile

लामो समयदेखि ऋणमा रहेको नेपाल आयल निगम ऋण मुक्त

By R. sharma on Jan 10,2018 - 21:36

लामो समयदेखि ऋणमा रहेको नेपाल आयल निगम ऋण मुक्त भएको छ । नेपाल आयल निगमको ४८ औं वार्षिकोत्सवका अवसरमा आयोजित कार्यक्रममा निगमका अधिकारीहरुले सरकारले लागु गरेको स्वचालित मूल्य प्रणालीका कारण आयल निगम ऋण मुक्त बनेको जानकारी दिइएका हुन ।

गतवर्षसम्म नेपाल आयल निगमको ३७ अर्व रुपैया ऋण रहेको थियो । सरकारले २०७१ सालमा लागु गरेको स्वचालित मूल्य प्रणाली अनुसार अन्तर्राष्ट्रिय बजार मूल्यका आधारमा नेपालमा पनि मूल्य समायोजन हुने गरेको छ । नेपाल आयल निगमले अहिले पेट्रोल, डिजेल, मट्टितेल, हवाई इन्धन र एलपी ग्यासको कारोवार गर्दै आएको छ ।

आयल निगमसंग अहिले पेट्रोलको भण्डारण ६ दिनका लागि र डिजेलको भण्डारण १२ दिनका लागि पुग्ने अवस्था छ । निगमले सबै प्रदेशमा कम्तिमा ९० दिनका लागि पेट्रोलियम पदार्थ भण्डारण गर्न पुग्ने गरी पूर्वाधार विकास गर्न लागेको निगमका निमित्त कार्यकारी निर्देशक सुशील भट्टराईले बताउनु भयो । निगमको अहिले वार्षिक कारोवार झण्डै २ खर्व रुपैया रहेको छ

ट्याग -  आयलनिगम

SUGGESTED ARTICLES

img
च्याङ्ग्रा महँगियो

यस दशैँमा च्याङ्ग्राको भाउ महँगिएको छ । गत वर्षको तुलनामा रु चार हजार बढीमा च्याङ्ग्रा खरीद गरेको यहाँका व्यवसायीले बताएका छन् । च्याङ्ग्रा कम आउनु, ठाँउठाँउमा कर लिर्नुपर्नेजस्ता कारणले मूल्य बढेको हो । चिनियाँ मुद्राको भाउ बढ्दा पनि च्याङ्ग्रा महँगिने गरेको बताइन्छ । च्याङ्ग्रा रु २७ हजारमा बेचेको व्यवसायी महेन्द्र केसीले बताउनुभयो । 


by RSS | Oct 15

img