mobile

पूर्व राजा भन्छन् देशको अस्तित्व नै खतरमा छ। सम्हालिएर अघिबढौं

By R. sharma on Jan 11,2018 - 10:08

पूर्व राजा ज्ञानेन्द्र शाहले अहिले देशको अस्तित्व नै खतरामा रहेकाले सम्हालिएर अघि बढ्नु पर्ने बताएका छन् । पृथ्वीनारायण शाहको २९६ औँ जन्म जयन्ती तथा राष्ट्रिय एकता दिवसको अवसरमा शुभकामना दिँदै शुभकामना सन्देशमा पूर्व राजा ज्ञानेन्द्रले मानवसमाजको समष्टिगत एकता, मौलिक सँस्कृति, धर्म, परम्परा र विशिष्ट पहिचानको समग्र रुप देश रहेको र देश बाँचे मात्रै नागरिक बाँच्ने उल्लेख गरेका छन् ।

नयाँ नेपालको सपना देखाउँदै भएको राजनीतिक परिवर्तनले देशको विशिष्ट पहिचानलाई उचो बनाउनुको साटो सार्वभौमिक स्वतन्त्रता, राष्ट्रिय एकता, सामाजिक सद्भाव तथा क्षेत्रीय अखण्डता मक्किँदै गएको शुभकामना सन्देशमा उल्लेख छ । स्वतन्त्र र सार्वभौम देशका लागि भौगोलिक एवम् सामाजिक एकताको कडीमा नागरिक रहनु पर्ने र साशनसत्ता पनि त्यहि अनुरुपको हुनु पर्नेमा उनले जोड दिएका छन् ।

अहिले देशको अस्तित्व नै खतरामा रहेकाले सम्हालिएर अघि बढ्नु पर्ने उनको भनाइ छ । उनले सरकारले पृथ्वी जयन्तीमा सार्वजनिक बिदा दिएकोमा खुशी भएको संकेत गर्दै उनले देश राम्रो बन्ने आशाको दियो जागेको बताएका छन् ।

देशको अस्तित्व नै खतरामा रहेकाले सम्हालिएर अघि बढन पूर्व राजा ज्ञानेन्द्रको सुझाब 

ट्याग -  पूर्वराजा

SUGGESTED ARTICLES

img
बास्तोलाको निधनप्रति दुःख व्यक्त

पूर्वसांसद मञ्च नेपालले नेपाली काङ्ग्रेसका नेता एवं पूर्वमन्त्री चक्रप्रसाद बास्तोलाको निधनप्रति गहिरो दुःख व्यक्त गरेको छ । प्रजातन्त्र पुनःस्थापनाका अथक योद्धा स्व बास्तोलाको दिवङ्गत आत्माको चिरशान्तिको कामना गर्दै मञ्चले शोक सन्तप्त परिवारप्रति हार्दिक समवेदना प्रकट गरेको छ । संस्थाका अध्यक्ष ओमकारप्रसाद श्रेष्ठले आज जारी गर्नुभएको समवेदना सन्देशमा यस दुःखद् घडीमा मञ्च उहाँप्रति गहिरो श्रद्धाञ्जलि अर्पण गर्दछ भनिएको छ । 


by RSS | Oct 15

img