mobile

पार्टी एकताको खाँका निर्माण गर्दै बाम कार्यदल 

By R. sharma on Jan 11,2018 - 10:19

नेकपा एमाले र नेकपा माओवादी केन्द्रद्वारा गठित कार्यदल पार्टी  एकताको खाँका निर्माणमा जुटेको छ । हिजोबाट काम शुरु गरेको कार्यदलले प्रदेश मुख्यमन्त्री तथा राष्ट्रियसभा उम्मेदवार छनोटमा पार्टी एकताको गति र भावलाई मुख्य आधार बनाउने भएको छ। कार्यदलले प्रदेश मुख्यमन्त्री तथा मन्त्रालयहरुको बाँडफाँट साथै राष्ट्रियसभाका उम्मेदवारहरु छनोट गर्दा पार्टी एकतामा बाधा उत्पन्न हुने गरी कुनै काम नगर्ने भएको हो। दुवै पार्टीका दोस्रो तहका ३/३ सदस्य सम्मिलित कार्यदलले पार्टी एकताको गतिलाई सहयोग पुग्ने गरी आगामी २४ माघमा हुने राष्ट्रियसभाको निर्वाचनका उम्मेदवार छनोट गर्ने भएको छ। आगामी २४ माघमा हुने राष्ट्रियसभाको निर्वाचनमा प्रत्येक प्रदेशबाट ८ जनाको दरले ५६ जना निर्वाचित हुनेछन्। तीनजना सदस्य भने सरकारको सिफारिसमा राष्ट्रपतिले चुन्ने संवैधानिक व्यवस्था छ।

 

ट्याग -  बाम एकता

SUGGESTED ARTICLES

img
बास्तोलाको निधनप्रति दुःख व्यक्त

पूर्वसांसद मञ्च नेपालले नेपाली काङ्ग्रेसका नेता एवं पूर्वमन्त्री चक्रप्रसाद बास्तोलाको निधनप्रति गहिरो दुःख व्यक्त गरेको छ । प्रजातन्त्र पुनःस्थापनाका अथक योद्धा स्व बास्तोलाको दिवङ्गत आत्माको चिरशान्तिको कामना गर्दै मञ्चले शोक सन्तप्त परिवारप्रति हार्दिक समवेदना प्रकट गरेको छ । संस्थाका अध्यक्ष ओमकारप्रसाद श्रेष्ठले आज जारी गर्नुभएको समवेदना सन्देशमा यस दुःखद् घडीमा मञ्च उहाँप्रति गहिरो श्रद्धाञ्जलि अर्पण गर्दछ भनिएको छ । 


by RSS | Oct 15

img