mobile

राष्ट्रिय सभा निर्बाचनका लागि सातवटै प्रदेशमा निर्वाचन अधिकृत नियुक्त

By R. sharma on Jan 12,2018 - 06:03

निर्वाचन आयोगले राष्ट्रिय सभा निर्बाचनका लागि सातवटै प्रदेशमा निर्वाचन अधिकृत नियुक्त गरेको छ । आयोगले सम्बन्धित प्रदेशमा उच्च अदालत रहेको जिल्लाका न्यायाधीशलाई निर्वाचन अधिकृत नियुक्त गरेको हो । जस अनुशार प्रदेश नम्बर -१ मा मोरङ जिल्ला अदालतका राजुकुमार खतिवडा,प्रदेश नम्बर -२ मा धनुषाका राधाकृष्ण उप्रेती,प्रदेश नम्बर-३ ललितपुरका बालमुकुन्द दवाडी,खप्रदेशनम्बर -४ मा कास्कीका दीपेन्द्र अधिकारी,प्रदेश नम्बर-५ मा दाङका हेमन्त रावल,खप्रदेश नम्बर -६ सुर्खेतका मेदिनीप्रसाद पौडेलर प्रदेश नम्बर- ७ मा डोटीका जयानन्द पनेरुलाई निर्वाचन अधिकृत तोकिएको छ । आयोगले उच्च अदालत रहेको एक नम्बर प्रदेशको मोरङ, दुईको धनुषा, तीनको ललितपुर, चारको कास्की, ५ को दाङ, ६ को सुर्खेत र ७ को डोटीमा राष्ट्रियसभा निर्वाचनका लागि मतदान गर्ने निर्णय गरेको थियो ।माघ ७ गतेबाट लागु हुने गरी निर्वाचन कार्यतालिका सार्वजनिक गरेको आयोगले माघ १० गते मनोनयन दर्ता र माघ २४ गते बिहान १० देखि ३ बजेसम्म मतदानको समय निर्धारण गरेको छ । निर्वाचन अधिकृतको कार्यालय भने शनिबारबाट सञ्चालनमा आउनेछन् ।

ट्याग -  राष्ट्रिय सभा , निर्वाचन आयोग

SUGGESTED ARTICLES

img
बास्तोलाको निधनप्रति दुःख व्यक्त

पूर्वसांसद मञ्च नेपालले नेपाली काङ्ग्रेसका नेता एवं पूर्वमन्त्री चक्रप्रसाद बास्तोलाको निधनप्रति गहिरो दुःख व्यक्त गरेको छ । प्रजातन्त्र पुनःस्थापनाका अथक योद्धा स्व बास्तोलाको दिवङ्गत आत्माको चिरशान्तिको कामना गर्दै मञ्चले शोक सन्तप्त परिवारप्रति हार्दिक समवेदना प्रकट गरेको छ । संस्थाका अध्यक्ष ओमकारप्रसाद श्रेष्ठले आज जारी गर्नुभएको समवेदना सन्देशमा यस दुःखद् घडीमा मञ्च उहाँप्रति गहिरो श्रद्धाञ्जलि अर्पण गर्दछ भनिएको छ । 


by RSS | Oct 15

img