mobile

नेपालद्धारा केन्या ३ विकेटले पराजित,सन्दिप लामिछाने म्यान अफ म्याच

By R. sharma on Feb 12,2018 - 22:07

निकै रोमञ्चक प्रतिष्प्रर्धाका बीच नेपालले केन्यालाई ३ विकेटले पराजित गरेको छ। नामिबियामा जारी विश्व क्रिकेट लिग डिभिजन २ को आफ्नो चौथो खेलमा नेपालले केन्याले दिएको १७८ रनको लक्ष्य ३ विकेट बाँकी रहदै पार गरेको हो। नेपालका लागि रोहितकुमार पौडेलले सर्वाधिक ४७ रन बनाए। त्यस्तै कप्तान पारस खड्का र आरिफ शेखले ४२-४२ रन बनाए। शरद भेषवाकरले १९ रन बनाए। अन्य खेलाडीले दोहोरो अंक छुन सकेनन्। केन्याका लागि इबी रिंगाराले महत्वपूर्ण ३ विकेट लिए। उनले पारस खड्का र शरद भेषवाकरलाई आउट गरेका थिए। एनएन ओडिम्बो, एनएम ओडिम्बो र एसओ एन्गोचेले १-१ विकेट लिए। खेलमा नेपालका सन्दिप लामिछाने म्यान अफ म्याच घोषित भए। एकदिवसीय विश्वकप छनोट प्रतियोगिता तथा इन्टरकन्टिनेन्टल कपमा दुई टिम छनोट गर्नका लागि आयोजित प्रतियोगितामा नेपालले यसअघि पहिलो खेलमा आयोजक नामिबियामाथि १ विकेटको जित हात पारेको थियो। दोस्रो खेलमा ओमानसँग ६ विकेटले पराजित भएको नेपाल तेस्रो खेलमा युएईमाथि ४ विकेटको जित हात पारेको छ। ३ खेलमा जितसँगै नेपालको छनोट सम्भावना बढेको छ। नेपालले अन्तिम खेलमा बुधबार क्यानडाको समाना गर्ने भएको  छ । 

 

ट्याग -  किक्रेट

SUGGESTED ARTICLES

img
हिरो गोल्डकप : उपाधिका लागि नेपाल–म्यान्मा भिड्दै

भारतमा जारी हिरो गोल्डकप प्रतियोगिताको अन्तिम चरणको खेलमा आज नेपाल र म्यान्मा भिड्दै छन् । भारतको उडिसास्थित कालिङ्गा रङ्गशालामा हुने खेल नेपाली समयानुसार साँझा ६ बजे शुरु हुनेछ । नेपालको राष्ट्रिय महिला फुटबल टोलीले आज विजयी भए पहिलो अन्तर्राष्ट्रिय उपाधि पाउनेछ । दक्षिण एशियाली फुटलबमा सधँै उपाधिका लागि तगारो बन्दै आएको भारतलाई समूहचरणमै पराजित गरेपछि


by RSS | Feb 15

img