mobile

नगरका सडक विस्तार गरिँदै

By RSS on Feb 13,2018 - 14:34

जैमिनी नगरपालिकाभित्रका सडक विस्तार गर्ने कार्य शुरु भएको छ । नगरका सबै वडासम्म जोडिएका मुख्य सडकलाई सात मिटर चौडा गर्न लागिएको हो । सडक विस्तारसँगै नाली, पर्खाललगायत पूर्वाधार निर्माण भइरहेको छ । अव्यस्थित सडकले दुर्घटनाको जोखिम बढाएका कारण सडकको स्तर वृद्धि योजना नगरपालिकाले अघि बढाएको छ । 

चालु आवमा रु एक करोडभन्दा बढी बजेट सडकका लागि छुट्ट्याइएको नगरपालिकाका प्रमुख प्रशासकिय अधिकृत विष्णुप्रसाद सुवेदीले बताउनुभयो । कुश्मीसेरा–दमेक–पैंँयूथन्थाप–राङखानी हुँदै बरेङ गाउँपालिका जोड्ने सडक सुधारको लागि रु ४० लाख बजेट विनियोजन गरिएको छ । 

यस्तै, कुश्मिसेरा–सर्कुवा–व्याडथला हुँदै बरेङ गाउँपालिका जोड्ने अर्को सडकलाई रु ४० लाख ८० हजार बजेट छुट्ट्याइएको छ । दुबै सडक स्तरवृद्धिका लागि लागत योजना तयार गरेर काम शुरु गरिएको सुवेदीले बताउनुभयो । “साँधुरा र जीर्ण सडक सुधार गरेर बाह्रैमास चल्ने बनाउँदैछौ,” उहाँले भन्नुभयो । 

नगरभित्र नयाँ सडक मापदण्ड पुर्याएर मात्र खोलिने छ । सडक चक्लाएर ठूला सवारी साधन गुडाउने योजना रहेको जैमिनी नगरपालिका–९ का वडाध्यक्ष भगिन्द्रकुमार थापाले बताउनुभयो । नियमित मर्मतसुधार नुहँदा ग्रामीण भेगका अधिकांश सडक जीर्ण अवस्थामा छन् । 

नगर प्रमुख इन्द्रराज पौडेल भएका सडकलाई स्तरीय बनाउने कार्य चुनौतीपूर्ण रहेको बताउनुहुन्छ । नगरपालिकाले नगरभित्रका सबै विद्यालयलाई सडक सञ्जालसँग जोड्ने योजना बनाएको छ । आगामी दुई वर्षभित्र नगरभित्रका ८० वटै विद्यालयसम्म सडकको पहुँच पुर्याइने पौडेलले बताउनुभयो । रासस

ट्याग -  सडक विस्तार गर्ने कार्य शुरु

SUGGESTED ARTICLES

img
जबर्जस्ती करणी गर्नेलाई आठ वर्ष कैद

उदयपुरको कटारीस्थित त्रिवेणीका एक युवकलाई बालविवाह गरी जबर्जस्ती करणी गरेको अभियोगमा जिल्ला अदालतले आठ वर्ष जेल सजायको फैसला गरेको छ । जिल्ला अदालतले कटारी नगरपालिका–२ त्रिवेणीका २५ वर्षीय रविलाल तामाङलाई जेल सजायको फैसला गरेको हो । सोमबार जिल्ला अदालतका न्यायाधीश तेजेन्द्रप्रसाद शर्माको एकल इजालासले १४ वर्षीया बालिकासँग जबर्जस्ती विवाह गरी


by RSS | Today, 12:50 PM

img