mobile

‘पञ्चासे एफएम’को नियमित प्रसारण शुरु

By RSS on Mar 13,2018 - 10:47

पर्वत मिडिया हाउस प्रालिद्वारा सञ्चालित ‘पञ्चासे एफएम’ १०२ दशमलव ८ मेगाहर्जले सोमबार साँझदेखि आफ्नो नियमित प्रसारण शुरु गरेको छ । गत असोजदेखि सदरमुकाम कुश्माबजारबाट परीक्षण प्रसारण गर्दै आएको एफएमको सबैजसो तयारी पूरा भई सोमबार साँझ ७ बजेको समाचारसँगै नियमित प्रसारण शुरु भएको हो । जिल्लामा पहिलो पटक व्यावसायिक रेडियोको रुपमा पञ्चासे स्थापना भएको हो । यसअघि प्रसारणमा रहेका चार रेडियो सामुदायिक हुन् भने दक्षिण पर्वतको रानीपानीबाट परीक्षण प्रसारण शुरु भएको ‘रेडियो सत्यवाणी’ समेत सामुदायिक रेडियो हो । 

सञ्चार क्षेत्रको तीव्रतर विकास क्रमसँगै नागरिकलाई स्वतन्त्र, निष्पक्ष, तटस्थ र शीघ्र समाचार, सूचना र मनोरञ्जन दिलाउनका लागि रेडियो स्थापना गरिएको ‘पञ्चासे एफएम’का प्रबन्ध निर्देशक गणेश पौडेलले जानकारी दिनुभयो । पौडेलका अनुसार ५०० वाट क्षमताको उक्त रेडियो पर्वतलगायत बागलुङ, म्याग्दी, गुल्मी, पाल्पा, स्याङ्जा, कास्कीमा प्रत्यक्ष सुन्न सकिने छ । त्यस्तै अनलाइनमार्फत पनि रेडियो सुन्न सकिने गरी तयारी गरिएको छ । 

सो सञ्चारमाध्यमसँगै एफएम रेडियोको संख्या छ पुगेको छ भने एउटा केबुल टेलिभिजनसमेत प्रसारणमा छ । त्यस्तै दुई दैनिक पत्रिका, ११ साप्ताहिक पत्रिका र चार त्रैमासिक पत्रिका पनि प्रकाशन भइरहेका छन् । जिल्लामै क्रियाशील सञ्चारकर्मीबाट झण्डै एक दर्जन अनलाइन पत्रिका पनि सञ्चालनमा छन् । रासस

ट्याग -  ‘पञ्चासे एफएम’ १०२ दशमलव ८ मेगाहर्जले सोमबार साँझदेखि आफ्नो नियमित प्रसारण शुरु

SUGGESTED ARTICLES

img
पहिरोले हाइड्रोपावरको कुलो भत्काउँदा ५४१ घर अन्धकारमा

लगातारको वर्षाका कारण माथिबाट झरेको पहिरोले हाइड्रोपावरको कुलो बगाउँदा खोटाङ पाथेकाका स्थानीय अन्धकारमा बस्न बाध्य भएका छन् । नाखामखोला लघु जलविद्युत् आयोजनाको कुलो गत जेठ ३० गते बेलुकी झरेको पहिरोले बगाएपछि दिक्तेल रुपाकोट मझुवागढी नगरपालिका–१० पाथेका स्थानीय अन्धकारमा बस्न बाध्य भएका हुन् । साविकको पाथेका गाविसस्थित सबै वडामा विस्तार गरिएको ६० किलोवाट क्षमताको विद्युत्का लागि निर्माण


by RSS | Today, 03:18 PM

img