mobile

वयस्क चितुवा मृत फेला

By RSS on Mar 13,2018 - 15:41

चितुवा प्रभावित क्षेत्र बैतडीको तल्लोस्वराडमा आज एक वयस्क चितुवा मरेको अवस्थामा फेला परेको छ । मेलौली नगरपालिका–२, नानीगाड खोला किनारमा चितुवा मरेको अवस्थामा फेला परेको जिल्ला प्रहरी कार्यालय बैतडीले जनाएको छ । 

चितुवा सडेको अवस्थामा रहेकाले दुई तीन दिन अगाडि नै मरेको हुनसक्ने प्रहरीले जनाएको छ । खोलामा माछा मार्न गएका युवाले मृत चितुवालाई देखेपछि आज बिहानै प्रहरीलाई खबर गरेका हुन् । प्रहरीले वन कार्यालयका मान्छेलाई खबर गरेको र शव परीक्षणपश्चात् मात्रै चितुवा कसरी मरेको भन्ने थाहा हुने बताइएको छ । 

चितुवा मृत भेटिएको बारे थप अनुसन्धान गर्ने प्रहरीले जनाएको छ । मेलौली नगरपालिकाका विभिन्न ठाउँमा चितुवाले आक्रमण गरी धेरैको ज्यान लिइसकेको छ भने त्यसैमध्येको चितुवा मरेको हुनसक्ने अनुमान गरिएको छ । 

चितुवाले २०६८ सालयता तल्लोस्वराड क्षेत्रमा २३ जनाको ज्यान लिइसकेको छ । प्रशासनले धेरैपटक चितुवा मार्नका लागि तल्लोस्वराडमा प्रहरी र वनरक्षकको टोली पठाएको भएपनि फेला पार्न नसकी फर्किने गरेको छ । 

यही फागुन १४ गते रातिमात्रै मेलौली नगरपालिका–९, रोकटाका डेढ वर्षीय बालक गणेशबहादुर चन्द आफ्नै घरको भुइँतलाको भान्छा कोठामा रहेका बेला चितुवाले आक्रमण गरी गम्भीर घाइते बनाएको थियो । रासस

ट्याग -  एक वयस्क चितुवा मरेको अवस्थामा फेला

SUGGESTED ARTICLES

img
पहिरोले हाइड्रोपावरको कुलो भत्काउँदा ५४१ घर अन्धकारमा

लगातारको वर्षाका कारण माथिबाट झरेको पहिरोले हाइड्रोपावरको कुलो बगाउँदा खोटाङ पाथेकाका स्थानीय अन्धकारमा बस्न बाध्य भएका छन् । नाखामखोला लघु जलविद्युत् आयोजनाको कुलो गत जेठ ३० गते बेलुकी झरेको पहिरोले बगाएपछि दिक्तेल रुपाकोट मझुवागढी नगरपालिका–१० पाथेका स्थानीय अन्धकारमा बस्न बाध्य भएका हुन् । साविकको पाथेका गाविसस्थित सबै वडामा विस्तार गरिएको ६० किलोवाट क्षमताको विद्युत्का लागि निर्माण


by RSS | Today, 03:18 PM

img