mobile

आईपीएलमा ‘सन्दिप’ एक नम्बर जर्सी लगाएर खेल्ने

By Anu Rana on Mar 23,2018 - 14:05

सन्दीप लामिछानेले इण्डियन प्रिमियर लिग (आईपीएल) मा लगाउने जर्सी प्रधानमन्त्री केपी शर्मा  ओलीद्धरा जर्सी बिहीबार काठमाडौंमा सार्वजनिक गरिएको हो । बिहीबार साँझ होटल अन्नपूर्णमा आयोजित कार्यक्रममा राष्ट्रिय खेलकुद परिषदका सदस्य सचिव केशवकुमार विष्टले आईपीएलमा दिल्ली डेयरडेभिल्सबाट खेल्दा नेपाली खेलाडी सन्दिप लामिछानेले लगाउने जर्सी सार्वजिनिक गरेका हुन् । सन्दिपलाई दिल्लीले १ नम्बरको जर्सी दिएको छ । 

राष्ट्रिय टोलीबाट २५ नम्बरको जर्सी लगाउने सन्दिपले दिल्लीमा पनि त्यही जर्सी लगाउन चाहेका थिए । तर, दक्षिण अफ्रिकाका कागिसो रावाडाले लगाइराखेको हुनाले उनले त्यो जर्सी पाएनन् । त्यसपछि उनले १ नम्बर रोजेका हुन् ।

१ नम्बर रोज्नुको कारण खुलाउँदै सन्दिपले भने, “खासमा २५ नम्बर मेरो भाञ्जीको बर्थ डे हो, र त्यो नपाएपछि भाञ्जीको जन्म महिनाको रुपमा १ नम्बर रोजेँ ।”

 सन्दिप आईपीएल खेल्ने एशोसियन राष्ट्रका एकमात्र खेलाडी हुन् । नेपालका युवा क्रिकेटर सन्दिप लामिछानेले इन्डियन प्रिमियर लिग (आईपीएल) क्रिकेटमा १ नम्बरको जर्सी लगाउने भएका छन् । लेग स्पिन्नर सन्दिपले दिल्ली डेयरडेभिल्सबाट यो सिजनको आईपीएल क्रिकेट खेल्दैछन् ।

गत माघमा भएको अक्सनमा सन्दिपलाई दिल्लीले किनेको थियो । सन्दिपलाई दिल्लीले न्यूनतम मूल्य २० लाख भारतीय रुपैयाँमा किनेको छ । दिल्लीमा अनुबन्ध भएसँगै सन्दिप नेपालबाट आईपीएल खेल्ने पहिलो खेलाडी बनेका छन् ।

आईपीएलको यो संस्करण अप्रिल ७ देखि मे २७ सम्म हुँदैछ । यो पटक दिल्लीसहित ८ टोलीले सहभागिता जनाएका छन् । सन्दिपको जर्सी सार्वजनिक गर्न दिल्लीका प्रमुख कार्यकारी अधिकृत हेमन्त दुवा, सुनील भाल्सनसहितको टोली नेपाल आएको थियो ।

भर्खरैमात्र जिम्बाब्वेमा विश्वकप छनोट प्रतियोगिता खेलेर नेपाल आएका सन्दिप आईपीएल खेल्न अर्को साता मंगलबार नयाँदिल्ली जाँदैछन्। दिल्ली डेयरडेभिल्सलेआईपीएलको अक्सनमा  सन्दिपलाई २० लाख भारुमा अनुबन्ध गरेको थियो । उनी आइपीएलमा आवद्ध हुने पहिलो नेपाली क्रिकेटर हुन् । आईपीएल जर्सी प्रधानमन्त्री केपी शर्मा ओलीले प्रदान गर्ने कार्यक्रम तय भएको तर अन्तिममा कार्यक्रम परिवर्तन भएको थाहा भएको छ

ट्याग -  विश्वकप छनोट प्रतियोगिता , एक नम्बर जर्सी , सन्दीप लामिछानेले इण्डियन प्रिमियर लिग

SUGGESTED ARTICLES

img
सेरेना विलियम्सले मेड्रिड ओपनबाट नाम फिर्ता लिइन्

विश्वको नम्बर वान महिला टेनिस खेलाड़ी अमेरिकाको सोरेना विलियम्सले मेड्रिड ओपनबाट नाम फिर्ता लिएकी छन्। आठ पटककी च्याम्पियन सेरेना विलियम्सको घुँडाको चोटका कारण उनले प्रतियोगिता नखेल्ने भएकी हुन् ।


by Anu Rana | Today, 04:09 PM

img