mobile

काठमाडौंमा पाँच बर्षपछि मोनोरेल प्रोजेक्ट 

By Anu Rana on Apr 11,2018 - 09:10

लामो समयदेखि चर्चा चलिरहेको ‘मोनोरेल’ प्रोजेक्ट  अब काठमाडौंको चक्रपथमा गुड्ने भएको छ ।  काठमाडौं महानगरपालिकाले साइमेक्स इंक कम्पनीले काठमाडौंमा मोने रेल चलाउन विस्तृत परियोजना प्रतिवेदन (डीपीआर) बनाउने भएको छ । उसले काठमाडौंमा मोनोरेल सञ्चालन गर्न सकिने निष्कर्षसहितको प्रारम्भिक सम्भाब्यता अध्ययनको रिपोर्ट काठमाडौं महानगरपालिकालाई गत साउन मै बुझाएको थियो ।

प्रधानमन्त्री आफैं अध्यक्ष रहेको लागनी बोर्डले पनि काठमाडौंमा ‘मेट्रो रेल’ गुडाउनेबारे अध्ययन गरिरहेकै बेला चक्रपथमा ‘मोनोरेल’ गुडाउने गरी काम अघि बढ्ने टुंगो नजिक पुगेको स्रोतको दाबी छ । चक्रपथमा मोनोरेल सञ्चालनबारे प्रधानमन्त्री कार्यालय बालुवाटारमा गत बुधबार राति १२ बजेसम्म नेपाली कन्सल्टेन्ट र निर्माण गर्न इच्छुक देखिएको मलेसियाली कम्पनी पावरट्रेकका अधिकारी बीच लामो छलफल भएपछि यसले मूर्त रुप लिने भएको हो ।

प्रधानमन्त्री ओलीसँगको भेटमा पावरट्रेकमा अध्यक्ष अदनानले आफूहरुले ४ वर्षभित्रै मानोरेल सञ्चालन गरेर देखाइदिने प्रतिबद्धता जाहेर गरेका थिए । प्रधानमन्त्री नै गम्भीर देखिएको परियोजना अघि बढ्ने सम्भावना रहेको स्रोत बताउँछ । स्रोत भन्छ, ‘प्रधानमन्त्रीज्यूले समय सीमा नै तोकेर काम दिने यदि निर्धारित समयमा काम नभए टेन्डर नै टर्मिनेट हुन सक्ने समेत चेतावनी दिनुभएको छ ।’

महानगरपालिकाका प्रवक्ता ज्ञानेन्द्र कार्की क अनुसार साइमेक्सलाई पहिलो चरणमा तिलगंगादेखि कलंकीसम्म चल्ने मोनोरेलको डीपीआर तयार गर्न दिने निर्णय भइसकेको बताएका छन  । यसको रुट तिलगंगाबाट सुरु भएर एरपोर्ट, तीनकुने, नयाँबानेश्वर, माइतीघर, शहीदगेट, त्रिपुरेश्वर, कालिमाटी, रविभवन हुँदै कलंकीसम्म पुग्नेछ  ।

यस अध्ययन अनुसार सामान्यतया १० किलोमिटर दूरीको लिक बनाउन ३० करोड अमेरिकी डलर खर्च लाग्छ र निर्माण सक्न २ वर्ष जती लग्ने र, रेलको तुलनामा स्काई रेल सञ्चालनका लागि २० प्रतिशत रकम कम लाग्ने कम्पनीको दाबी छ । रेलको एउटा डिब्बामा २०० जना यात्रु अट्न सक्ने साथै एउटा रेलमा ८ वटासम्म डिब्बा जोड्न सकिन्छ ।

कति लामो ? कति लागत ?

नेपाली इन्जिनियरहरु सहित संलग्न अध्ययन अनुसार चक्रपथमा लगभग २९ किलोमिटर लामो मानोरेल निर्माण हुने, र डबल ट्र्याक भएको मोनोरेल ट्र्याक निर्माणको लागत ८० अर्ब रुपियाँ लाग्ने प्रारम्भिक अनुमान छ ।

कम्पनीले तयार गरेको अध्ययन अनुसार मोनोरेलका गति बढीमा असी किलोमिटर प्रतिघन्टा हुने बताएको छ । ट्र्याकमा ८ सय मिटरदेखि साढे एक किमिको अन्तरमा रहने गरी १७ वटा स्टेसन रहने छन् ।

 उनीहरुको अध्ययन अनुसार निर्माण लागत प्रतिकिलोमिटर २ अर्बदेखि ३ अर्ब रुपियाँसम्म लाग्ने देखिएको छ ।

निर्माता कम्पनीले १५ वर्ष लगानी उठाउने लक्ष्य राखेको छ । बाँकी १५ वर्ष सञ्चालन गरेर ३० वर्ष पछि परियोजना नेपाल सरकारलाई हस्तान्तरण गर्ने छ । रेलको ट्र्याक जमिनबाट १४ फिट उचाइमा रहने छ । उपत्यकामा मोनोरेलले दैनिक १ लाख ५० हजार यात्री बोक्ने आयोजना अध्ययनबाट देखिएको छ ।

 

 

ट्याग -  ‘मोनोरेल’ प्रोजेक्ट , काठमाडौंमा पाँच बर्षपछि

SUGGESTED ARTICLES

img
जापानी कार कम्पनी निशानले डेढ लाख कार फिर्ता गर्ने

 जापानी कार कम्पनी निशानले आफ्ना नयाँ उत्पादनमा हुनुपर्ने सबै परीक्षण नभएको भन्दै बजारमा पठाएका करिब डेढ लाख कारलाई फिर्ता लिने तयारी भएको छ ।


by Anu Rana | Dec 10

img