mobile

 बैशाख ९ मा पार्टी एकता सम्भावना न्यून बन्दै 

By R. sharma on Apr 13,2018 - 07:51

नेकपा एमाले र माओवादी केन्द्रको पार्टी एकता घोषणा बैशाख ९ मा हुने सम्भावना न्यून बन्दै गएको छ। नेपालमा कम्युनिस्ट पार्टी स्थापनको दिन अर्थात् अप्रिल २२ (बैशाख ९ गते) पार्टी एकता गर्ने भनिएको थियो। तर एकताको दिन नजिकँदै जाँदा पनि विवादित विषयहरू टुंगो नलाग्दा बैशाख ९ मा पार्टी एकताको सम्भावना न्यून बन्दै गएको हो।

नमिलेका विषयहरु 

आगामी पार्टीको संगठन कति रहने, पार्टीको चुनाव चिह्न के रहने र पार्टीको प्रस्तावनामा 'जनयुद्ध' रहने कि नरहने भन्ने विषयमा विवाद छ। माओवादी केन्द्रले पार्टी एकता ‘सम्मानजनक’ हुनुपर्ने बताउँदै आएको छ। उसले नयाँ बन्ने पार्टी संगठनको सबै तहमा ५०/५० प्रतिशतको आधारमा एकता हुनुपर्ने अडान राखेको छ। तर एमाले भने ५०/५० को आधारमा गर्ने मनस्थितिमा छैन। एमालेले चुनावी गठबन्धनमा जस्तै ६०/४० को आधारमा एकता गर्नुपर्ने बताउँदै आएको स्रोतको दाबी छ। यस्तै, चुनाव चिह्नका विषयमा पनि केही विवाद छ। एमालेले अब बन्ने एकीकृत पर्टीको चुनाव चिह्न सूर्य हुनुपर्ने अडान राखेको छ भने माओवादी केन्द्रले सूर्यभित्र हसिया-हथौडा हुनुपर्ने अडान राखेको छ। यसैगरी पार्टीको प्रस्तावनामा ‘जनयुद्ध’ राख्नुपर्ने माओवादीको माग छ तर एमाले यो विषयमा सहमत नरहेको स्रोतको दाबी छ। स्रोतका अनुसार एमालेले ‘जनयुद्ध’को सट्टा जनक्रान्ति राख्न प्रस्ताव गरेको छ।

 

ट्याग -  बामगठवन्धन

SUGGESTED ARTICLES

img
विप्लव समूहलाई राजनीतिक मूलधारमा ल्याइने

प्रधानमन्त्री केपी शर्मा ओलीले नेत्रविक्रम चन्द नेतृत्वको नेकपालाई चैतभित्र राजनीतिक मूलधारमा ल्याइने बताउनुभएको छ । नयाँ बानेश्वरस्थित संसद् भवनमा आज नेपाल कम्युनिष्ट पार्टी (नेकपा)बाट निर्वाचित प्रतिनिधिसभा तथा राष्ट्रियसभाका सांसदलाई सम्बोधन गदै उहाँले विप्लव समूहको अतिवादी क्रियाकलापलाई अन्त्य गरिने स्पष्ट गर्नुभयो । उहाँले भन्नुभयो, “सके राजनीतिक तवरबाट नसके जेलमा बसालेर भए पनि नक्कली कमरेडलाई राजनीतिक मूलधारमा ल्याइने छ ।”


by RSS | Mar 25

img