mobile

कांग्रेस महासमिति बैठक १५ जेठभित्र बस्ने

By R. sharma on Apr 13,2018 - 08:07

प्रमुख प्रतिपक्षी कांग्रेस महासमिति बैठक १५ जेठभित्र बस्ने भएको छ । तीनै तह निर्वाचनमा पार्टी पराजयपछि नेतृत्व परिवर्तनको बहस चलिरहे पनि स्थगित केन्द्रीय समितिबाट १५ जेठभित्र महासमिति बैठक गर्ने गरी मिति तय गरिदै छ । 

कांग्रेस प्रवक्ता विश्वप्रकाश शर्माले स्थगित केन्द्रीय समिति बैठक आगामी ७ वैशाखबाट सुरु हुने र त्यसबाटै महासमिति मिति तय हुने भन्दै १५ जेठभित्रै बैठक हुने सम्भावना रहेको बताए । प्रवक्ता शर्माका अनुशार स्थगित केन्द्रीय समिति सुरु भएपछि यही बैठकबाटै महासमिति मिति तय हुन्छ, १५ जेठभित्र बैठक गर्नेगरी मिति तय हुने सम्भावना छ,’ 

निर्वाचनको पराजयमा केन्द्रीत रहन भन्दै गत ९ चैतबाट केन्द्रीय समिति बैठक बसिरहेकै बेला नेता खुमबहादुर खड्काको निधनपछि बैठक स्थगित भएको थियो । स्थगित बैठक आगामी ३ वैशाखबाट सुरु हुने भनिए पनि आमाको मुख हेर्ने दिन परेकाले ७ वैशाखबाट सुरु हुने जनाइएको छ । जारी बैठकमा हालसम्म ४४ केन्द्रीय सदस्यले धारणा राखिसकेका छन् ।

ट्याग -  नेपाली कांग्रेस , निर्वाचन

SUGGESTED ARTICLES

img
रचनात्मक सहयोग गर्न तयार : नेता गच्छदार

नेपाली काँग्रेस संसदीय दलका उपनेता विजयकुमार गच्छदारले काँग्रेसले लोकतान्त्रिक पद्धतिलाई सम्मान गर्दै प्रतिपक्षमा रहेर पनि सरकारलाई रचनात्मक सहयोग गर्न तयार रहेको बताउनुभएको छ । सुनसरीको बर्जु गाउँपालिकाको आइतबार बजेट नीति तथा कार्यक्रम सार्वजनिक गर्न आयोजित कार्यक्रममा नेता गच्छदारले काँग्रेस नेतृत्वको सरकारले तीनै तहको चुनाव सम्पन्न गरेर लोकतान्त्रिक अभ्यासको प्रत्याभूति दिलाएको छ भन्नुभयो । उहाँले सरकार अधिनायकवादतर्फ उन्मुख रहेको भन्दै


by RSS | Today, 10:40 AM

img