mobile

हिमवत्खण्ड कला साहित्य सम्मिलन : २०५ सदस्यीय मूल समिति

By RSS on Jun 13,2018 - 14:03

दुई सय पाँचौँ भानुजयन्तीका अवसरमा मदन भण्डारी कला साहित्य प्रतिष्ठानको आयोजनामा यहाँ हुने ‘हिमवत्खण्ड कला साहित्य सम्मिलन’ का लागि प्रा डा राजेन्द्र सुवेदीका संयोजकत्वमा २०५ सदस्यीय मूल समिति गठन गरिएको छ । आगामी असार २९, ३० र ३१ गते हुने पहिलो सम्मिलनमा भानुभक्त आचार्यप्रतिको दृष्टिकोण, नेपालका भाषाको साहित्यिक अवस्था, सम्पर्क भाषाका रुपमा नेपाली भाषाको राष्ट्रिय अन्तर्राष्ट्रिय भूमिका तथा नेपाली भाषाको वर्तमान अवस्था र यसको महत्व विषयमा कार्यपत्रसहित छलफल हुने छ । सम्मिलनमा बहुभाषिक कविगोष्ठी र सांस्कृतिक कार्यक्रम पनि हुने छ । तीनदिने कार्यक्रमअन्तर्गत असार ३० गते चन्द्रागिरिमा साहित्य र कलासम्बन्धी कार्यशाला पनि हुनेछ । प्रतिष्ठानका अध्यक्ष सांसद डा विजय सुब्बाको अध्यक्षतामा बसेको बैठकले मूल समितिका सहसंयोजकमा प्रा डा बद्रीविशाल पोखरेल, सात प्रदेशका संयोजक, सदस्य सचिवमा डा देवी नेपाल, १५ सदस्यीय सचिवालय र कार्यालय सचिवमा जयन्ता पोखरेल रहने निर्णय गरेको छ । मूल समितिअन्तर्गत १५ भन्दा बढी उपसमिति पनि रहेका छन् । चन्द्रागिरिमा हुने कार्यक्रमको संयोजन भने दिनेश डिसीले गर्नुहुनेछ । 

समारोहमा नेपालका सबै प्रदेश, भारत, म्यान्मा, भुटान तथा युरोप र अमेरिकाका नेपाली एवं नेपाली मातृभाषी विद्वान्, भाषाविद्, प्राध्यापक, साहित्यकार, कलाकार, राजनीतिकर्मी आदिको सहभागिता रहनेछ । प्रधानमन्त्री तथा प्रतिष्ठानका संरक्षक केपी शर्मा ओलीले मङ्गलबार आयोजक संस्थालाई नेपालका सबै भाषाभाषी र सबै विधा समेट्न निर्देशन दिइसक्नुभएको छ ।(रासस) 

ट्याग -  साहित्य सम्मिलन

SUGGESTED ARTICLES

img
जयवागेश्वरी पुनःनिर्माण सम्झौता, दुई वर्षमा बन्ने

भूकम्पले क्षतिग्रस्त पशुपति क्षेत्रको जयवागेश्वरी मन्दिर पुनःनिर्माणका लागि निर्माण व्यवसायीसँग सम्झौता भएको छ । सम्झौता गरेका दाताले क्षतिग्रस्त मन्दिरको पुनःनिर्माण ३५ महीना बित्दा पनि नगरेपछि पशुपति क्षेत्र विकास कोषले सम्झौता रद्ध गरेको थियो । माघ २ गते बुधबार तुलसी कन्स्ट्रक्सनसँग दुई वर्षमा पुनःनिर्माण सक्ने गरी सम्झौता गरिएको कोषका सदस्य–सचिव डा प्रदीप ढकालले राससलाई जानकारी दिनुभयो ।


by RSS | Jan 18

img