mobile

अग्निदहन चलचित्रको समूह सम्मानित

By RSS on Jul 02,2018 - 10:43

यस वर्षको विशेष चलचित्र पुरस्कारबाट चलचित्र अग्निदहनका निर्देशक तथा कलाकारहरु पुरस्कृत हुनु भएको छ । नेपाल चलचित्र विकास बोर्डबाट घोषणा गरिएको सो पुरस्कारबाट चलचित्र पत्रकार संघ कास्की र पोखरा फिल्म सोसाइटीले आइतबार यहाँ संयुक्तरुपमा सम्मान गरेका छन् । चलचित्र पत्रकार संघका उपाध्यक्ष राजाराम पौडेल र पोखरा फिल्म सोसाइटीमा अध्यक्ष जीतेश प्रधानले संयुक्तरुपमा आयोजित एक समारोहका बीच चलचित्रका निर्देशक घनश्याम लामिछानेसहित कलाकारलाई सम्मान गर्नुभएको हो । सम्मानित हुने अन्य कलाकार प्रमिला तुलाचन, तुलसा जिसी, निर्मल लामिछाने र ताराबहादुर गुरुङ हुनुहुन्छ । सम्मान कार्यक्रममा पोखरा फिल्म सोसाइटीका अध्यक्ष जीतेश प्रधानले अग्निदहनले पाएको सफलताले पोखरामा क्रियाशील कलाकर्मीको हौसला बढाएको बताउनुभयो । 

चलचित्र पत्रकार संघ कास्कीका उपाध्यक्ष राजाराम पौडलले पोखराबाट निर्माण भएको सामाजिक चलचित्र अग्निदहन पुरस्कृत हुनु समग्र पोखरेलीका लागि गौरवको विषय भएको उल्लेख गर्नुभयो । निर्देशक घनश्याम लामिछानेले आफूहरूले प्राप्त गरेको पुरस्कार आफूहरूले मात्र नभई सिंगो पोखराले पाएको बताउँदै पुरस्कारले हौसलासँगै जिम्मेवारी थपेको धारणा राख्नुभयो । मान्छे बोक्सी हुन्न कहिल्यै राष्ट्रिय जागरण प्रतिष्ठान नेपालद्वारा निर्मित बोक्सी प्रथाको विषयमा बनेको यस चलचित्रको प्रस्तुतकर्ता कोविदशरण उपाध्याय हुनुहुन्छ भने निर्माताद्वय भुवनेश्वर शर्मा पौडेल र मोहनराज पौडेल हुनुहुन्छ । (रासस)

ट्याग -  सम्मानित

SUGGESTED ARTICLES

img
गाउँपालिकाद्वारा प्याराग्लाइडिङ परीक्षण उडान

न्यूपारा वल्र्ड प्राइभेट लिमिटेड पोखरा, कर्णाली एरोडाइनामिक रिसर्च सेन्टर जुम्ला र तातोपानी गाउँपालिकाद्वारा जुम्लामा प्याराग्लाइडिङ परीक्षण उडान शुरु गरिएको छ । सम्भाव्यता स्थानका लागि परीक्षण उडान शुरु गरिएको हो । नेपाल नागरिक उड्डयन प्राधिकरणको अनुमतिमा जुम्लाका विभिन्न स्थानमा परीक्षण उडान गरी सम्भावित स्थान खोजी गर्न अनुमति दिएअनुसार जुम्लाको तातोपानी गाउँपालिकाले पर्यटन प्रवद्र्धन गर्ने भन्दै


by RSS | Feb 18

img