mobile

श्रावण अन्तिम हप्ता कक्षा १२ को नतिजा सार्वजनिक हुुने

By RSS on Jul 13,2018 - 13:08

 


२०७५ सालमा संचालित कक्षा १२ को नतिजा यहि श्रावण अन्तिम हप्ता सम्ममा सार्वजनिक हुुने भएको छ ।यस परीक्षामा नियमित तर्फ दुई लाख ९८ हजार ९८७ र आंशिक तर्फ १ लाख १६ हजार २६६ गरि जम्मा चार लाख १५ हजार २५३ बिद्यार्थी सम्मेलित भएका थिए ।

“नतिजा सम्भव भएसम्म श्रावण तेस्रो हप्ता नभए अन्तिम हप्ता सम्म प्रकाशन गर्ने गरि काम गरिरहेका छौं, ” परीक्षा नियन्त्रण कार्यालयका एक अधिकारीले भने ।उनका अनुसार विभिन्न केन्द्रमा सम्परिक्षणको काम धमाधम भैरहेको र चाडै डाटा इन्ट्री र रुजु गर्ने कामसमेत सुरु गरिने बताइएकोे छ ।

पहिलो चरणमा बिज्ञान बिषयको नतिजा प्रकाशन हुने र त्यसको केही समय पछि अन्य संकायको नतिजा प्रकाशन गरिने बताइएको छ । “सबै संकायको नतिजा एकैपटक प्रकाशन गर्ने कुरा समेत भैरहेको छ, तर यस बारेमा अहिल्यै केहि भन्न सकिदैन, ” उनले भने ।

अक्षराङ्कन (ग्रेडिङ) पद्दतिमा आधारित रहेर प्रकाशित हुने बताइएकोे छ । प्रकाशित नतिजामा विभिन्न विषयमा ‘डी’ वा सो भन्दा तल्लो ग्रेड प्राप्त भई ग्रेडवृद्धि गराउन चाहाने परीक्षार्थीको लागि ग्रेडवृद्धि परीक्षाको समेत व्यवस्था छ ।

नतिजा कसरी हेर्ने ?
नतिजा प्रकाशन भैसकेपछी ईन्टरनेट वा मोबाईल एसएमएसमा नतिजा हेर्न सकिन्छ ।
यस्को लागि सबैभन्दा पहिले, तपाईको मोबाइल फोनको सन्देश बक्समा जानुहोस्।

NEB सिम्बोल नम्बर टाइप गर्नुहोस् र परिणामको लागि सटकोड ३१००३, मा पठाएर सजिलै कक्षा १२ को परिणामहरू हेर्न सक्नुहुनेछ।

ट्याग -  कक्षा १२ को नतिजा

SUGGESTED ARTICLES

img
एक वर्षेे उपलब्धि : शिक्षामा रूपान्तरणको सङ्केत

वर्तमान सरकारको एक वर्षको अवधिमा शिक्षा क्षेत्रमा नयाँ कानूनी प्रबन्धका साथै समाजवादोन्मुख शिक्षाको खाकाका लागि नीतिगत दस्तावेज तयार भएको छ । सरकारको नीति तथा कार्यक्रम र बजेट वक्तव्यमा समावेश भएका कार्यक्रम र स्वीकृत कार्ययोजनाका आधारमा सरकारको एक वर्षको अवधिमा शिक्षा क्षेत्रमा कानूनी र नीतिगत सुधारका सङ्केत देखिएका हुन् । 


by RSS | Feb 21

img