mobile

दशैंको लागि अग्रिम टिकट बुकिङ खुल्ला  

By Anu Rana on Sep 14,2018 - 15:21

दसैंका लागि राजधानी बाहिरिने यातायातको अग्रिम टिकट बुकिङ खुला भएको छ । सरकार र केही व्यवसायीले तोकिएको समय अगावै टिकट बिक्री गरेको पाइएपछि यातायता व्यवस्था भिवागले ती व्यवसायीमाथि कारबाही प्रक्रिया थालेको छ ।

यसैबीच सरकारले टिकट बिक्री सहज बनाउन व्यवसायीलाई निर्देशन दिएको छ । सरकारले चाडपर्वका बेला गाडी भाडा नबढाउन पनि भनेको छ । यातायात व्यवस्था कार्यालयले व्यवसायीको दबाबमा केही समयअघि मात्र गाडी भाडा बढाउन सहमति दिएको थियो ।

यातायात क्षेत्रमा व्यवसायीको एकाधिकार हटाउन चैत १८ मा जारी गरेको नयाँ निर्देशिकापछि पहिलो पटक अग्रिम बुकिङ टिकट खोल्न लागेको छ । सिन्डिकेट हटेपछि पुराना यातायात समिति हटिसकेका कारण उपत्यका बाहिरिने गाडीको संख्यामा केही कमी हुने अनुमान गरिएको छ ।

तराई क्षेत्रका लागि भने नयाँ कम्पनीहरुले सुविधासम्पन्न बससेवा सञ्चालन गरेको भएपनि पहाडी क्षेत्रमा भने त्यसको अभाव देखिन्छ। उपत्यकामा आएर बसोबास गरिरहेका काठमाडौं बाहिरका बासिन्दाहरु करिब ५० लाखको हाराहारीमा दशैं मनाउन बाहिरिने गर्छन् । यात्रुको चाप उच्च रहेकाले अहिले उपलब्ध सवारी साधनले मात्र धान्न नसक्ने विभागले जनाएको छ ।

यातायात र गृह मन्त्रालय, यातायात व्यवस्था विभाग, ट्राफिक महाशाखा एवम् नेपाल यातायात व्यवसायी राष्ट्रिय महासङ्घ, वायुसेवा सञ्चालक सङ्घ र राष्ट्रिय उपभोक्ता मञ्चका पदाधिकारीसँग भएको छलफलमा बुधबार बिहान ७ बजेदेखि मात्र अग्रिम टिकट सुरक्षित गर्न खुला गर्ने, सिट क्षमताभन्दा बढी टिकट नकाट्ने, एउटै सिटमा दुई टिकट सुरक्षित नगर्ने र त्यस्तो भएमा पहिलो खरिदकर्तालाई सिट उपलब्ध गराउने तथा दोहोरो टिकट काट्नेलाई कारबाही गर्ने सहमति भएको प्रधानमन्त्री कार्यालयले जनाएको छ ।

साथै महिला र अपाङ्गता भएका व्यक्तिका लागि सुरक्षित सिटमा अन्यलाई यात्रा नगराउन र छ घन्टाभन्दा लामो रुटमा चल्ने सवारी साधनमा अनिवार्य रुपमा दुई चालकको व्यवस्था गर्नेलगायत सहमति भएको छ । हवाई यात्रीलाई सहज रुपमा हवाई टिकट पाउने गरी टिकट बिक्रीको व्यवस्था मिलाउने तथा दुर्गम तथा पहाडी जिल्लामा थप उडान सञ्चालन गर्नेबारेमा पनि सहमति भएको जनाउँदै कार्यालयले राष्ट्रिय राजमार्ग तथा मूल सडकको नियमित मर्मतसम्भार गर्ने र सडकमा भएका खाल्डा तथा बिग्रेभत्केका स्थानको दसैँ अगावै उच्च प्राथमिकताका साथ मर्मतसम्भार गर्न सडक विभागलाई निर्देशन दिएको छ ।

टिकट काउन्टरमा बस्ने कर्मचारीले अनिवार्य रुपमा परिचयपत्र लगाउने, सबै टिकट काउन्टरबाटै बिक्री गर्ने, बिचौलियालाई प्रवेश गर्न नदिने एवम् सिट क्षमताभन्दा बढी यात्रु नराख्ने, यात्रुको बढ्दो सङ्ख्याअनुरुप थप सवारी साधनसमेत सञ्चालनमा ल्याउने तथा सहज रुपमा यातायातका साधन सञ्चालन गर्न नागढुङ्गालगायत अन्य आवश्यक स्थानमा ट्राफिक प्रहरीले थप जनशक्ति परिचालन गरी सवारीको प्रभावकारी व्यवस्थापन गन सहमति भएको जनाइएको छ ।

 “यातायात व्यवसायी पनि सर्वसाधारण यात्रुलाई सेवा पुर्याउनै आएका हौं,” नेपाल यातायात व्यावसायी महासंघका महासचिव सरोज सिटौलाले भने, “सरकारले यातायात समिति नवीकरणमा रोक लगायो, तर नयाँ गाडी नथप्दा यो दसैंमा गाडीको अभाव हुने प्रष्ट छ ।”

 सिन्डिकेट हट्नुअघि काठमाडौंबाट विभिन्न जिल्लाका लागि छुट्ने छोटो तथा लामो दूरीका सार्वजनिक सवारीको संख्या करिब ३ लाख ५० हजारमध्ये समिति नवीकरण नभएका कारण त्यस्ता समितिले दसैंमा गाडी चलाउने कि नचलाउने भन्नेमा अन्योल देखिएको सिटौलाले बताए ।

 

 

ट्याग -  दशैंको लागि अग्रिम टिकट बुकिङ खुल्ला  

SUGGESTED ARTICLES

img
रिक्त राजदूतमा पदपूर्ति हुँदै

नेपाल सरकारले रिक्त राजदूतमा चाँडै पदपूर्ति गर्ने भएको छ । मन्त्रिपरिषद्को आइतबारको बैठकले छिमेकी भारतलगायत तीन मुलुकका लागि राजदूत सिफारिश गरेको छ भने अन्य रिक्त राजदूतको पनि चाँडै सिफारिश गरिने परराष्ट्र मन्त्रालयका उच्च अधिकारीले जनाएका छन् । सिफारिश भएका नामबारे संसदीय सुनुवाइ विशेष समितिले सुनुवाइ गर्नेछ ।


by RSS | Nov 12

img