mobile

सामुदायिक विद्यालयलाई कम्प्युटर

By RSS on Sep 21,2018 - 14:15

हुम्लाका सामुदायिक विद्यालयको शैक्षिक गुणस्तर सुधार्न खार्पुनाथ गाउँपालिकाका दुई माध्यमिक विद्यालयलाई गुडनेवर्स इन्टरनेशनल र कर्णाली एकीकृत ग्रामीण विकास तथा अनुसन्धान केन्द्र (किर्डाक) नेपालले कम्प्युटर वितरण गरेको छ । 
गुडनेभर्स इन्टरनेशनलको आर्थिक सहयोग र किर्डाक नेपाल हुम्लाद्वारा सञ्चालित शिक्षा कायक्रमअन्तर्गत गाउँपालिकाको सीता मावि, छिप्रा र मालिका मावि, लालीलाई कम्प्युटर वितरण गरिएको गुडनेभर्स इन्टरनेशनल हुम्लाका संयोजक मनकुमार राईले बताउनुभयो । 
विद्यार्थीलाई प्राविधिक शिक्षातर्फ र नयाँ टेक्नोलोजीतर्फ केन्द्रित गर्ने उद्देश्यले कम्प्युटर वितरण काय शुरु भएको हो । जिल्ला शिक्षा समन्वय एकाई प्रमुख वर्ष फडेराले सम्बन्धित विद्यालयका प्रधानअध्यापकलाई कम्प्युटर वितरण गर्नुभएको हो । मालिका माविलाई १० थान कम्प्युटर एक थान प्रोजेक्टर र सीता माविलाई आठ थान र एक प्रोजेक्टर वितरण भएको थियो । 
दुई विद्यालयमा गरी रु १० लाख २३ हजार २९२ बराबरको कम्प्युटर सामाग्री हस्तान्तरण गरिएको छ । 
जिल्लाको मध्यक्षेत्रमा पर्ने सर्केगाड गाउँपालिकामा रहेको हिमज्योति माध्यमिक विद्यालयमा वितरण गरेको कम्प्युटर अहिलेसम्म सञ्चालनमा आउन नसकेकामा भने समन्वय प्रमुख फडेराले त्यस्ता कमजोरी सुधार्न निर्देशन दिनुभयो । 
विद्यालयलाई प्रविधिमैत्री बनाउन सो कम्प्युटर सहयोगी हुने छिप्रा माविका प्रधानध्यापक जुनअराज हमालले बताउनुभयो । (रासस)

ट्याग -  कम्प्युटर

SUGGESTED ARTICLES

img
सामसङको पहिलो फोल्डेबल स्मार्टफोन लञ्च  

सामसुङ्गले बुधबार आफ्नो पहिलो फोल्डेबल र फाइभ –जी स्मार्टफोन ग्यालेक्सी फोल्ड लञ्च गरेको छ । विगत केही महिनादेखि चर्चा हुदैँ आएकोमा कम्पनीले यो स्मार्टफोन लञ्च गरेको हो। ४.६ इन्चको फोल्डेबल स्मार्टफोन खोलिएपछि ७.४ इन्चको ट्याबलेटमा परिवर्तन हुन्छ । यसको मूल्य १ हजार ९ सय ८० डलर अर्थात् लगभग दुई लाख २५ हजार रुपैयाँ हो ।


by Anu Rana | Feb 21

img