mobile

माइक्रोसफ्ट बन्यो दोस्रो ठुलो बजार पूँजीकरण हुने कम्पनी  

By Anu Rana on Oct 29,2018 - 08:54

अमेजनलाई पछी छोड्दै अमेरिकी बहुराष्ट्रिय सफ्टवयर कम्पनी माइक्रोसफ्ट सबैभन्दा ठुलो बजार पूँजीकरण भएको दोस्रो अमेरिकी कम्पनी बन्न सफल रहेको छ । शुक्रबारको कारोबारमा अमेजनको शेयर बजारमा गिरावट आए सँगइ  कम्पनीको बजार पूँजीकरण ६८ अर्ब १० करोड घटेर ८ खर्ब ३ अर्ब २८ करोड डलरमा झरेसँगै माइक्रोसफ्टले उसलाई उछिनेको हो ।

 यता माइक्रोसफ्टको बजार पूँजीकरण ८ खर्ब २१ अर्ब ५ करोड डलर रहेको छ । अमेजनले यसै बर्षको अप्रिलमा माइक्रोसफ्टलाई पछाडि पारेको थियो ।  

 अमेजनको शेयरमा ७ ।८ प्रतिशतले गिरावट आएको थियो । यो २४ अक्टोबर २०१४ पछिको सबैभन्दा ठूलो गिरावट हो । यसबाट अमेजनका सीईओको नेटवर्थ ११ अर्ब डलर घटेको थियो । अमेजनको बजार पूँजीकरण ४ सेप्टेम्बरमा एक ट्रिलियन पुगेको थियो ।

माइक्रोसफ्टको शेयर मूल्य यस बर्ष २५ प्रतिशतले बढेको छ । अमेरिकी शेयर बजारमा सन् १९९८ देखि २००० सम्म माइक्रोसफ्ट सबैभन्दा धेरै बजार पूँजीकरण भएको कम्पनीका रुपमा रहेको थियो ।

 एक ट्रिलियन डलरभन्दा बढी मूल्यका साथ एप्पलले सबैभन्दा बढी बजार पूँजीकरण भएको कम्पनीका रुपमा आफ्नो पहिलो स्थान कायम नै राखेको छ । 

 

ट्याग -  अमेजनलाई पछी छोड्दै , अमेरिकी बहुराष्ट्रिय सफ्टवयर कम्पनी

SUGGESTED ARTICLES

img
अमेरिकामा साइबर संकटकालको घोषणा

अमेरिकी राष्ट्रपति डोनाल्ड ट्रम्पले कार्यकारी अधिकार प्रयोग गर्दै विदेशी साइबर हमलाको अवस्थाबाट अमेरिकी कम्प्युटरलाई बचाउनका लागि राष्ट्रिय संकटकाल घोषणा गरेका छन् । अमेरिकी राष्ट्रपति ट्रम्पले बुधबार एक कार्यकारी आदेश जारी गर्दै राष्ट्रिय संकटकालको घोषणा गरेका हुन् ।


by Anu Rana | May 20

img