mobile

अलैंचीमा रोग लागेपछि किसान निराश

By RSS on Nov 05,2018 - 13:50

आम्दानीको मूख्य स्रोतको रुपमा रहेको अलैँचीमा रोग लागेपछि कृषक निराश बनेका छन् । गाना कुहिने, पात डढ्ने र फल नलाग्दा अलैंँची खेती सखाप भएको छ । विगतमा पर्याप्त आम्दानी भएपछि खेतबारी मासेर समेत कृषकले अलैँंची खेती गरेका हुन् । केही वर्षयता रोगले अलैँची उत्पादनमा ह्रास आएको छ । अलैँचीमा रोग लागेपछि कतिपय कृषकले खेती गर्न छाडेका छन् । अर्लैँचीमा देखिएको रोग निदान गर्न सरकारले सहयोग गर्नुपर्ने कृषकको माग छ । कृषक चन्द्रबहादुर पाण्डे भन्नुहुन्छ, “मुख्य बालीका रुपमा अलैँचीको खेती गर्दै आएका छौँ, विभिन्न रोगले खलैँची खेती सङ्कटमा पर्दै गएको छ ।” 

उत्पादन भएको अलैँचीले उचित मूल्य नपाउँदा कृषक झन निराश बनेको भोजपुर नगरपालिका– ४ सिद्धेश्वरका महेन्द्रबहादुर राईले बताउनुभयो । उहाँले आठ रोपनीमा अलैँची खेती गर्नुभएको छ । “यस वर्ष अलैँचीमा फल नै लागेन । गाना कुहिएर सखाप भयो ।” उहाँले भन्नुभयो । अलैँची खेतीबाट अधिकांश कृषकले जीवनस्तर उकास्दै आएका थिए । 

महोत्सव सम्पन्न 

हतुवागढी गाउँपालिकामा आयोजना गरिएको ‘दोस्रो हतुवागढी घोरेटार महोत्सव’ सम्पन्न भएको छ । “स्थानीय पर्यटकीय क्षेत्रको प्रवद्र्धन गरौं, युवा स्वरोजगारमूलक कार्यक्रम अभिवृद्धि गरौं’ नाराका साथ कात्तिक ३ गतेदेखि महोत्सव सञ्चालन गरिएको हो । यसैबीच ‘पहिलो देउराली भोजपुर महोत्सव’ पनि सम्पन्न भएको छ । कोशी युवा क्लब तथा देउराली महोत्सव आयोजक मूलसमितिको आयोजनामा षडानन्द नगरपालिका– ११ र १२ मा दुई दिने महोत्सव आयोजना गरिएको थियो । स्थानीय कृषि उत्पादन, पशुजन्य उत्पादन तथा पर्यटकीय गन्तव्यको प्रचार प्रसार गर्न सहयोग पुगोस् भन्ने उद्देश्यले सो महोत्सव आयोजना गरिएको आयोजक संस्थाले जनाएको छ । (रासस)

ट्याग -  अलैंचीमा रोग

SUGGESTED ARTICLES

img
धेरै कर बुझाए बापत घोराही सिमेन्ट उद्योग सम्मानित  

सरकारले सात बर्ष अघि देखि राष्ट्रिय कर दिवस मनाउँदै आएको छ । सातौ राष्ट्रिय कर दिवस २०७५ का अबसरमा दाङको घोराही सिमेन्ट उद्योग समय मै र सबै भन्दा धेरै कर तिर्ने उद्योगका रुपमा सम्मानित भएको छ ।  सातौं कर सप्ताहका अवसरमा शनिबार काठमाडौंमा आयोजित विशेष समारोहमा उद्योगलाई सम्मान गरिएको हो ।


by Anu Rana | Nov 19

img