mobile

किसानहरूको चार करोड रुपियाँ अमिताभले तिरिदिए  

By Anu Rana on Nov 22,2018 - 10:19

बलिउडका बिग बी अमिताभ बच्चनले ३ सय ५० जनाभन्दा धेरै किसानको ऋण तिरिदिएका छन् । बच्चनले भारतको उत्तर प्रदेशको किसानको ऋण तिरिदिएका हुन् । यो खबर मंगलबार अमिताभले आफ्नो ब्लगमा उक्त जानकारी दिनुका साथै अमिताभले आफ्नो ब्लगमा यो पनि लेखेका छन् कि उनले हालसम्म उत्तर प्रदेशका १ हजार ३ सय ९८ जना किसानको सरकारी बैंकको ऋण तिरिदिएका छन् ।

उनले ऋण रकम बैंक अफ इण्डियाबाट एकमुष्ट रुपमा तिरिदिएको ब्लगमा लेखिएको छ । बैंकले ऋण चुक्ताको कागजपत्र अमिताभलाई दिएको छ जुन उनले किसानहरुलाई हस्तान्तरण गर्दैछन् ।

बैंकबाट दिइने किसानहरुको ऋण चुक्ता भएको कागजपत्र अमिताभ आफ्नै हातले उनीहरुलाई बुझाउन चाहन्छन् जसका लागि उनले सबै किसानहरुलाई मुम्बई ल्याउन रेलको डिब्बा नै रिजर्भ गरिदिएका छन् ।अमिताभले किसानहरुलाई २६ नोभेम्बरमा बैंकको कागजपत्र हस्तान्तरण गर्दै छन् ।

यसअघि पनि अमिताभले महाराष्ट्रका ३ सय ५० किसानको ऋण तिरेका थिए । साथै उनले सेनाका जवान परिवारलाई पनि आर्थिक सहायता गरेका थिए ।

अमिताभ अभिनित फिल्म ‘ठग्स अफ हिन्दोस्तान’ भने फ्लप भएको थियो । भारतमा उनी पछिल्लो समय ‘कौन बनेगा करोडपति’ का कारण पनि उत्तिकै लोकप्रिय छन् ।

भारतमा ऋण तिर्न नसकेका कारण बर्षेनी किसानहरुको आत्महत्या दर बढेसँगै पछिल्लो समय अभिनेता अमिताभले किसानहरुको यो समस्यालाई आफ्नो जिम्मेवारीका रुपमा लिंदै तिरिदि‌‌दै अाएका छन् ।

 

 

 

ट्याग -  किसानहरूको चार करोड रुपियाँ अमिताभले तिरिदिए   ,

SUGGESTED ARTICLES

img
लघु चलचित्र ‘अप्पन’ उत्कृष्ट

नेपाली सेनाद्वारा आयोजित २०७५ को लघु चलचित्र प्रतियोगितामा ‘अप्पन’ चलचित्र उत्कृष्ट घोषित भएको छ । प्रधानसेनापति पूर्णचन्द्र थापाले जङ्गी अड्डास्थित सभामण्डपमा आज साँझ आयोजित समारोहमा उक्त चलचित्रका निर्माता कृष्णकुमार महतोलाई नगद रु दुई लाखसहित प्रशंसापत्र प्रदान गर्नुभयो । प्रतियोगितामा गगनकुमार श्रेष्ठको ‘चाहना’ र प्रद्युम्न मिश्रको ‘हातेमालो’ चलचित्र क्रमशः दोस्रो र तेस्रो घोषित भए ।


by RSS | May 15

img