mobile

टी १० लिगमा सन्दीप को प्रभावकारी प्रदर्शन

By Anu Rana on Nov 25,2018 - 11:43

युनाइटेड अरब इमिरेट्स (युएई) मा जारी क्रिकेटको छोटो स्वरूपको प्रतियोगिता टी–१० क्रिकेट लिगमा नेपाली युवा बलर सन्दिप लामिछानेले आज दोस्रो खेलमा पनि आफूलाई प्रमाणित गर्दै विकेट लिन सफल भएका छन् ।

हिजो पहिलो खेलमै आफ्नो जादु देखाएका सन्दीपले आज सिन्धीसका ओपनर ब्याट्सम्यानलाई एन्टोन डेभिचलाई अर्धशतक बनाउन दिएनन् । डेभिचलाई सन्दीपले आफ्नो दोस्रो ओभरको तेस्रो बलमा व्यक्तिगत ४९ रनको अवस्थामा आउट पारे । आजको दुई ओभरमा सन्दीपले १४ रन दिएर एक विकेट लिए । सन्दीपले हिजो प्रतियोगिताको पहिलो खेलमा ३ विकेट लिएका थिए ।

नेपाली लेग स्पिनर सन्दीप लामिछानेले सारजहाँमा सञ्चालन भइरहेको टी–१० लिग क्रिकेट प्रतियोगितामा राम्रो प्रभाव पारेका छन् । केरला किंग्सबाट प्रतिनिधित्व गरिरहेका सन्दीपले दुई खेलमा चार विकेट लिइसकेका छन् ।

डिफेन्डिङ च्याम्पियनसमेत रहेको सन्दीपको टिम केरला नाईट्स इयान मोर्गनको कप्तानीमा मैदान उत्रिएको थियो। सन्दीपको टिममा क्रिस गेल, उपुल थारंगा, केरोन पोलार्ड जस्ता खेलाडीहरुको साथ रहेको छ।

टी–१० लिग खेल्न नेपाली लेग स्पिनर सन्दीप लामिछानेले आइतबार युएई गएका थिए। सन्दीपलाई गत महिना केरलाले ३० हजार अमेरिकी डलरमा ड्राफ्टमार्फत टिममा भित्र्याएको थियो।

पहिला ब्याटिङ गरेको सन्दीपको टिम केरला किंग्सले निर्धारित १० ओभरमा १०३ रन बनाएको थियो । १०४ रनको लक्ष्य लिएर मैदान आएको सिन्धले लगातार आक्रामक ब्याटिङ गरिरहेका बेला सन्दीपले केरलालाई पहिलो सफलता दिलाएका हुन् ।

सन्दीप म्यान अफ म्याच

केरलाले आफ्नो पहिलो खेलमा पोख्तोन्सविरुद्ध खेलेको थियो । पहिलो ब्याटिङ गरी पोख्तोन्सले ५ विकेट गुमाएर १ सय ९ रन बनाएको थियो । सन्दीपले पोख्तोन्सविरुद्ध कसिलो बलिङ गरेका कारण केरलाले सहज लक्ष्य पाएको हो । केरलाले २ विकेट गुमाएर लक्ष्य पूरा ग-यो । खेलमा सन्दीपले १७ रन खर्चेर महत्वपूर्ण ३ विकेट लिए । सन्दीपले आन्द्रे फ्रेचर, कोलिन इग्राम तथा मोहमद कलिमलाई क्रिजबाट हटाए ।

ट्याग -  टी १० लिगमा सन्दीप को प्रभावकारी प्रदर्शन ,  

SUGGESTED ARTICLES

img
शहीद स्मारक ए डिभिजन फुटबल–पुलिसद्वारा फेन्डस पराजित

शहीद स्मारक ए डिभिजन लिग फुटबल प्रतियोगिताअन्तर्गत आज भएको पहिलो खेलमा विभागीय टोली नेपाल पुलिस क्लबले फेन्डस क्लबलाई पराजित गरेको छ । ललितपुरको सातदोबाटोस्थित एन्फा (अखिल नेपाल फुटबल सङ्घ) कम्प्लेक्सको खेल मैदानमा भएको खेलमा पुलिसले फ्रेन्डसलाई ५–० को फराकिलो गोलअन्तरले पराजित गर्दै विजयी भएको हो । पुलिसका लागि पहिलो गोल अभिषेक रिजालले गरे ।


by RSS | Dec 14

img