mobile

जावाले भारतीय बजारमा तीन मोटरसाइकल सार्वजनिक  

By Anu Rana on Nov 28,2018 - 11:03

जावा मोटरसाइकल फेरि भारतीय बजारमा तीन मोटरसाइकल सार्वजनिक गरेको छ । सो मोटरसाइकल १५ नोभेम्बरमा लन्च गरिएको हो । सो मोटरसाइकल लन्चिङ गर्नु भन्दा पनि पहिले नै टेस्टिङको समयमा केही तस्बिर अनलाइनमा मर्फत सार्वजनिक भएको छ । साथै यसका कैयौं जानकारी समेत सार्वजनिक भएको छ ।

जावाको नयाँ बाइक रेट्रो स्टाइलिङ हुनेछ, जसको कारण सो बाइक रोयल इन्फिल्ड ३५० सँग प्रतिस्पर्धा हुने सम्भावना रहेको जानकारी मिडियाले दिएका छन् । सो बाइकमा रोयल इन्फिल्डको ६५० सीसीको बाइक जस्तै राउण्ड हेडल्याम्प रहेको छ ।

एक साताअघि टु–ह्वीलर निर्माता कम्पनी जावाले भारतीय बजारमा तीन मोटरसाइकल सार्वजनिक गरेको थियो । ४४ वर्षपछि चेक रिपब्लीकन कम्पनीको स्वामित्वनै भारतीय अटो टाइकुन आनन्द महिन्द्रले किनेर जावालाई संचालनमा ल्याएका हुन् ।

भारतीय बजारमा फर्किएको जावा कम्पनीले बजारमा ल्याएको मोटरसाइलको प्रत्यक्षरुपमा रोयल इनफिल्ड मोटरसाइकलसँग प्रतिस्पर्धा हुनेछ । यी दुई मोटरसाइकलमा दिइएका विशेषता यस्ता रहेका छन्-

इन्जिन

रोयल इनफिल्डको बुलेट बाइकमा सिङ्गल सिलिन्डर फोर–स्ट्रोक ट्वीन–स्पार्क एयरकुल्ड ३४६ सीसी इन्जिन लगाइएको छ । यसले १९ ।८ बीएचपी पावरकासाथै २८ एनएम–टर्क उत्पादन गर्छ । यसको इन्जिनमा फाइभ–स्पीड ट्रान्समिसन दिइएको छ ।

जावा मोटरसाइकलमा २९३ सीसी लिक्विड–कुल्ड सिङ्गल सिलिन्डर फोर–स्ट्रोक डीओएचसी इन्जिन दिइएको छ । यसले २७ बीएचपी पावरकासाथै २८ एनएम–टर्क उत्पादन गर्छ । यसको इन्जिनमा सिक्स–स्पीड गियरबक्स ट्रान्समिसन लगाइएको छ । इन्जिन पर्फमेन्सको हिसावले जावा पावरफुल देखिन्छ ।

डायमेन्सन

रोयल इनफिल्डमा १३७० मिलिमिटरको ह्वीलबेश लगाइएको छ भने सिटको उचाई ८०० मिलिमिटर रहेको छ । त्यस्तै, जावा मोटरसाइकलको ह्वीलबेश १३६९ मिलिमिटर रहेको छ भने सिटको उचाई ७६५ मिलिमिटर रहेको छ । उचाईमा रोयल इनफिल्ड बुलेट केही अग्लो देखिन्छ ।

ब्रेकिङ्ग फिचर

बुलेटको रियर र फ्रन्टको दुबैतर्फ ड्रम–ब्रेक्स लगाइएको छ । यसम एबीएसको विशेषता समेटिएको छैन तर, कम्पनीले आफ्ना सबै मोडलमा एबीएस दिन सुरु गरेको छ, संभवत अबको एक महिना भित्र यसमा पनि एबीएस सिस्टम दिइने छ ।

जावा मोटरसाइकलको फ्रन्टमा फ्लोटिङ्ग क्यालिपरकासाथै २८० मिलिमिटर डिस्क–ब्रेक लगाइएको छ । यसकासाथै मोटरसाइकलमा एबीएस विशेषता दिइएको छ । पछाडिको चक्कामा १५३ मिलिमिटरको ड्रम–ब्रेक लगाइएको छ ।

तौल

बुलेटको तौल १ सय ८३ किलोग्राम रहेको छ । यसमा १३.५ लिटर फ्यूल–ट्याङ्की रहेको छ । जावा मोटरसाइकलमा १४ लिटरको फ्यूल ट्याङ्की दिइएको छ । यसको तौल १७० किलोग्राम रहेको छ ।

तौलको हिसावमा करिब १३ केजी कम छ भने, फियुल ट्याङ्क क्षमता दुबैको झन्डै उस्तै रहेको छ ।

सन्पेन्सन

रोयल इन्फिल्ड बुलेटको फ्रन्टमा टेलिस्कोपिक हाइड्रोलिक–फोक्र्स र रियरमा ग्यासबाट चार्ज हुने ट्वीनशक–अब्जर्बस दिइएको छ । जावा मोटरसाइकलमा टेलिस्कोपिक हाइड्रोलिक–फर्क सस्पेन्सन लगाइएको छ । साथै, ट्वीन हाइड्रोलिक–शक–अब्जर्बस दिइएको छ ।

मूल्य

भारतीय बजारमा रोयल इन्फिल्ड बुलेटको मूल्य १ लाख ३४ हजार ६ सय ६७ रुपैयाँ रहेको छ भने जावा मोटरसाइकलको मूल्य १ लाख ६४ हजार भारु रहेको छ ।

नेपालको सम्बन्ध

नेपाली बजारमा रोयल इनफिल्ड बुलेटको बिक्री वितरण भइरहेको छ भने, जावा नेपाल आउने वा नआउने कुनै आधिकारीक जानकारी बताएका छैन । तर, महिन्द्रले आफ्ना सबै उत्पादन नेपाली बजारमा बिक्री वितरण गर्दै आएकाले यो बाइक पनि नेपाल आउने कुरामा भने कुनै शंका छैन ।

ट्याग -  जावाले भारतीय बजारमा तीन मोटरसाइकल सार्वजनिक  

SUGGESTED ARTICLES

img
नयाँ स्यान्ट्रो हुन्डाई नेपाल मा भित्रियो

नेपालको लागि हुन्डाई मोटरको एक मात्र आधिकारिक बिक्रेता लक्ष्मी इन्टरकन्टिनेन्टल प्रालिले फेमिली ह्याचब्याक गाडी दिअल न्यू स्यान्ट्रो हुन्डाई पुनः नेपाली बजारमा भित्र्याएको छ। बजारको बदलिँदो मागलाई ध्यानमा राखी मोर्डन र स्टाइलिस डिजाइन, आरामदायी र प्रिमियम क्यावेन, नयाँ युगको टेक्नोलोजी, ग्राहक केन्द्रित सुरक्षा र उत्कृष्ट परफोममेन्सका साथ ‘दि अल न्यु स्यान्ट्रो’ गाडी कम्पनीले पुन: नेपालमा भित्र्याएको जारी विज्ञप्तिमा छ । 


by Anu Rana | Feb 19

img