mobile

चिडियाखानामा ‘रिङ टेल्ड ल्युमर’

By RSS on Nov 28,2018 - 16:15

ललितपुरमा रहेको सदर चिडियाखानामा पहिलो पटक नयाँ जनावर रिङ टेल्ड ल्युमर अवलोकनका लागि राखिएको छ । गत शुक्रबारदेखि अवलोकनका लागि राखिएको जनावर यसअघि चिडियाखानामा नभएको चिडियाखानाका सूचना अधिकारी लिना पालिखेले जानकारी दिनुभयो । उहाँका अनुसार उक्त जनावर चिडियाखानालाई जिल्ला वन कार्यालय काठमाडौँले उपलब्ध गराएको हो । अफ्रिकी मुलुकमा पाइने यस जनावरको आयु १६ देखि १९ वर्षको रहेको छ । खैरो शरीर तथा कालो र सेतो रङ मिश्रित लामो पुच्छर भएको उक्त जनावर चिम्पाञ्जी प्रजातिमा पर्छ । 

पाँच वर्षको भाले–पोथी गरी एक जोडी जनावर अहिले चिडियाखानामा ल्याइएको हो । यस जनावरले विशेषगरी फलफूल र कीरा फट्याङ्ग्रा खाने गर्दछ । जनावरसँगै हाल चिडियाखानामा एक हजार २७ प्रजातिका एक हजार दुई १९ वटा जीव जनावर रहेका छन् । केही वर्षअघि करीब ८०० जीव जनावर रहेको यहाँ गत वर्ष धेरै चरा ल्याइएकाले सङ्ख्या बढेको पालिखेले बताउनुभयो । 

गत आर्थिक वर्षमा अवलोकनकर्ताबाट रु १४ करोडको आम्दानी गरेको चिडियाखानामा एक लाख स्वदेशी र विदेशी पाहुना जीव जनावर हेर्नका लागि आएका थिए । चिडियाखाना अवलोकनका लागि १२ वर्ष मुनिकाका लागि रु ५०, विद्यार्थीका लागि रु १००, सर्वसाधारणका लागि १५०, सार्क राष्ट्रका पाहुनाका लागि रु २२० र अन्य देशका नागरिकका लागि रु ७५० प्रवेश शुल्क तोकिएको छ । पछिल्लो समय काठमाडौँ उपत्यकामा खुला स्थानको अभाव तथा खुला ठाउँमा बस्तै जनावर हेर्न र विभिन्न खेलसमेत खेल्न पाइने भएको हुँदा अवलोकनकर्ता बढेको पालिखेको भनाइ छ । अघिल्लो आर्थिक वर्षमा अवलोकनकर्ताबाट रु १२ करोड आम्दानी गरिएको थियो । रासस

ट्याग -  चिडियाखाना

SUGGESTED ARTICLES

img
महजोडीलाई वसुन्धराश्री पुरस्कार

वसुन्धरा–मान प्रज्ञाप्रतिष्ठानले यो वर्षको ‘वसुन्धराश्री पुरस्कार’ कलाकार एवं हास्यव्यङ्ग्यकार मदनकृष्ण श्रेष्ठलाई प्रदान गर्ने निर्णय गरेको छ । हास्यव्यङ्ग्य, नाटक, चलचित्र र टेलिचलचित्रहरुको सिर्जना तथा अभिनयद्वारा नेपाली कला, रङ्गमञ्च र हास्यव्यङ्ग्य क्षेत्रलाई सार्थक, समृद्ध र समुन्नत बनाई नेपाली वाङ्मयलाई वैभवशाली तुल्याउन योगदान गरेबापत कलाकार श्रेष्ठलाई सम्मानपत्रसहित रु ५० हजार राशिको उक्त पुरस्कार प्रदान गर्ने निर्णय गरेको हो ।


by RSS | Apr 21

img