mobile

नेपाल र बंगलादेशबीच पनि अन्तरदेशीय प्रसारणलाइन  

By Anu Rana on Dec 05,2018 - 11:09

नेपाल र बंगलादेशबीचको ऊर्जा संयन्त्रको पहिलो बैठक सोमबारदेखि राजधानीमा शुरु भएको छ । नेपालको विद्युत् बंगलादेशको बजारमा लैजाने लक्ष्यका साथ बैठकको आयोजना गरिएको सरकारी अधिकारीले बताएका छन् ।

उक्त बैठक बाट नेपाल र बंगलादेश अन्तरदेशीय विद्युत प्रशारणलाइनको निर्माण प्रक्रिया अगाडि बढाउन सहमत भएका हो । काठमाडौंमा बसेको नेपाल-बंगलादेश उर्जा संयन्त्रको अन्तर्गतको सचिवस्तरीय ‘जोइन्ट स्टेरिङ कमिटी’को बैठकले दुई देशबीच प्रशारणलाइन निर्माण गर्न संयुक्त प्राविधिक टोली गठन -प्रशारण) गर्ने निर्णय गरेको छ ।

बैठकको कार्यसूचीअनुसार  बैठकमा केही महत्वपूर्ण विषयमा सहमति हुने समेत विश्वास गरिएको छ । तर, नेपाल र बंगलादेशले मात्रै सहमति गरेको भरमा नेपालको विद्युत् बंगलादेश जाला र नेपालले त्यसबाट फाइदा लिन सक्ला भन्ने विषयमा भने दुविधा कायमै रहेको छ । भारतले सहज रुपमा बाटो नदिँदासम्म नेपालको विद्युत् कुनै पनि हालतमा बंगलादेश जान सम्भव छैन, रहने पनि छैन ।

सचिवस्तरीय बैठकले दुई देशबीच विद्युत व्यापारको सम्भावना खोज्न योजनाको समीक्षा गर्ने र नेपालमा लगानी योग्य सम्भावित जलविद्युत आयोजनाहरुको सम्भाव्यता अध्ययन गर्न अर्को प्राविधिक टोली (उत्पादन) गठन गर्ने निर्णय पनि गरेको छ । यी दुवै टोलीमा दुवै देशका तीन-तीन सदस्य रहनेछन् । यी टोलीका सदस्यहरुको नाम एक महिनाभित्र दुवै देशले एक अर्कालाई उपलब्ध गराउनेछन् ।

बैठकमा भारत र बंगलादेशबीच रहेको यस्तै प्रकारको संयुक्त समितिको आगामी बैठकहरुमा अन्तरदेशीय प्रशारणलाइन सम्बन्धी त्रिपक्षीय व्यवस्था गर्न दुवै देशले प्राथमिकताका साथ भारतसँग विषय उठान गर्ने सहमति भएको छ ।

यस्तै सहसचिवस्तरीय ‘जोइन्ट वर्किङ ग्रुप’ले गरेको माथिल्लो कर्णाली जलविद्युत आयोजनाबाट बंगलादेशले आयात गर्ने विद्युत तथा दुई देशबीचमा नविकरणीय उर्जाको क्षेत्रमा सहयोग गर्ने सम्बन्धी निर्णयलाई अनुमोदन गरिएको छ ।

नेपालको तर्फबाट बैठकको नेतृत्व उर्जासचिव अनुपकुमार उपाध्याय र बंगलादेशका तर्फबाट उर्जासचिव अहमद काइकाउसले गरेका थिए ।

 

ट्याग -  नेपाल र बंगलादेशबीच पनि अन्तरदेशीय प्रसारणलाइन  

SUGGESTED ARTICLES

img
महानगरपालिकाले आवश्यक कर्मचारी अझै टुङ्गो लगाएन

ललितपुर महानगरपालिकाले आफूलाई कति कर्मचारी आवश्यक पर्छ भन्ने निर्णय अझै गर्न सकेको छैन । कर्मचारीको संरचना बन्न नसक्दा यहाँ कति कर्मचारी चाहिने भन्ने टुङ्गो लाग्न नसकेको हो । उपमहानगरपालिकाका कर्मचारी र अहिले जिल्लाका विषयगत कार्यालयबाट आएका कर्मचारी कार्यरत छन् । नेपाल सरकारका कर्मचारी समायोजन नभएकाले महानगरलाई कति कर्मचारी आवश्यक पर्छ भनेर तय हुन नसकेको प्रवक्ता राजु महर्जनले बताउनुभयो ।


by RSS | Today, 11:29 AM

img