mobile

पशु तथा कृषि बाली बीमासम्बन्धी प्रशिक्षण

By RSS on Dec 06,2018 - 16:34

सरकारले सञ्चालन गरेको पशु तथा कृषिबाली बीमासम्बन्धी कार्यक्रम सिरहामा खासै प्रभावकारी नभएपछि किसानलाई यसको महत्वबारे प्रशिक्षण दिइएको छ । 

पशु तथा कृषि बीमाको आवश्यकता, महत्व र कृषिबालीमा लाग्ने रोग कीराको बारेमा जानकारी गराउने उद्देश्यले किसानलाई प्रशिक्षण दिइएको हो । कृषि विकास शाखा सिरहाको आयोजनामा लहानमा सञ्चालन गरिएको तीन दिने सो तालीममा २५ अगुवा किसानको सहभागी थियो । सिरहामा पशु तथा कृषि बालीको बीमा गर्दै आएका लुम्बिनी जेनेरल इन्सुरेन्स कम्पनी लहान शाखा प्रमुख अनिल यादवले बीमाको आवश्यकता, बीमाबाट हुने फाइदा बेफाइदालगायत विषय वस्तुको बारेमा प्रशिक्षण दिनुभएको थियो । जिल्लामा पशुको बीमा भइरहे पनि कृषि बालीको नभएकाले किसानलाई यसबारे प्रशिक्षण आवश्यक भएको यादवले बताउनुभयो । कृषि विकास शाखा संयोजक प्रदीप चौधरीले कृषकलाई कृषि तथा बाली बीमासम्बन्धी आधारभूत ज्ञान, बीमा गराउने प्रक्रिया, बीमा दाबी गर्न चाहिने कागजात, बीमा गर्दा लाग्ने शुल्क तथा रकम फिर्ता हुने नहुनेबारे जानकारी गराउन तालीम सञ्चालन गरिएको बताउनुभयो । 

कृषकलाई समयमा बीउ, मल, अनुदानमा उपलब्ध गराउन नगरपालिकाले ध्यान दिनुपर्नेमा जोड दिँदै तालीममा सहभागी किसानले कृषि उपजको उचित मूल्यसहित बजार व्यवस्थापन गर्नुपर्ने बताउनुभएको थियो । सो अवसरमा लहान नगरपालिकाका उपप्रमुख सरियार चौधरीले साना महिला किसानलाई सामूहिक खेती गराई जीविकोपार्जनमा सहयोग हुने गरी कार्यक्रम सञ्चालन गर्ने बताउनुभयो । लहानको खुट्टीखोलालाई कृषकको आवश्यकताअनुसार पानी भण्डारण गरी सहज तरिकाले खेतीसम्म पु¥याउने, कृषक समूह विस्तार गर्ने, निर्वाहमुखी खेतीबाट व्यावसायिक खेतीको विस्तार, सामूहिक र करार खेती गर्ने कृषक समूहलाई नगरपालिकाको सम्बन्धित वडाबाट अनुदानको व्यवस्था मिलाउने उपप्रमुख चौधरीले उल्लेख गर्नुभयो । (रासस)

ट्याग -  प्रशिक्षण

SUGGESTED ARTICLES

img
जनताको आर्थिकवृद्धिमा सरकार कटिवद्ध ः मन्त्री महासेठ

भौतिक पूर्वाधार तथा यातायातमन्त्री रघुविर महासेठले तराई मधेशमा जनताको आर्थिकस्तर वृद्धि गर्न सरकार कटिवद्ध रहेको बताउनुभएको छ । सिरहाको कर्जन्हास्थित फुलकुमारी महतो स्कुल गेटदेखि उत्तरवाहिनी सडक कालोपत्रे योजना र बन्दिपुर–बस्तीपुर कर्जन्हा बजार अस्पताल मनहर्वा कालोपत्रे सडक योजनाको शनिबार शिलान्यास गर्नुहुँदै मन्त्री महासेठले तराई मधेशका जनताको आर्थिकस्तर उकास्दै विकासको लहर ल्याउन सरकारले योजनाअघि सारेको चर्चा गर्नु भयो ।


by RSS | Apr 21

img