mobile

काठमाडौं महानगरका सबै विद्यालयमा एकै प्रकारको पोशाक लागू  

By Anu Rana on Dec 06,2018 - 19:48

अधिकाम्स सामुदायिक र संस्थागत विद्यालयको अवस्था हेर्दा आकास जमिनको फरक देख्न सकिन्छ । शिक्षा गुणस्तरमात्र हैन विद्यार्थीको पोषाक, पाठ्यपुस्तक मात्र हैन धेरै कुरामा फरक देखिन्छ । तर काठमाडौं महानगरपालिकाले भने पोशाककै कारण समाजमा विभेद भएको भन्दै सामुदायिक र संस्थागत विद्यालयमा विद्यार्थीका लागि एकै प्रकारको पोशाक लागू गर्ने भएको छ ।

महानगरको शिक्षा विभागले  ‘महानगरीय शिक्षा रुपान्तरण अभियान सुधार सोच’ कार्यक्रमअन्तर्गत सामुदायिक र संस्थागत विद्यार्थीको पोशाकमा एकरुपता ल्याउनका लागि एकै प्रकारको पोशाक लागू गर्ने तयारी गरेको विभागका शिक्षा अधिकारी सीताराम कोइरालाले जानकारी गराए ।

‘विदेशका महानगरमा रहेका विद्यालयको पोशाक एउटै हुन्छ’, उनले भने, ‘हामीले पनि एउटै प्रकारको पोशाक लगाएर महानगरका विद्यालयमा एकरुपता ल्याउन थालेका हौँ ।’ 

महानगरभित्रका सबै विद्यालयमा तीन र चार वर्षभित्रमा एउटै पोशाक बनाउने लक्ष्य रहेको उनले बताएकह हुन ।

विभागले यसका लागि शिक्षक, संस्थागत विद्यालय सञ्चालक र विद्यार्थीका संघ संगठन र अभिभावकसँग छलफल, अन्तक्रिया गरी पोशाक कस्तो बनाउने भन्ने निर्णय गर्ने छ । योसागै महानगरले विद्यालयको बिदामा समेत एकरुपता ल्याउन लागेको छ । यसका लागि शैक्षिक क्यालेण्डर लागू गर्ने भएको छ ।

आगामी शैक्षिक सत्रदेखि विदेशी कूटनीतिक नियोगबाट सञ्चालन भएका विद्यालयबाहेकका सबै प्रकारका विद्यालयमा एकै दिन विद्यालय खुल्ने र एकै दिन बिदा हुने गरी क्यालेण्डर ल्याउन थालिएको शिक्षा अधिकारी कोइरालाले जानकारी हुन्।

 

ट्याग -  काठमाडौं महानगरका सबै विद्यालयमा , काठमाडौं महानगरका सबै विद्यालयमा

SUGGESTED ARTICLES

img
सामुदायिक विद्यालयमा सुधार

जिल्लाका सामुदायिक विद्यालयको पठनपाठनमा सुधार आएको छ । स्थानीय तह र गैरसकारी संस्थाको समन्वयमा विभिन्न शैक्षिक कार्यक्रम सञ्चालन भएपछि शैक्षिक अवस्थामा सुधार आएको हो । पढाइ राम्रो हुँदैन, शिक्षक योग्य हुँदैनन् भन्ने सोचले यहाँका अभिभावक छोराछोरीलाई निजी विद्यालयमा पढाउँदै आएका थिए । विद्यालयमा हिजोआज विद्यार्थीको सङ्ख्या बढ्दै गएको छ । जिल्लामा १७० सामुदायिक विद्यालय छन् ।


by RSS | May 21

img