mobile

व्यासप्रज्ञा स्मारिका विमोचन

By RSS on Dec 09,2018 - 16:07

वेद अनुयायी प्रतिष्ठान नेपाल तनहुँले प्रकाशित गरेको ‘व्यासप्रज्ञा’ स्मारिकाको आज विमोचन गरिएको छ । प्रतिष्ठानले २०७४ कात्तिक १ गतेदेखि २०७५ वैशाख १ गतेसम्म आयोजना गरेको १८ महीने अखण्ड हरिकीर्तन र गत कात्तिक १ गतेदेखि ३० गतेसम्म आयोजना गरेको महामिलन पर्वको गतिविधिलाई समेटेर ‘व्यासप्रज्ञा’ स्मारिका प्रकाशन गरेको हो ।


स्मारिकाको विमोचन गर्दै नेपाल संस्कृत विश्वविद्यालय सेवा आयोगका अध्यक्ष प्रा डा वेणीमाधव ढकालले वेदव्यासको अनुपम प्रज्ञा र प्राज्ञिक योगदानको प्रचारप्रसारका लागि स्मारिकाले सहयोग पुग्ने विश्वास व्यक्त गर्नुभयो । 

भारतीय उपमहाद्वीप र विश्वका धेरै ठाउँमा आफ्नो ज्ञान गरिमाका कारण प्रसिद्ध भएका नारायण अंशावतार महर्षि वेदव्यासको उनकै जन्मभूमि नेपालमा अपेक्षित प्रचारप्रसार नहुनु दुःख लाग्दो विषय भएको उहाँको भनाइ थियो । व्यासदेवको अवतरण, तपस्या, ज्ञानप्राप्ति, शताधिक ज्ञानपुञ्ज कृतिहरूको रचना, वेदव्यासका सन्देश र सदाचार, सद्विचार उपदेशको प्रचारप्रसार गर्ने उद्देश्यले स्मारिका प्रकाशन गर्नु अत्यन्तै सकारात्मक कार्य रहेको ढकालले बताउनुभयो । 

व्यास नगरपालिकाका प्रमुख वैकुण्ठ न्यौपानेले व्यासभूमिको विकास र प्रचारप्रसारका लागि नगरपालिकाको तर्फबाट सहयोग रहने प्रतिबद्धता जनाउनुभयो । उहाँले धार्मिक, सांस्कृतिक र प्राकृतिक पर्यटनको माध्यमबाट व्यासभूमिको विकासका लागि नगरपालिकाले योजना बनाएको समेत बताउनुभयो । 

प्रमुख जिल्ला अधिकारी भरतकुमार शर्माले स्मारिकाले व्यास क्षेत्रको प्रचारप्रसारका लागि सहयोग पु¥याउने विश्वास व्यक्त गर्नुभयो । व्यास जन्मभूमिको विकास र प्रचारप्रसारका लागि स्थानीयवासीको सक्रियता निकै सकारात्मक रहेको भन्दै उहाँले अध्ययन केन्द्र निर्माण गर्न सुझाव दिनुभयो । 
व्यासभूमिमा भएका विषयवस्तुलाई समावेश गरी यसको वास्तविक पहिचान पाठक समक्ष पु¥याउनुका साथै वैदिक सनातन धर्म संस्कृतिको संरक्षण एवं संवद्र्धनमा सहयोग पु¥याउने उद्देश्यले विशिष्ट विद्वानहरूको खोजपूर्ण लेख रचना समावेश गरी स्मारिका प्रकाशन गरिएको प्रतिष्ठानका जिल्ला अध्यक्ष कृष्णकान्त काफ्लेले जानकारी दिनुभयो । 

पुस्तकमाथि टिप्पणी गर्दै महेश संस्कृत गुरुकूल देवघाटका सहप्राध्यापक डा गुरुप्रसाद सुवेदीले पुस्तकमा १० वटा लेख व्यासको बारेमा र ८ वटा लेख व्यासभूमिको प्रचारप्रसारका लागि लेखिएको जानकारी दिनुभयो । (रासस)

ट्याग -  व्यास , प्रज्ञा स्मारिका विमोचन

SUGGESTED ARTICLES

img
बौद्धबाट सात जुवाडे पक्राउ

महानगरीय प्रहरी वृत्त बौद्धले शनिबार साँझ बौद्ध फूलबारीबाट रु २ लाख ९८ हजारसहित सात जुवाडे पक्राउ गरेको छ । काठमाडौँ महानगरपालिका–६ बौद्ध फूलबारीस्थित छेदेन लामाको घर भाडामा बस्दै आएका तेन्जिङ शेर्पाले सञ्चालन गर्दै आएकोे भन्ने गोप्य सूचनाका आधारमा प्रहरी टोलीले पक्राउ गरेको महानगरीय प्रहरी वृत्त बौद्धका प्रहरी नायब उपरीक्षक नरेन्द्र चन्दले जानकारी दिनुभयो । 


by RSS | Today, 12:28 PM

img