mobile

जापानी कार कम्पनी निशानले डेढ लाख कार फिर्ता गर्ने

By Anu Rana on Dec 10,2018 - 17:40

जापानी कार कम्पनी निशानले आफ्ना नयाँ उत्पादनमा हुनुपर्ने सबै परीक्षण नभएको भन्दै बजारमा पठाएका करिब डेढ लाख कारलाई फिर्ता लिने तयारी भएको छ ।

कम्पनीले विज्ञप्ती मार्फत बजारमा रहेका डेढ लाख कार पुन फिर्ता लिई अनुसन्धानको प्रक्रिया अगाडि बढाउने जानकारी दिएको हो । कम्पनीद्धारा जारी विज्ञप्तीमा भनिएको छ, ‘निशान माेटर्सद्धारा उत्पादन भई प्रक्रियागत रुपमा मापदन्ड पुरा नभएका कार बजारमा पुगेको छ । हामी तत्काल कार फिर्ता लिई आवश्यक अनुसन्धान गर्ने तयारीमा छौं । अनुमानित हिसाबमा संसारका विभिन्न अटो बजारबाट झन्डै डेढ लाख कार फिर्ता लिन सक्नेछौं ।’ 

निशान कार कम्पनीले घरेलु ‘एसेम्वली प्लान्ट’ मा निर्मित आफ्ना कतिपय सवारी साधनका ब्रेक, गति नाप्ने मिटर र अन्य केही प्रणालीको परीक्षण नभई बजारमा पठाएको पाइएको पुष्टि गरेको छ ।

निशान कम्पनीले फिर्ता लिने भएको उक्त कार सन् २०१७ को नोभेम्बरदेखि २०१८ को अक्टुवर बिचमा उत्पादन भएको हो । कम्पनीको घरेलु ‘एसेम्बली प्लान्ट’मा निर्माण भएको ती कारको स्पिड, सुरक्षा, ब्रेक, पफर्मेन्स लगायतका प्रणालीको परिक्षण नभएको पाइएको छ । कम्पनीले सो समयमा बनेका लिफ, मार्च, क्युब, नोट लगायतकाविभिन्न १० ओटा मोडलका डेढ लाख कार  फिर्ता लिने घोषणा गरिसकेको छ  ।  

कम्पनीका उपाध्यक्ष सेइजी होन्दाले समस्या सिर्जना भएका गाडिको आन्तरिक चेकजाँच गर्नुका साथै नियमनकारी निकायमार्फत पुन परिक्षण गरि बजारमा पठाइने बताएका छन ।‘समस्या देखा परेका कारको परिक्षण र सफल अनुसन्धान पछि मात्रै बजारमा निर्यात गर्नेछौं । ग्राहकको मन जित्न कम्पनीले सक्दोे प्रयास गर्ने छ’ होन्दाले विज्ञप्तीमा भनेका छन् ।

आर्थिक हिनामिनाको आरोपमा पक्राउ परेका कम्पनीका पुर्वअध्यक्ष कार्लोस गोसनले आफ्नो  कार्यकालमा मूल्य कटौती गरी कार निर्यात गर्ने क्रममा, परीक्षणमा त्रुटि भएको हुन सक्ने आशंका व्यक्त गरे । हालका वर्षमा विभिन्न समस्याले घेरिएकाे  कम्पनीलाई यस घटनाले थप समस्या सिर्जना गरिदिएको छ ।

‘उक्त कारण समस्या सिर्जना भएको हो वा होइन परिक्षण भैरहेको छ । वास्तविक कुरा पत्ता लागेपछि जानकारी गराउँने छौं’ होन्दाले भने । निशानका अध्यक्ष रहेकै समय आन्तरिक आर्थिक अनियमितताको आरोपमा पक्राउ परेका गोसन र उनका सहयोगी कर्मचारीलाई कम्पनीले जिम्मेवारीबाट मुक्त गरेको छ । यद्यपि गोसनले भने आफूमाथि लागेको आरोप निराधार रहेको भन्दै खण्डन गर्दै आएका छन्।

ट्याग -  जापानी कार कम्पनी निशानले डेढ लाख कार फिर्ता गर्ने

SUGGESTED ARTICLES

img
शेयर बजार : दुई अङ्कले घट्यो

शेयर बजारमा आज कारोवार मापक नेप्से परिसूचक सामान्य अङ्कले घटेको छ । नेपाल स्टक एक्सचेञ्जका अनुसार नेप्से परिसूचक २.२९ अङ्कले घटेर एक हजार ३१८.७१ बिन्दुमा झरेको छ । यस्तै ठूला कम्पनीको शेयर कारोवार मापन गर्ने सेन्सेटिभ परिसूचक ०.८१ अङ्कले घटेर २८१.४४ बिन्दुमा झरेको छ ।


by RSS | May 16

img