mobile

चालक अनुमतिपत्र : प्रविधिले समस्या

By RSS on Dec 11,2018 - 18:05

यातायात व्यवस्था कार्यालय एकान्तकुनामा चालक अनुमतिपत्रमा प्रविधिका कारण सेवाग्राहीले समस्या भोग्नुपरेको छ ।

प्रविधिले समस्या आउँदा सेवाग्राहीलाई असुविधा भएको सो कार्यालयका शाखा अधिकृत रमेश पौडेलले बताउनुभयो । उत्तीर्ण अनुत्तीर्णबारेको अभिलेख ढड्डा र सर्भरमा एकरुपता नहुँदा समस्या देखिएको हो । उहाँले भन्नुभयो, “यी सबै गल्ती सच्याउनै पर्ने हुँदा समय लाग्छ ।” चालक अनुमतिपत्रमा पहिले एउटा समूहमा रहेको सवारीलाई अहिले अर्काे समूहमा राखिएको छ । पहिले अन्य समूहमा राखिएको गह्रौँ सवारी (हेभी)लाई अहिले छुट्टै समूहमा राखिएको छ । 

केही दिनपहिले सवारी चालक अनुमतिपत्र नवीकरणका लागि सेवाग्राही आउँदा एउटा समूहबाट अर्काेमा नवीकरण गर्न शाखा अधिकृत पौडेलले यहाँबाट सक्नुभएन । यी सबै समस्यामा कार्यालयले सेवाग्राही विभाग पठाउँछ । उहाँले भन्नुभयो, “यहाँबाट समाधान नहुने समस्या विभागमा नै पठाउनुपर्ने अवस्था छ ।” 

कार्यालयमा अहिले कार्यरत कर्मचारीमध्ये तीन जनाले मात्रै सर्भरको प्रयोग गर्छन् । त्यसमा देखिएको समस्या तीनै कर्मचारीले समाधान निकाल्न नसकेपछि विभाग पठाउने गरिएको छ । 
नीतिगत रुपमा कार्यालय प्रदेश मातहतमा गए पनि व्यावहारिकरुपमा गएको छैन । प्रविधि हस्तान्तरण नहुँदा सामान्य समस्या आउँदासमेत सेवाग्राही विभागनै पठाउनुपरेको कर्मचारी बताउँछन् । (रासस)

ट्याग -  चालक अनुमतिपत्र

LATEST NEWS

SUGGESTED ARTICLES

img