mobile

समाजमा हुने भ्रष्टाचार ‘सय कडा १०’ मा

By RSS on Dec 12,2018 - 13:44

समाजमा व्याप्त भ्रष्टाचारजन्य गतिविधिलाई प्रस्तुत गर्दै त्यसको न्यूनीकरणमा सहयोग पु–याउने लक्ष्यका साथ ‘सय कडा १०’ चलचित्र निर्माण हुने भएको छ । 

आगामी माघ १८ गते प्रदर्शनमा ल्याउने गरी चलचित्र निर्माण कार्य अघि बढिरहेको आज यहाँ आयोजित पत्रकार सम्मेलनमा चलचित्रका लेखक एवं निर्देशक रामशरण पाठकले जानकारी दिनुभयो । “युवालाई नेपाल र नेपाली माटो बुझाउँदै समाजमा व्याप्त भ्रष्टाचारले पारेको प्रभावलाई चलचित्रमार्फत देखाउन खोजेका छौँ,” उहाँले भन्नुभयो । चलचित्रको कथा लेखन गर्नुभएकी रञ्जु प्रधानले नेपाली युवामा विदेश जाने र त्यहीँ हराउने प्रवृति बढिरहेको बताउँदै भ्रष्टाचार नहुने हो भने युवा पलायन रोकिने बताउनुभयो । 

शिक्षा नैतिकता र स्वच्छ चरित्र निर्माण गर्ने खालको हुनुपर्ने बताउँदै उहाँले समाजका यिनै बेथिति र यसले पारेको नकारात्मक असर चलचित्रमा देखाइने बताउनुभयो । लगभग रु एक करोड ६० लाखको लागतमा तयार हुने अनुमान गरिएको चलचित्रमा मनोज गजुरेल, राजाराम पौडेललगायतका कलाकारको भूमिका रहने पत्रकार सम्मेलनमा जानकारी दिइयो । भ्रष्टाचार समाज एवं राष्ट्र विकासको बाधक भएको बताउने सामाजिक अभियन्ता मञ्जु क्षेत्रीले चलचित्रले सामाजिक सचेतनामा महत्वपूर्ण योगदान पु–याउने विश्वास व्यक्त गर्नुभयो । (रासस)

ट्याग -  भ्रष्टाचार

SUGGESTED ARTICLES

img
रामपुर उपत्यकामा प्याराग्लाइडिङ

पाल्पाको रामपुरमा प्याराग्लाइडिङको सफल उडान गरिएको छ । प्याराग्लाइडिङले प्रचुर सम्भावना बोकेको रामपुर नगरपालिका–७ स्थित बाहुनडाँडामा सोमबार सफल परीक्षण उडान गरिएको हो । रामपुर नगरपालिका–७ को बाहुनडाँडा र पूर्वखोला गाउँपालिका–१ सिलुवाको लोस्दीबाट परीक्षणका रुपमा १६ प्याराग्लाइडिङ उडान गरिएको थियो । पहिलो उडान बााहुनडाँडाबाट थालेर किसानबारी खेलमैदानमा अवतरण गराइएको थियो ।


by RSS | Jan 15

img