mobile

चिलिमे जलविद्युत् कम्पनीले २५ प्रतिशत लाभांश दिने

By RSS on Dec 12,2018 - 13:55

चिलिमे जलविद्युत् कम्पनीले आर्थिक वर्ष २०७४÷७५ को मुनाफाबाट २५ प्रतिशत लाभांश दिने भएको छ । 

कम्पनीको आज बसेको सञ्चालक समितिको बैठकले सो आवको सञ्चित मुनाफाबाट चुक्ता पूँजीको पाँच प्रतिशत नगद लाभांश र २० प्रतिशत शेयर लाभांश दिने निर्णय गरेको हो । कम्पनीले अघिल्लो वर्ष १५ प्रतिशत शेयर लाभांश र १० प्रतिशत नगद लाभांश दिएको थियो । सञ्चालक समितिको उक्त प्रस्ताव आगामी वार्षिक साधारणसभाबाट पारित भएपछि वितरण गर्ने कम्पनीले जनाएको छ । कम्पनीले उक्त जानकारी नेपाल स्टक एक्सचेञ्जलाई गराएको छ । 

कम्पनीले रसुवामा २२ मेगावाट क्षमताको चिलिमे जलविद्युत् आयोजना सञ्चालन गरिरहेको छ । यस्तै सोही कम्पनीका सहायक कम्पनीले अन्य चार आयोजना निर्माण गरिरहेको छन् । ती आयोजनामा माथिल्लो साञ्जेन, साञ्जेन, रसुवागढी र मध्यभोटेकोशी रहेका छन् । यस्तै नेपाल स्टक एक्सचेञ्जले आज मञ्जुश्री फाइनान्स लिमिटेडको कारोवारमा रोक लगाएको छ । केही विषयमा सोधपुछ गर्नुपर्ने भएकाले कारोवारमा रोक लगाइएको स्टकले जनाएको छ । यस्तै स्टकले आजै कर्पोरेट डेभलपमेन्ट बैंकको लिमिटेडको कारोवार खुल्ला गरेको छ । यस्तै स्टकमा आज सोल्टी होटल लिमिटेडको शेयर मूल्य समायोजन भएको छ । कम्पनीले १० प्रतिशत शेयर लाभांश दिने घोषणा गरेसँगै शेयर मूल्य रु २१२ हुने गरी समायोजन गरेको हो । कम्पनीको औसत आधार मूल्य रु २५५ रहेको छ । (रासस)

ट्याग -  लाभांश

SUGGESTED ARTICLES

img
डलर सटहीमा कडाइ

अमेरिकी डलर महँगो बन्दै गएका बेला मुलुकमा यसको सञ्चिति घटेपछि सरकारले विदेश जाने नेपालीलाई डलर सटहीमा कटौती गरेको छ । चालु आर्थिक वर्षको पाँच महिना मै विदेश जाने नेपालीले ४१ अर्ब ३३ करोड रुपैयाँ बराबरको अमेरिकी डलर बाहिरिएपछि राष्ट्र बैंकले सटही सुविधामा कटौती गरेको हो । यही अवधिमा विदेशीले ३१ अर्ब ८८ करोड रुपैयाँ बराबरको डलर नेपाल भित्र्याएका छन् ।


by Anu Rana | Jan 21

img