mobile

फुटबल अवार्डको मनोनयन

By RSS on Dec 13,2018 - 11:39

नेपाली राष्ट्रिय फुटबल टोलीका गोलकिपर किरणकुमार चेम्जोङ माल्दिभ्स फुटबल अवार्डको मनोनयनमा परेका छन् ।
माल्दिभ्स फुटबल डटकम र फुटबल एशोसियशन अफ माल्दिभ्सले संयुक्त रुपमा सार्वजनिक गरेको वर्षको उत्कृष्ट तीन गोल किपरको मनोनयनमा नेपाली गोलरक्षक किरण परेका हुन् । आगामी पुस ३ गते उक्त अवार्डको विजेता घोषणा गरिनेछ । 

किरण टिसी स्पोटर्स क्लबबाट माल्दिभ्सको राष्ट्रिय लिग खेल्दै आएका छन् । उनकै टोलीले यस वर्षको लिग जितेको छ । उनीसँग मोहम्मद फैसल र सुजन परेरासमेत मनोनयनमा परेका छन् । क्लबलाई लिग जिताउन महत्वपूर्ण भूमिका खेलेका कारण उनलाई मनोनयनमा राखिएको आयोजकले जनाएको छ । यसअघि नेपाली डिफेन्डर रोहित चन्दले पनि यसै हप्ता इण्डोनेसियामा उत्कृष्ट खेलाडीको अवार्ड जित्न सफल भएका थिए । (रासस)

ट्याग -  फुटबल अवार्ड

SUGGESTED ARTICLES

img
मैत्रीपूर्ण खेलमा नेपाल–कुबेत भिड्दै

अन्तर्राष्ट्रिय मैत्रीपूर्ण खेलमा नेपाली राष्ट्रिय पुरुष फुटबल टोलीले आज कुवेतसँग प्रतिस्पर्धा गर्दैछ । दुई मैत्रीपूर्ण खेल खेल्न कुबेत पुगेको नेपाली टोलीले आज पहिलो खेल खेल्न लागेको हो । नेपाल पहिलो खेल जित्ने लक्ष्यसहित मैदान उत्रदै छ । नेपाली टोलीको मुख्य प्रशिक्षकको जिम्मेवारी सम्हालेयता योहान कालिनको यो पहिलो हो । 


by RSS | Mar 21

img