mobile

महानगरीय प्रहरी प्रभाग कुपण्डोलको उद्घाटन

By RSS on Dec 13,2018 - 11:46

महानगरीय प्रहरी कार्यालय रानीपोखरीका प्रमुख तथा प्रहरी नायब महानिरीक्षक शैलेश थापा क्षेत्रीले महानगरीय प्रहरी प्रभाग कुपण्डोलको उद्घाटन गर्नुभएको छ । नवनिर्मित भवन ललितपुर महानगरपालिका वडा नं १० कार्यालय तथा स्थानीयवासीको आर्थिक सहयोगमा निर्माण भएको हो । भवनको लागत रु २५ लाख २९ हजार १६० रहेको निर्माण समितिले बताएको छ । प्रहरी नायब महानिरीक्षक क्षेत्रीले सेवाग्राहीलाई चाँडो सेवा दिन प्रहरी कर्मचारीलाई निर्देशन दिनुभयो । उहाँले भन्नुभयो, “कार्यालय आइपुग्नासाथ सेवाग्राहीको कुरा बुझेर काम गर्नुपर्छ ।” 

यो कार्यालय विसं २०३७ मा अस्थायी प्रहरी विटका रुपमा स्थापना भएको थियो । विसं २०७२ मा विट महानगरीय प्रहरी प्रभागका रुपमा स्तरोन्नति भएको हो । भवन अभावका कारण प्रभागले टिनको टहराबाट सेवा दिन बाध्य भएको थियो । प्रभागमा अहिले प्रहरी निरीक्षकको नेतृत्वमा १५ जना प्रहरी कर्मचारी कार्यरत छन् । (रासस)

ट्याग -  महानगरीय प्रहरी प्रभाग , उद्घाटन

SUGGESTED ARTICLES

img
रावाखोला जलविद्युत् आयोजना ८० प्रतिशत सम्पन्न

केपिलासगढी गाउँपालिकाको सुङ्देलबाट उत्पादन गर्न लागिएको माथिल्लो रावाखोला साना जलविद्युत् आयोजनाको काम ८० प्रतिशत सम्पन्न भएको जनाइएको छ । राष्ट्रिय वाणिज्य बैंकको ७० र प्रवद्र्धक रावा इनर्जी डेभलपमेन्ट प्रालिको ३० प्रतिशत लगानीमा उत्पादन हुने तीन मेगावाट क्षमताको साना जलविद्युत् आयोजनाको काम ८० प्रतिशत सम्पन्न भएको जनाइएको छ ।


by Raj Kapali | Jan 22

img