mobile

र्तीथालुले भरिए धार्मिक पीठ

By RSS on Jan 14,2019 - 11:37

जिल्लाका फरक ‘विश्वास’ बोकेका बाह्रकुने दह र देउखुरीको बगरबाबा रिहार र छिमेकी जिल्ला प्युठानको ऐतिहासिक एवं धार्मिक पर्यटकीयस्थल स्वर्गद्धारीसम्म जाने आन्तरिक र बाह्र पर्यटक बढेका छन् । 

गुण्टा कुम्ला बोकी तीर्थ निस्केकाको भिडले सडकै भरिएको छ । पर्यटक लेखेका नेपाली नम्वर र भारतीय गाडीको समेत यहाँ बाक्लो उपस्थिति देखिएको छ । सडकदेखि मुख्य बजार र तीर्थस्थलमा घुइँचो लागेको छ । आन्तरिकसँगै छिमेकी देश भारतबाट समेत भक्तजन दर्शन र मनोकांक्षा पूरा गर्न आएका छन् । उनीहरूले माघे सङ्क्रान्तिमा दह र रिहारमा धार्मिक तिर्थाटन गर्ने गरेका छन् भने धेरै भारतीय पर्यटकका लागि अहिले स्वर्गद्धारी प्रमुख धार्मिक रोजाइको पीठ बनेको छ । विशेष गरेर दाङका विभिन्न तीर्थस्थलमा आजदेखि माघ १ गतेसम्म भक्तजन र सर्वसाधारणको भीड लाग्ने गरेको छ । बाह्रकुने दहमा भेडा, कुखुराको बलि दिनेको पनि भीड लाग्ने गरेको छ । 

रिहारको दहमा तातोपानी रहेकाले तातोपानीमा नुहाउदा चर्म रोग निको हुने विश्वासका कारण पनि धेरै भारतीय पर्यटक त्यहाँ आउने गरेका छन् । माघे सङ्क्रान्तिमा लाखौँले रिहारको तातोपानी र दहमा स्नान गर्दै आएको स्थानीय समाजसेवी रेशमबहादुर खड्काले बताउनुभयो । बराह मन्दिर व्यवस्थापन समितिका अनुसार सयौँ दर्शनार्थीले मन्दिर र तालको दर्शन गर्छन् । त्यो मन्दिरमा चिच्याएर भाकल गर्ने विश्वास छ र त्योअनुसार नै भाकल गर्ने चलन छ । रिहारमा बगर बाबा, ब्राह, शिव मन्दिर र तातो पानीको कुण्ड छ । त्यहाँ स्नान गरेमा मनोकामना पूरा हुने, निःसन्तानले सन्तान पाउने र चमर रोग निको हुने धार्मिक विश्वास छ । (रासस)

ट्याग -  र्तीथालु

SUGGESTED ARTICLES

img
७२ वर्षमा नागरिकता

रुकुम पश्चिमको चौरजहारी नगरपालिकाको एक महिलाले ७२ वर्षको उमेरमा नागरिकताको प्रमाणपत्र बनाउनुभएको छ । जिल्ला प्रशासन कार्यालयले नगरपालिकाको वडा नम्बर ११ स्थित टाटामा सञ्चालन गरेको शिविरमा राज्यले उपलब्ध गराउने विभिन्न सेवा सुविधाबाट बञ्चित भएपछि वडा नम्बर ६ की ढुरल्या बोहराले बल्ल ७२ वर्षको उमेरमा नागरिकताको प्रमाणपत्र बनाउनुभएको सहायक प्रमुख जिल्ला अधिकारी शेरबहादुर पुनले जानकारी दिनुभयो ।


by RSS | May 21

img