mobile

सैलिशा रामपुर नृत्य आइडल

By RSS on Jan 23,2019 - 13:26

दोस्रो रामपुर नृत्यु आइडलको उपाधि सैलिशा रानाले जित्नुभएको छ । सहभागी २७ जनालाई उछिन्दै राना नृत्य आइडल बन्नुभएको हो । 

उपाधिसँगै रानाले रु ३० हजार पुरस्कार प्राप्त गर्नुभएको छ । यस्तै श्वेता रुचालले द्वितीय, सिन्धु श्रेष्ठले तृतीय तथा समीक्षा देवकोटाले सान्त्वना पुरस्कार जित्नु भएको छ । उहाँहरुले क्रमशः रु २० हजार, रु १० हजार र रु ५ हजार पुरस्कार प्राप्त गर्नुभयो । पूर्वअर्थमन्त्री महेश आचार्य, प्रदेश नं ५ का प्रदेशसभा सदस्य युवराज खनाल, रामपुर नगरपालिकाका नगरप्रमुख रमणबहादुर थापा, रामपुर उद्योग वाणिज्य सङ्घका अध्यक्ष भोजेन्द्रप्रकाश ढकाल र दिव्यतारा इन्टरप्राइजेजका सञ्चालक सिदार्थ शाक्यले संयुक्त रूपमा पुरस्कार प्रदान गर्नुभयो । 

रामपुर महोत्सवको अवसरमा सञ्चालन भएको उक्त नृत्य आइडलमा सहभागीलाई दर्शकको मतका आधारमा ५० प्रतिशत र निर्णायकको ५० प्रतिशत अङ्कका आधारमा छनोट गरिएको संयोजक प्रेमप्रकाश श्रेष्ठले जानकारी दिनुभयो । सो प्रतियोगिता दिव्य तारा इन्टरप्राइजेजको प्रायोजन र राष्ट्रिय लोक तथा दोहोरी गीत प्रतिष्ठान क्षेत्रीय कार्यसमिति क्षेत्र नं १ पाल्पाको संयोजनमा सम्पन्न भएको हो । (रासस

ट्याग -  नृत्य आइडल

SUGGESTED ARTICLES

img
नेपाल–चीनबीच सांस्कृतिक साहित्य आदानप्रदान

नेपाल र चीनबीचको सांस्कृतिक तथा साहित्यिक आदानप्रदान गर्नका लागि नेपाल प्रज्ञा प्रतिष्ठान र चिनियाँ सांस्कृतिक विभागबीच आज भेटवार्ता भएको छ । नेपाल प्रज्ञा प्रतिष्ठानमा भएको भेटवार्तामा प्रतिष्ठानका कुलपति गङ्गाप्रसाद उप्रेती, उपकुलपति डा जगमान गुरुङ, सदस्यसचिव प्राडा जगतप्रसाद उपाध्याय र कुलपति सचिवालयका प्रमुख विश्वास घिमिरे तथा नेपालस्थित चिनियाँ दूतावासको सांस्कृतिक विभाग प्रमुख सिपाइ


by RSS | Feb 14

img