mobile

अन्ना हजारे पनि आमरण अनशनमा

By Anu Rana on Feb 01,2019 - 10:39

भारतका प्रख्यात सामाजिक अभियन्ता अन्ना हजारेले बुधबारदेखि आफ्नै गाउँमा आमरण अनशन सुरु गरेका छन् । केन्द्रमा लोकपालको नियुक्ति र प्रदेशमा लोकायुक्तहरू नियुक्त गर्ने व्यवस्थासहितको लोकपाल विधेयक कार्यान्वयन गर्न माग गर्दै उनले अनशन सुरु गरेका हुन् । भ्रष्टाचार नियन्त्रण गर्न मोदी नेतृत्वको सरकार असफल भएको भन्दै उनले स्वतन्त्र लोकपाल र लोकायुक्त नियुक्त गर्नुपर्ने माग गरेका छन् । 

‘कुनै सर्वसाधारणले प्रमाणसहित उजुरी दियो भने लोकपालले प्रधानमन्त्रीलाई पनि छानबिन गर्न सक्दछ । त्यसैगरी, लोकायुक्तले मुख्यमन्त्री, अन्य मन्त्रीहरु र प्रदेशसभाका सांसदहरुलाई पनि छानबिन गर्नसक्छ’–आफ्नै गाउँमा अनशन सुरु गर्नुअघि उनले भने ।

आफूमाथि नै छानबिन गर्ने भएकाले उनीहरुले यस्तो व्यवस्था गराउन नचाहेको उनको आरोप छ । उनले यस्तो व्यवस्था कुनैपनि पार्टीको चाहनामा नपरेको बताए ।

लोकपाल विधेयक सन् २०१३ मा नै संसद्ले पारित गरिसकेको भए पनि सरकारले अहिलेसम्म त्यसमा भएको व्यवस्थाअनुसार लोकपाल र लोकायुक्त नियुक्त नगरेकाले फेरि अनशनमा बस्नु परेको उनको भनाइ छ । हाल राजनीतिमा सक्रिय आफ्ना पूर्वसमर्थकले पनि अनशनमा साथ दिन सक्नेतर्फ संकेत गर्दै उनले भने, ‘हाम्रो मञ्चमा अब कुनै राजनीतिक नेताहरूलाई ठाउँ छैन ।’ उनले अगाडि थपे, ‘लोकपाललाई निषेध गर्ने गरी तीन दिनमा राजनीतिज्ञहरूले अर्को कानुन पारित गरेका छन्, त्यसमा राष्ट्रपतिले पनि लालमोहर लगाइसक्नुभएको छ, तर पनि लोकपाल नियुक्त गरिएको छैन ।’ 

‘पाँच वर्षसम्म पनि उनीहरुले यसबारेमा केही गरेनन् । त्यसैले राजनीतिक नेताहरुलाई हाम्रो ठाउँमा आउन दिँदैनौं’–हजारेले भने ।

भारतमा सहिद दिवसकारुपमासमेत मनाइने महात्मा गान्धीको स्मृति दिवस जनवरी ३० को दिन पारेर आफूले अनशन सुरु गरेको पनि उनले बताएका हुन ।

ट्याग -  आमरण अनशनमा

SUGGESTED ARTICLES

img
सविधान संशोधन तथा लाल प्रतिवेदन सार्वजनिक होस् : राजपा

राष्ट्रिय जनता पार्टीले सर्वाेच्च अदालतका पूर्वन्यायाधीश गिरीशचन्द्र लालको अध्यक्षतामा गठित आयोगको प्रतिवेदन सार्वजनिक गर्न पुनः माग गरेको छ । प्रतिनिधिसभाको आजको बैठकको प्रारम्भमै उक्त पार्टीका नेता महेन्द्रप्रसाद यादवले सो प्रतिवेदन सार्वजनिक गर्न र संविधान संशोधनका लागि सभामुखबाट पुनः रुलिङ गर्न माग गर्नुभएको हो ।


by RSS | May 21

img

Whoops, looks like something went wrong.