mobile

होसियार ! सबैभन्दा धेरै रेडियसन निकाल्ने स्मार्टफोन  

By Anu Rana on Feb 12,2019 - 16:44

हामीमध्ये धेरैले मोबाइल फोन खरीद गरिरहेको हुन्छौँ जसले जहाँ हामी  क्यामराको क्षमता, ब्याट्री तथा अन्य फिचरहरुमा मात्र ध्यान दिन्छौँ । तर उक्त मोबाइल फोनको जानकारी पुस्तिकामा सानो अक्षरमा लेखिएको यसको रेडियसन लेभल अर्थात् विकिरणको तहको बारेमा पढ्ने बानी हामीमा छैन । तर हामीले चौबिसै घण्टा आफ्नो साथमा राखिने स्मार्टफोनहरुले कतै हानिकारक विकिरण उत्पन्न गरेर हाम्रो स्वास्थ्यलाई नै असर पारिरहेका त छैनन् ?

कुन स्मार्टफोनले कति विकिरण उत्पन्न गर्दछ भन्ने कुराको मापन स्पेसिफिक एब्जप्र्सन रेट अर्थात् एसएआरबाट गरिन्छ । हुनत सबै मोबाइल फोनहरु रेडियो फ्रिक्वेन्सी प्रसार गर्ने साधन हुन् । तर यी साधनले कति तहसम्म हाम्रो स्वास्थ्यको लागि हानिकारक विकिरण उत्सर्जन गर्दछन् भन्ने कुरा थाहा पाउन यसको एसएआर भ्यालू थाहा पाउनु जरुरी पर्दछ ।

विज्ञहरुले भनेका छन कि मोबाइल फोनको अधिकतम विकिरणको तह अर्थात् एसएआर भ्यालू १.६ वाट प्रति केजी भन्दा बढि हुनु स्वास्थ्यको लागि हानिकारक हुनेछ । अर्थात् मोबाइल फोन प्रयोग गरिरहँदा सरीरको प्रति किलो तन्तुले मोबाइलबाट त्यसबाट निस्किने रेडियो फ्रिक्वेन्सीको अधिकतम १.६ वाट भन्दा बढि उर्जा प्राप्त गर्यो भने त्यो हानिकारक हुन्छ ।

तर ०.६० वाट प्रतिकेजी भन्दा कम एस ए आर भएका स्मार्टफोन प्रयोगका लागि सबैभन्दा उत्तम हुने बताइन्छ ।

जर्मनीको विकिरण सुरक्षा संघीय कार्यालयले नियमित रुपमा मोबाइल फोनले उत्पन्न गर्ने विकिरणको सूचि सार्वजनिक गर्दछ । कार्यालयले जारी गरेको पछिल्लो सूचि अनुसार चिनिया स्मार्टफोन कम्पनी शाओमीको एम आइ ए १ सबैभन्दा धेरै विकिरण उत्सर्जन गर्ने स्मार्टफोनको रुपमा रहेको पाइएको छ । उक्त स्मार्टफोनको एस ए आर १.७५ रहेको छ ।

दोश्रो स्थानमा वनप्लस ५टी स्मार्टफोन छ । जसको एस ए आर १.६८ रहेको छ ।

त्यस्तै शाओमीकै एम आइ म्याक्स थ्री को तेश्रो स्थानमा छ । जसको एस ए आर १.५८ रहेको छ । वन प्लस ६ टी स्मार्टफोन चौथो स्थानमा छ । जसको एसएआर १.५५ रहेको छ ।

पाचौँ स्थानमा रहेको एचटिसी यू १२ लाइफ स्मार्टफोनको एसएआर १.४८ रहेको छ भने छैटौँ स्थानमा शाओमी एम आइ मिक्स थ्री को १.४५ रहेको छ ।

त्यस्तै सातौँ स्थानमा रहेको गुगल पिक्सेल थ्री को १.३९ र आठौँ स्थानको वन प्लस फाइभको पनि १.३९ नै रहेको छ ।

बढि विकिरण उत्पन्न गर्ने टप टेन स्मार्टफोनको रुपमा एप्पलको आइफोन पनि रहेको छ । आइफोन सेभेन यो सूचिमा नबौँ स्थानमा रहेको छ । आइफोन सेभेनको एस ए आर १.३८ रहेको छ ।

त्यस्तै सोनी एक्सपेरिया एक्स जेड वान कम्प्याक्ट स्माटफोन दशौँ स्थानमा रहँदा एसएआर १.३६ रहेको छ । एचटिर्सी डिजाएर १२ चाहीँ १.३४ एसएआर सँगै ११ औँ स्थानमा रहेको छ ।

गुगल पिक्सेल थ्री र वन प्लस सिक्स १.३३ एस ए आर सहित क्रमशः १२ औँ र १३ औँ स्थानमा रहेका छन् ।

एप्पलकै आइफोन एट १.३२ एस एआर सहित १४ औँ स्थानमा रहँदा शाओमीको रेडमी नोट फाइभ १.२९ एस ए आर सहित पन्ध्रौँ स्थानमा रहेको छ ।

त्यस्तै जेडटिइ को एक्जोड सेभेन मिनी १.२९ एस ए आर सहित सोह्रौँ स्थानमा रहेको तथ्यांकले देखाएको छ ।

उल्लेखित सूचि अनुसार सबैभन्दा धेरै रेडियसन उत्पन्न गर्ने १६ वटा स्मार्टफोन मध्ये ८ वटा त चिनिया स्मार्टफोन ब्राण्ड शाओमी र वन प्ल्सका रहेका रहेका छन् । त्यस्तै पि्रमियम स्मार्टफोन मध्ये एप्पलका दुईवटा मोडेल, आइफोन सेभेन र एट पनि बढि विकिरण उत्पन्न गर्ने सूचिमा परेका छन् ।

सबैभन्दा कम रेडियसन उत्सर्जन गर्ने स्मार्टफोन

जर्मन संघीय कार्यालयको उक्त सूचि अनुसार सामसुङको ग्यालेक्सी नोट ८ सबैभन्दा कम विकिरण उत्पन्न गर्ने स्मार्टफोन रहेको छ । यस अनुसार ग्यालेक्सी नोट ८ सबैभन्दा सुरक्षित स्मार्टफोन भन्न सकिन्छ । त्यसको एस ए आर ०.१७ रहेको छ । यी हुन् सबैभन्दा कम रेडियसन उत्पन्न गर्ने स्मार्टफोनः

  • सामसुङ ग्यालेक्सी नोट ८ः एस ए आर ०.१७
  • जेडटिइ एक्जोन इलाइटः एस ए आर ०.१७
  • एल जी जी सेभेनः एस ए आर ०.२४
  • सामसुङ ग्यालेक्सी ए ८ः एस ए आर ०.२४
  • सामसुङ ग्यालेक्सी एस ८ प्लसः एस ए आर ०.२६
  • सामसुङ ग्यालेक्सी एस सेभेन एजः एस ए आर ०.२६
  • एचटिसी यू ११ लाइफः एस ए आर ०.२८
  • एलजी क्यू ६ः एस ए आर ०.२८
  • सामसुङ ग्यालेक्सी एस नाइन प्लसः एस ए आर ०.२९
  • मोटोरोला मोटो जी ५ प्लसः एस ए आर ०.३०
  • मोटोरोला मोटो जेडः एस ए आर ०.३०
  • सामसुङ ग्यालेक्सी जे सिक्स प्लसः एस ए आर ०.३१
  • जेडटिइ ब्ले ए ६१०ः एस ए आर ०.३१
  • सामसुङ ग्यालेक्सी जे ४ प्लसः एस ए आर ०.३२
  • सामसुङ ग्यालेक्सी एस ८ एस ए आर ०.३२
  • जेडटिइ ब्लेड भी ९ः एस ए आर ०.३२

 

 

 

ट्याग -  रेडियसन , स्मार्टफोन  

SUGGESTED ARTICLES

img
मार्च ८ मा सामसुङ ग्यालेक्सी एस १० आउदै  

दक्षिण कोरियाली दिग्गज कम्पनी सामसुङले आफ्नो नयाँ फ्लागशीप स्मार्टफोन सामसुङ ग्यालेक्सी एस १० आगामी मार्च ८ मा लञ्च गर्ने भएको छ । भने आगामी फेब्रुअरी २० मा सनफ्रान्सिस्कोमा हुने कार्यक्रममा उक्त फोनको घोषणा गरिनेछ ।


by Anu Rana | Feb 17

img