mobile

नेपाल–चीनबीच सांस्कृतिक साहित्य आदानप्रदान

By RSS on Feb 14,2019 - 16:44

नेपाल र चीनबीचको सांस्कृतिक तथा साहित्यिक आदानप्रदान गर्नका लागि नेपाल प्रज्ञा प्रतिष्ठान र चिनियाँ सांस्कृतिक विभागबीच आज भेटवार्ता भएको छ । 

नेपाल प्रज्ञा प्रतिष्ठानमा भएको भेटवार्तामा प्रतिष्ठानका कुलपति गङ्गाप्रसाद उप्रेती, उपकुलपति डा जगमान गुरुङ, सदस्यसचिव प्राडा जगतप्रसाद उपाध्याय र कुलपति सचिवालयका प्रमुख विश्वास घिमिरे तथा नेपालस्थित चिनियाँ दूतावासको सांस्कृतिक विभाग प्रमुख सिपाइ र सांस्कृतिक सहचारी छङ चनलगायत सहभागी हुनुहुन्थ्यो । 

भेटवार्तामा दोस्रो चीन तथा दक्षिण एशिया साहित्य सम्मेलन नेपाल प्रज्ञा प्रतिष्ठानको आयोजनामा नेपालमा गर्ने, नेपाली प्रकाशन चीनमा र चिनियाँ प्रकाशन नेपालमा अनुवाद गर्ने बारेमा समेत छलफल भएको कुलपति उप्रेतीले राससलाई जानकारी दिनुभयो । 

चीन सरकारको सहयोगमा प्रतिष्ठान परिसरभित्र आधुनिक प्रशासनिक भवन निर्माण गर्ने बारेमा समेत छलफल भएको छ । 

उक्त भवन निर्माण भइसकेपछि अहिलेको भवनमा आदिकवि भानुभक्त आचार्य, कविशिरोमणि लेखनाथ पौडेललगायतका साहित्यकारको नाममा विभिन्न कक्ष तथा सङ्ग्रहालय निर्माण गरिने प्रतिष्ठानले जनाएको छ । (रासस)

ट्याग -  नेपाल–चीन सांस्कृतिक साहित्य

SUGGESTED ARTICLES

img
लघु चलचित्र ‘अप्पन’ उत्कृष्ट

नेपाली सेनाद्वारा आयोजित २०७५ को लघु चलचित्र प्रतियोगितामा ‘अप्पन’ चलचित्र उत्कृष्ट घोषित भएको छ । प्रधानसेनापति पूर्णचन्द्र थापाले जङ्गी अड्डास्थित सभामण्डपमा आज साँझ आयोजित समारोहमा उक्त चलचित्रका निर्माता कृष्णकुमार महतोलाई नगद रु दुई लाखसहित प्रशंसापत्र प्रदान गर्नुभयो । प्रतियोगितामा गगनकुमार श्रेष्ठको ‘चाहना’ र प्रद्युम्न मिश्रको ‘हातेमालो’ चलचित्र क्रमशः दोस्रो र तेस्रो घोषित भए ।


by RSS | May 15

img