mobile

२०७६ वैशाख २८ मा वान बेल्ट वान रोड रेस्लिङ हुने

By Anu Rana on Mar 17,2019 - 10:58

चीनको वान बेल्ट वान रोडको अवधारणलाई सहयोग गर्ने उद्देश्यले नयाँ वर्षको अवसर पारेर नेपाल रिङ रेस्लिङ संघले एमकेडब्लू बेल्ट एन्ड रोड च्याम्पियनसिप गर्ने भएको छ । यही आउदो २०७६ वैशाख २८ मा हुने प्रतियोगितामा ६ देशका खेलाडीको सहभागिता रहने संघकी अध्यक्ष सुनिता थापाले बताउनु भ्एको छ । वीआरआईको माध्यमबाट समकालीन अन्तर्राष्ट्रिय सम्बन्ध विस्तारमा योगदान हुने भएको र यसबाट नेपाललाई समेत फाइदा हुने उनको दाबी छ । प्रतियोगितामा नेपाल, चीन, अमेरिका, इंग्ल्यान्ड, हङकङ, न्युजिल्यान्डका खेलाडीको सहभागिता रहेने छ । 

नेपालका चर्चित रेस्लर नुवाकोट टाइगर, ठाकुर, डेभिड, एक्स हिरो, साइन, चट्टान, दिलाशाले प्रतिस्पर्धा गर्ने भ्एका छन । त्यसैगरी अमेरिकाका एस सिल्भा, जेडा, जोम्बिइ ड्रागन र अंकल मनि छन् भने युकेका विग सामको सहभागिता रहनेछ । चीनका बेम्बो क्रुसर, दा बाइ, ब्ल्याक माम्बा छन् । त्यसैगरी, हङकङका केसी, चियरम्यान एएल, मिचेल सु छन् । न्युजिल्यान्डका टोमी कम्ब्याट छन् । रेफ्रीमा प्रदिप पाण्डे, कुवेर केसी, विकास खड्का रहने आयोजकले जानकारी दिएको छ ।

उक्त प्रतियोगितामा दुईवटा बेल्ट विजेता घोषणा गरिनेछ । जसमा बेल्ट एन्ड रोड च्याम्पियन र वल्र्ड च्याम्पियनको बेल्ट प्रदान गरिने नेपाल रिङ रेस्लिङ संघकी महासचिव सुवर्ण श्रेष्ठले बताउनु भयो । त्यो प्रतियोगितामा एकल, ट्याग टिम, टु भर्सेस टु, वे कर्नर, रोप एन्ड कर्नरका प्रतिस्पर्धा गराइनेछन् ।

उक्त प्रतियोगिता आयोजना गर्न ४५ लाख बजेट लाग्ने अनुमान गरिएको छ । प्रतियोगितालाई राखेपको सहयोग छ । प्रतियोगिताको आतिथ्य साझेदारमा सानेपाको होटल एल्लो दरबार रहेको छ ।

ट्याग -  वान बेल्ट वान रोड रेस्लिङ ,

SUGGESTED ARTICLES

img
थाइल्याण्डले २३५ रनको लक्ष्य पायो

थाइल्याण्डमा जारी एसिसी सोह्र वर्षमुनि (यु–१६) पूर्वी क्षेत्रीय क्रिकेट प्रतियोगिताअन्तर्गत आज भएको समूह चरणको अन्तिम खेलमा नेपालले थाइल्याण्डलाई २३५ रनको फराकिलो लक्ष्य दिएको छ । थाइल्याण्डको चियाङमाई क्रिकेट मैदानमा टस जितेर पहिले ब्याटिङ गरेको नेपालले ३५ ओभरमा सात विकेट गुमाउँदै २३४ रनको योगफल खडा ग¥यो । नेपालका लागि आशिष भट्टराईले सर्वाधिक ५८ रनको योगदान दिए ।


by RSS | Apr 25

img