mobile

छुट्टाछुट्टै घटनामा दुईको मृत्यु

By RSS on Mar 19,2019 - 10:21

चितवनको भरतपुरमा मोटरसाइकल अनियन्त्रित भई पल्टिँदा एक जनाको मृत्यु भएको छ । अर्का एक गम्भीर घाइते भएका छन् । 

गए राति १ बजे भरतपुरबाट टाँडीतर्फ जाँदै गरेको बा९१प ३४८ नंको मोटरसाइकल आफँै अनियन्त्रित भई केन्द्रीय बस टर्मिनल चोकको डिभाइडरमा ठक्कर खाँदा मोटरसाइकल पछाडि सवार खैरहनी नगरपालिका–१३ का ३४ वर्षीय कुमार अधिकारीको मृत्यु भएको जिल्ला प्रहरी कार्यालय चितवनले जानकारी दिएको छ । अधिकारीको उपचारको क्रममा भरतपुर अस्पतालमा मृत्यु भएको हो । गम्भीर घाइते मोटरसाइकल चालक धादिङ कयपुर–५ का ३८ वर्षीय सोमनाथ सेढाइँको चितवन मेडिकल कलेजमा उपचार भइरहेको छ । 

यस्तै गैँडाको आक्रमणबाट पूर्वी चितवनमा एक महिलाको मृत्यु भएको छ । चितवन राष्ट्रिय निकुञ्ज क्षेत्रमा घाँस काट्न गएकी रत्ननगर नगरपालिका–६ की ५५ वर्षीय जानकी चौधरीको मृत्यु भएको हो । गैँडाको आक्रमणबाट घाइते चौधरीको चितवन मेडिकल कलेजमा उपचारका क्रममा मृत्यु भएको जिल्ला प्रहरी कार्यालय चितवनले जानकारी दिएको छ । शव परीक्षणका लागि भरतपुर अस्पतालमा राखिएको छ ।

ट्याग -  दुर्घटना ,

SUGGESTED ARTICLES

img
सरकारी जग्गा फिर्ता ल्याउन आयोग बन्ने

दुरुपयोग भएका सरकारी जग्गाको खोजी गरी फिर्ता ल्याउन र दोषीलाई कारवाही सिफारिस गर्न सरकारले उच्चस्तरीय आयोग गठन गर्ने भएको छ । कानून विपरीत वा अनियमित तरिकाले व्यक्तिका नाममा रजिष्ट्रेशन गराइएका सरकारी जग्गाको खोजी गरी कारवाही गर्न चाँडै आयोग गठन हुने भएको हो ।


by RSS | Today, 06:09 PM

img