mobile

सावन्त बने गोवाका नयाँ मुख्यमन्त्री  

By Anu Rana on Mar 19,2019 - 16:42

भारतको गोवामा सभामुख प्रमोद सावन्त मध्यरातमा मुख्यमन्त्री बनेका छन् । मनोहर पर्रिकरको निधन भएपछि सावन्तलाई राति पौने दुई बजे राजभवनमा सावन्तलाई मुख्यमन्त्रीको शपथ गराइएको हो ।

गोवाका मुख्यमन्त्री मनोहर परिकरको ६३ वर्षको उमेरमा निधन भएपछि सावन्तलाई मुख्यमन्त्री बनाइएको हो। क्यान्सर पीडित परिकरको निधन गत आइतबार गोवास्थित आफ्नै निवासमा भएको थियो।

सावन्त बाहेक अन्य ११ जना विधायकले पनि मन्त्री पदको शपथ लिएका छन् । यसरी सपथ लिनेमा महाराष्ट्रवादी गोमान्तक पार्टीका विधायक सुधिन धवलिकर र गोवा फरवार्ड पार्टीका अध्यक्ष तथा विधायक विजय सरदेसाई समेत छन् । बाँकी मन्त्रीको शपथ लिनेहरु भने पर्रिकर नेतृत्वको मन्त्रिपरिषदका सदस्य नै छन् । नयाँ दुवै मन्त्रीलाई उपमुख्यमन्त्रीको पद दिन सक्ने अनुमान गरिएको छ ।

उनको निधनपछि गोवाको सबैभन्दा ठूलो दल भारतीय कंग्रेस आईलाई गर्भनरले पत्र पठाए पनि उसले सरकार बनाउन अस्वीकार गरेपछि भाजपालाई सरकार बनाउन प्रस्ताव गरिएको थियो। ४० सिट रहेको गोवाको विधानसभामा कांग्रेसको १४ र भाजपाका १२ सांसद रहेका छन् भने अन्य साना दलका ६ सांसद रहेका छन्। त्यस्तै स्वतन्त्र सांसद तीन रहेकोमा सबै सांसदको समर्थन भाजपालाई छ।

 

ट्याग -  सावन्त , नयाँ मुख्यमन्त्री ,

SUGGESTED ARTICLES

img
सविधान संशोधन तथा लाल प्रतिवेदन सार्वजनिक होस् : राजपा

राष्ट्रिय जनता पार्टीले सर्वाेच्च अदालतका पूर्वन्यायाधीश गिरीशचन्द्र लालको अध्यक्षतामा गठित आयोगको प्रतिवेदन सार्वजनिक गर्न पुनः माग गरेको छ । प्रतिनिधिसभाको आजको बैठकको प्रारम्भमै उक्त पार्टीका नेता महेन्द्रप्रसाद यादवले सो प्रतिवेदन सार्वजनिक गर्न र संविधान संशोधनका लागि सभामुखबाट पुनः रुलिङ गर्न माग गर्नुभएको हो ।


by RSS | May 21

img